દિલ્હી વિધાનસભા ચૂંટણી પરિણામ બાદ જ BJPના આ ધારાસભ્યએ CM પદ પર દાવો ઠોક્યો
દિલ્હી વિધાનસભા ચૂંટણીમાં ભાજપની જોરદાર જીત બાદ મોટો સવાલ એ છે કે મુખ્યમંત્રી કોણ બનશે ? પાર્ટીમાં ઘણા મોટા ચહેરા છે.
Delhi BJP CM Face: દિલ્હી વિધાનસભા ચૂંટણીમાં ભાજપની જોરદાર જીત બાદ મોટો સવાલ એ છે કે મુખ્યમંત્રી કોણ બનશે ? પાર્ટીમાં ઘણા મોટા ચહેરા છે. આ દરમિયાન, 5 વખતના ધારાસભ્ય મોહન સિંહ બિષ્ટે ઈશારામાં મુખ્યમંત્રી પદ માટે પોતાનો દાવો રજૂ કર્યો છે.
એબીપી ન્યૂઝ સાથેની ખાસ વાતચીતમાં મુખ્યમંત્રી પદના સવાલ પર તેમણે કહ્યું કે, હું છ વખત જીત્યો છું, મારી પાસે મુખ્યમંત્રી બનવા લાયક પ્રોફાઈલ છે. પરંતુ આ ઉપરથી નક્કી કરવામાં આવશે, પરંતુ ઓછામાં ઓછું હું પ્રોટેમ સ્પીકર બનીશ. હું ધારાસભ્યોને શપથ લેવડાવીશ.
મોહન સિંહ બિષ્ટને કેટલા મત મળ્યા ?
મોહન સિંહ બિષ્ટને 42.36 ટકા મત મળ્યા હતા. બિષ્ટને 85215 વોટ મળ્યા. આ સીટ પર AAPના આદિલ અહમદ ખાન બીજા ક્રમે છે. તેમને 67637 મત મળ્યા હતા. AIMIMના ઉમેદવાર તાહિર હુસૈનને 33474 વોટ મળ્યા છે. બિષ્ટે આદિલ અહેમદ ખાનને 17578 મતોથી હરાવ્યા છે.
મુખ્યમંત્રીની રેસમાં પ્રવેશ વર્મા, મનોજ તિવારી અને વિરેન્દ્ર સચદેવા જેવા ચહેરાઓ સામેલ છે. જોકે, ભાજપ હંમેશા આશ્ચર્યજનક કરે છે. પ્રવેશ વર્માના મુખ્યમંત્રી બનવાની શક્યતાઓ વધારે છે. તેમણે દિલ્હીના મુખ્યમંત્રી અને આમ આદમી પાર્ટી (AAP)ના રાષ્ટ્રીય સંયોજક અરવિંદ કેજરીવાલને હરાવ્યા છે. પ્રવેશ વર્મા એક મોટો ચહેરો બની ઉભરી આવ્યા છે. કેજરીવાલ નવી દિલ્હી સીટ પરથી 2013, 2015 અને 2020માં જીત્યા હતા.
કોણ છે મોહન સિંહ બિષ્ટ ?
તમને જણાવી દઈએ કે મોહન સિંહ બિષ્ટ પાંચ વખત કરાવલ નગરથી ધારાસભ્ય રહી ચૂક્યા છે. આ વખતે પાર્ટીએ તેમની સીટ બદલી અને મુસ્તફાબાદથી ઉમેદવારને મેદાનમાં ઉતાર્યા. બિષ્ટે આ અંગે નારાજગી વ્યક્ત કરી હતી. જોકે, બાદમાં તેમણે ચૂંટણી લડવાનો નિર્ણય કર્યો હતો. પાર્ટીએ કરાવલ નગરથી કપિલ મિશ્રાને ટિકિટ આપી હતી.
બિષ્ટને 2015માં જ હારનો સામનો કરવો પડ્યો હતો. ત્યારબાદ કપિલ મિશ્રાએ AAPની ટિકિટ પર ચૂંટણી લડી હતી અને બિષ્ટને હરાવ્યા હતા. કપિલ મિશ્રા બાદમાં ભાજપમાં જોડાયા હતા.
27 વર્ષ બાદ દિલ્હીની સત્તા પર ભાજપની શાનદાર એન્ટ્રી
દિલ્હીમાં મત ગણતરીના પ્રારંભિક વલણોમાં ભાજપ જીત તરફ આગળ વધી રહ્યું છે. અંદાજે 27 વર્ષ બાદ દિલ્હીની સત્તા પર ભાજપની શાનદાર એન્ટ્રી થઈ છે. આ દરમિયાન હવે એ સવાલ પર ચર્ચાએ જોર પકડ્યું છે કે દિલ્હીના આગામી મુખ્યમંત્રી કોણ હશે ? દિલ્હીમાં 27 વર્ષનો દુષ્કાળ સમાપ્ત થયા બાદ ભાજપ રાજધાનીની કમાન કોને સોંપશે ? આ રેસમાં ઘણા દિગ્ગજોના નામ આગળ આવી રહ્યા છે. ચૂંટણી લડનારા પ્રવેશ સાહિબ સિંહ વર્મા જેવા નેતાઓના નામો જ નહીં પરંતુ દિલ્હીના પ્રાદેશિક રાજકારણમાં મોટું નામ એવા મનોજ તિવારી જેવા નામો પણ ચર્ચાઈ રહ્યા છે.
ટોપ સ્ટોરી
ટ્રેન્ડિંગ સમાચાર
