મોદી સરકાર લોકસભા સીટની સંખ્યા વધારીને 1000 સુધી કરી શકે છે ? જાણો ક્યા નેતાએ કર્યો આ દાવો

મનીષ તિવારીના ટ્વીટ પર કોંગ્રેસ નેતા કાર્તિ ચિદમ્બરમે પણ ટ્વીટ કર્યું.

સંસદની ફાઈલ તસવીર

કોંગ્રેસના વરિષ્ઠ નેતા મનીષ તિવારીએ મોટું નિવેદન આપ્યું છે. તેમણે કહ્યું કે, ભાજપ સરકાર લોકસભા સીટની સંખ્યા વધારવાનો પ્રસ્તાવ લાવવાની છે. તેમણે કહ્યું કે, જો આ પ્રસ્તાવ મુકવામાં આવશે તો પછી સામાન્ય લોકોનો મત પણ જાણવો જોઈએ. તેમણે એવો દાવો પણ કર્યો કે તેના માટે સંસદની નવી ચેમ્બર પણ તૈયાર કરવામાં આવી રહી છે. જ્યારે જાણકારોનું કહેવું છે કે નવી સંસદમાં વધારે સાંસદોને બેસવાની જગ્યા હશે અને નેતાઓની સંખ્યા વધી તો પણ જગ્યાની ઘટ નહીં પડે.

મનીષ તિવારીએ ટ્વીટ કર્યું, “મને ભાજપના પાર્લામેન્ટ્રી સભ્યએ વિશ્વસનીય જાણકારી આપી છે કે 2024 લોકસભા ચૂંટણી પહેલા લોકસભાની સંખ્યા 1000 અથવા તેનાથી વધારે કરવાનો પ્રસ્તાવ મુકવામાં આવશે. જે નવી સંસદ બનાવવામાં આવી રહી છે, તેમાં પણ 1000 સભ્યોને બેસવાની ક્ષમતા રાખવામાં આવી છે. આ નિર્ણય લેવાય એ પહાલ સરકારે આ મુદ્દે ગંભીરતાથી જાહેરમાં ચર્ચા કરવી જોઈએ.”

I am reliably informed by Parlimentary colleagues in @BJP4India that there is a proposal to increase strength of Lok Sabha to 1000 or more before 2024. New Parliament Chamber being constructed as a 1000 seater.
Before this is done there should be a serious public consultation.

— Manish Tewari (@ManishTewari) July 25, 2021

કોંગ્રેસ નેતા કાર્તિ ચિદમ્બરે પણ કર્યું ટ્વીટ

મનીષ તિવારીના ટ્વીટ પર કોંગ્રેસ નેતા કાર્તિ ચિદમ્બરમે પણ ટ્વીટ કર્યું. તેણે કહ્યું કે, આ મામલે જાહેરમાં ચર્ચાની જરૂરત છે. તેમણે ટ્વીટ કરીને લખ્યું કે, “આ મામલે જાહેરમાં ચર્ચાની જરૂરત છે. આપણા જેવા મોટા દેશના વધારે ચૂંટાયેલા પ્રતિનિધિની જરૂરિયાત છે. પરંતુ જો આ વધારો જનસંખ્યાના આધારે કરવામાં આવ્યો તે તેનાથી દક્ષિણા રાજ્યોનું પ્રતિનિધિત્વ ઘટી જશે. જે કોઈપણ રીતે સ્વીકાર્ય નથી.”

Public debate is needed. A large country like ours needs more directly elected representatives. But if the increase is based on population it will further diminish the representation of the southern states, that will not be acceptable.

— Karti P Chidambaram (@KartiPC) July 25, 2021