Medicine Price Hike: જરૂરી દવાઓ થઇ મોંઘી, 50 ટકા સુધી કિંમતમાં થઇ શકે છે વધારો, કેટલી થશે અસર?
Medicine Price Hike: આ દવાઓના મહત્તમ દર એટલા ઓછા હતા કે તેનું ઉત્પાદન અને માર્કેટિંગ કરતી કંપનીઓને નુકસાન થઈ રહ્યું હતું.
Medicines Formulations : નેશનલ ડ્રગ પ્રાઈસિંગ ઓથોરિટીએ (National Drug Pricing Authority) 8 દવાઓના 11 ફોર્મ્યુલેશનના ભાવમાં 50 ટકાનો વધારો કર્યો છે. આ દવાઓના ફોર્મ્યુલેશનની કિંમતમાં થયેલા વધારાને કારણે આ નિર્ણય લેવામાં આવ્યો છે. નેશનલ ડ્રગ પ્રાઈસિંગ ઓથોરિટી સાથેની બેઠકમાં આરોગ્ય અને પરિવાર કલ્યાણ મંત્રાલય (Ministry of Health and Family Welfare) દ્વારા દવાના ફોર્મ્યુલેશનના ભાવમાં 100 ટકાનો વધારો કરવાનો નિર્ણય લેવામાં આવ્યો હતો.
ફાર્માસ્યુટિકલ કંપનીઓને થઇ રહ્યું છે નુકસાન
આ દવાઓના મહત્તમ દર એટલા ઓછા હતા કે તેનું ઉત્પાદન અને માર્કેટિંગ કરતી કંપનીઓને નુકસાન થઈ રહ્યું હતું. આ કારણે કેટલીક કંપનીઓએ તેનું માર્કેટિંગ પણ બંધ કરી દીધું હતું. આ પછી કેટલીક કંપનીઓએ NPPAને તેમનું માર્કેટિંગ બંધ કરવાની અપીલ પણ કરી હતી. આ ખૂબ જ પાયાની દવાઓ હોવાથી તેના પુરવઠાને ભારે અસર થઈ હતી અને દર્દીઓની સાથે ડોક્ટરોને પણ ઘણી સમસ્યાઓનો સામનો કરવો પડ્યો હતો.
કઈ દવાઓના ભાવ વધ્યા?
એનપીપીએ દ્વારા જે દવાઓના ભાવમાં વધારો કરવામાં આવ્યો છે તેમાં ગ્લુકોમા, અસ્થમા, ટીબી, થેલેસેમિયા અને માનસિક સ્વાસ્થ્યની સારવારમાં વપરાતી દવાઓનો સમાવેશ થાય છે. જે ફોર્મ્યુલેશનના દરમાં વધારો થયો છે તેમાં બેન્ઝિલ પેનિસિલિન 10 લાખ IU ઇન્જેક્શન, સાલબુટામોલ ટેબ્લેટ્સ 2 મિલિગ્રામ અને 4 મિલિગ્રામ અને રેસ્પિરેટર સોલ્યુશન 5 મિલિગ્રામ/એમએલનો સમાવેશ થાય છે. આ દવાઓનો ઉપયોગ ફર્સ્ટ લાઇન ટ્રીટમેન્ટ તરીકે થાય છે.
આ ઈન્જેક્શનની કિંમતમાં પણ વધારો થયો
-સફડ્રોક્સિલ ટેબ્લેટ્સ 500 મિલિગ્રામ
-એટ્રોપિન ઇન્જેક્શન 06 મિલિગ્રામ/એમએલ
-સ્ટ્રેપ્ટોમાઇસિન પાવડર 750 મિલિગ્રામ અને 1000 મિલિગ્રામ
-ડેસ્ફેરિઓક્સામાઇન 500 મિલિગ્રામ
દવાઓનું ફોર્મ્યુલેશન શું હોય છે
જે ફોર્મ્યુલામાંથી દવાઓ બનાવવામાં આવે છે તેને ફોર્મ્યુલેશન કહેવામાં આવે છે. દવાઓનું નિર્માણ એ એક પ્રકારની પ્રક્રિયા છે, જેમાં દવાઓના વિવિધ કમ્પોનેન્ટને મિશ્ર કરીને એક ખાસ પ્રકારનું કમ્પોનેન્ટ બનાવવામાં આવે છે, જે શરીરમાં યોગ્ય રીતે કામ કરી શકે તેવી દવાઓની ગુણવત્તા અને અસર વધારવામાં મદદ કરે છે. દવાને ટેબલેટ્સ, કેપ્સ્યુલ્સ, સિરપ અથવા ઇન્જેક્શનના સ્વરૂપમાં બનાવવામાં આવે છે.
ટોપ સ્ટોરી
ટ્રેન્ડિંગ સમાચાર
