PM મોદીના નામે નોંધાયો દુનિયાનો વધુ એક મોટો રેકોર્ડ, 'એક્સ' પર ફોલોઅર્સની સંખ્યા 100 મિલિયનને પાર
સતત ત્રીજી વખત વડાપ્રધાન બનેલા નરેન્દ્ર મોદીએ વધુ એક મોટો રેકોર્ડ પોતાના નામે નોંધાવ્યો છે. તેઓ સોશિયલ મીડિયા પ્લેટફોર્મ X પર સૌથી વધુ ફોલો કરવામાં આવતા નેતા તરીકે ઉભરી આવ્યા છે.
નવી દિલ્હીઃ સતત ત્રીજી વખત વડાપ્રધાન બનેલા નરેન્દ્ર મોદીએ વધુ એક મોટો રેકોર્ડ પોતાના નામે નોંધાવ્યો છે. તેઓ સોશિયલ મીડિયા પ્લેટફોર્મ X પર સૌથી વધુ ફોલો કરવામાં આવતા નેતા તરીકે ઉભરી આવ્યા છે. X પર તેમના ફોલોઅર્સની સંખ્યા 100 મિલિયનને પાર થઈ ગઈ છે. જો આપણે દેશના વિવિધ ભારતીય રાજકારણીઓના સોશિયલ મીડિયા ફોલોઅર્સની સરખામણી કરીએ તો, વડાપ્રધાન મોદી સોશિયલ મીડિયા ફોલોઅર્સની બાબતમાં ઘણા આગળ છે.
વિપક્ષી નેતા રાહુલ ગાંધીના X પર 26.4 મિલિયન ફોલોઅર્સ છે, દિલ્હીના મુખ્યમંત્રી અરવિંદ કેજરીવાલના 27.5 મિલિયન, સમાજવાદી પાર્ટીના અખિલેશ યાદવના 19.9 મિલિયન અને પશ્ચિમ બંગાળના મુખ્યમંત્રી મમતા બેનર્જીના 7.4 મિલિયન ફોલોઅર્સ છે. RJD સુપ્રીમો લાલુ પ્રસાદ યાદવના 6.3 મિલિયન ફોલોઅર્સ છે, તેજસ્વી યાદવના 5.2 મિલિયન ફોલોઅર્સ છે, જ્યારે NCPના વડા શરદ પવારના 2.9 મિલિયન ફોલોઅર્સ છે.
વૈશ્વિક સ્તરે વાત કરીએ તો, વડાપ્રધાન નરેંદ્ર મોદી યુએસ પ્રમુખ જો બાઈડેન (38.1 મિલિયન ફોલોઅર્સ), દુબઈના વર્તમાન શાસક એચએચ શેખ મોહમ્મદ (11.2 મિલિયન ફોલોઅર્સ) અને પોપ ફ્રાન્સિસ (18.5 મિલિયન ફોલોઅર્સ) જેવા વિશ્વ નેતાઓ કરતાં ઘણા આગળ છે. સોશિયલ મીડિયા પર પીએમ મોદીની લોકપ્રિયતા જોઈને વિશ્વના નેતાઓ સોશિયલ મીડિયા પર પીએમ મોદી સાથે જોડાવા માટે ઉત્સુક છે. કારણ કે તેમની સાથે જોડાવાથી થવાથી તેમના પોતાના ફોલોઅર્સ, ટ્રાફિક, વ્યૂમાં નોંધપાત્ર વધારો થાય છે.
PM મોદી દુનિયાભરની હસ્તીઓને પાછળ છોડીને નંબર વન નેતા બન્યા
વડાપ્રધાન મોદીના ફોલોઅર્સની સંખ્યા વિરાટ કોહલી (64.1 મિલિયન), બ્રાઝિલના ફૂટબોલર નેમાર જુનિયર (63.6 મિલિયન) અને અમેરિકન બાસ્કેટબોલ ખેલાડી લેબ્રોન જેમ્સ (52.9 મિલિયન) કરતાં પણ વધુ છે. આટલું જ નહીં, તેઓ ટેલર સ્વિફ્ટ (95.3 મિલિયન), લેડી ગાગા (83.1 મિલિયન) અને કિમ કાર્દાશિયન (75.2 મિલિયન) જેવી સેલિબ્રિટીથી પણ આગળ છે.
પીએમ મોદીની લોકપ્રિયતા સતત વધી રહી છે
રસપ્રદ વાત એ છે કે છેલ્લા ત્રણ વર્ષમાં પીએમ મોદીના એક્સ હેન્ડલ પર લગભગ 30 મિલિયન યુઝર્સમાં વધારો જોવા મળ્યો છે. તેમનો પ્રભાવ યુટ્યુબ અને ઇન્સ્ટાગ્રામ પર પણ વિસ્તરે છે, જ્યાં તેના લગભગ 25 મિલિયન સબ્સ્ક્રાઇબર્સ અને 91 મિલિયનથી વધુ ફોલોઅર્સ છે.
2009 માં પ્લેટફોર્મ સાથે જોડાયા ત્યારથી, પીએમ મોદીએ તેનો સતત ઉપયોગ રચનાત્મક જોડાણ માટે કર્યો છે. તેઓ એક સક્રિય અને આકર્ષક વ્યક્તિત્વ જાળવી રાખે છે, ઘણા સામાન્ય નાગરિકોને ફોલો કરે છે, તેમની સાથે વાર્તાલાપ કરે છે, તેમના સંદેશાઓનો જવાબ આપે છે.
ટ્રેન્ડિંગ સમાચાર
ટોપ સ્ટોરી
