Jaish e Mohammed Terrorist: જમ્મુ-કાશ્મીરમાં મોટો આતંકવાદી હુમલો થાય તે પહેલા જ NIAએ બોલાવ્યો સપાટો, જાણો વિગતે
Jaish e Mohammed Terrorist: સુરક્ષા એજન્સીઓએ ખૂબ જ તત્પરતા સાથે એક મોટા આતંકવાદી ષડયંત્રને નિષ્ફળ બનાવ્યું છે. રવિવારે (21 મે) NIAએ જૈશ-એ-મોહમ્મદના એક આતંકવાદીની ધરપકડ કરી હતી.
Jaish e Mohammed Terrorist: સુરક્ષા એજન્સીઓએ ખૂબ જ તત્પરતા સાથે એક મોટા આતંકવાદી ષડયંત્રને નિષ્ફળ બનાવ્યું છે. રવિવારે (21 મે) NIAએ જૈશ-એ-મોહમ્મદના એક આતંકવાદીની ધરપકડ કરી હતી. ધરપકડ કરાયેલા આતંકવાદીનું નામ મોહમ્મદ ઉબેદ મલિક છે, જે કુપવાડાનો રહેવાસી છે. ઉબેદ પાકિસ્તાનમાં બેઠેલા જૈશના કમાન્ડરના સતત સંપર્કમાં હતો.
J&K | National Investigation Agency arrests a Jaish-e-Mohammad operative, identified as Mohd Ubaid Malik of Kupwara district, for his involvement in the terror conspiracy case in Jammu and Kashmir: NIA
— ANI (@ANI) May 21, 2023
આતંકવાદી ઉબેદ જમ્મુ-કાશ્મીરમાં મોટા આતંકવાદી ષડયંત્રને અંજામ આપવાનો પ્રયાસ કરી રહ્યો હતો. પકડાયેલ આતંકવાદી પાકિસ્તાનમાં બેઠેલા પોતાના કમાન્ડરને સેનાના જવાનો અને સુરક્ષા દળોની હિલચાલ સાથે જોડાયેલી માહિતી મોકલી રહ્યો હતો.
આપત્તિજનક દસ્તાવેજો મળી આવ્યા
NIAની તપાસમાં ખુલાસો થયો છે કે આરોપી આતંકવાદી પાકિસ્તાનમાં બેઠેલા જૈશ કમાન્ડરને ખાસ કરીને સૈનિકો અને સુરક્ષા દળોની હિલચાલ વિશે ગુપ્ત માહિતી પહોંચાડતો હતો. NIAએ આરોપી પાસેથી જમ્મુ અને કાશ્મીરમાં આતંકવાદી ગતિવિધિઓને પ્રોત્સાહન આપવામાં તેની સંડોવણી અંગેના અનેક આપત્તિજનક દસ્તાવેજો પણ કબજે કર્યા છે.
ગુપ્તચર એજન્સીઓ એલર્ટ મોડ પર
સ્વત: સંજ્ઞાન લેતા, એજન્સીએ 21 જૂન, 2022 ના રોજ જમ્મુ અને કાશ્મીરમાં આતંકવાદી હુમલા અંગે કેસ નોંધ્યો હતો. NIAને બાતમી મળી હતી કે બોમ્બ વિસ્ફોટ કરવા માટે ડ્રોન દ્વારા સામગ્રી મોકલવામાં આવી હતી. ત્યારથી ગુપ્તચર એજન્સીઓ એલર્ટ મોડ પર હતી. NIAને આજે આ મામલે મોટી સફળતા મળી છે.
ડ્રોન દ્વારા વિસ્ફોટક મોકલવામાં આવી રહ્યા હતા
NIAની તપાસ મુજબ જમ્મુ-કાશ્મીરમાં આતંકી હુમલા કરવા માટે IED અને વિસ્ફોટકો વારંવાર ડ્રોન દ્વારા મોકલવામાં આવે છે. સ્થાનિક સ્તરે વિસ્ફોટક સામગ્રી પણ એકત્ર કરવામાં આવી રહી છે. તે પ્રકાશમાં આવ્યું છે કે હુમલામાં મુખ્યત્વે લઘુમતીઓ અને સુરક્ષા દળોના જવાનોને નિશાન બનાવવામાં આવ્યા હતા.
વિધાનસભા ચૂંટણીમાં અમને 135 પ્લસ બેઠકો મળી પરંતુ હું ખુશ નથી
કર્ણાટક કોંગ્રેસ અધ્યક્ષ અને રાજ્યના ડેપ્યુટી સીએમ ડીકે શિવકુમારનું મોટું નિવેદન સામે આવ્યું છે. બેંગલુરુમાં પાર્ટીના કાર્યકર્તાઓને સંબોધતા તેમણે કહ્યું કે આપણને વિધાનસભા ચૂંટણીમાં 135થી વધુ સીટો મળી છે, પરંતુ હું ખુશ નથી. મારા કે સિદ્ધારમૈયાના ઘરે ન આવો. અમારું આગામી લક્ષ્ય લોકસભા ચૂંટણી છે અને આપણે સારી રીતે લડવું જોઈએ.
ટ્રેન્ડિંગ સમાચાર
ટોપ સ્ટોરી
