કોરોના માટે વિદેશોમાંથી મદદ મળે છે તે ક્યાં ગઇ? રાહુલ ગાંધીએ આ 5 સવાલો પુછીને ઘેરી લીધી મોદી સરકારને.....
રાહુલે કેન્દ્ર સરકારને વિદેશોમાંથી મળી રહેલી સહાયતાને લઇને સવાલ પુછતા કહ્યું- છેવટે આમાં કોણ ફાયદો ઉઠાવી રહ્યું છે? કોંગ્રેસના પૂર્વ અધ્યક્ષે કેન્દ્ર સરકારને પાંચ સવાલો પુછ્યા છે.
નવી દિલ્હીઃ દેશમાં કોરોનાના સ્થિતિ દિવસે દિવસે ખુબ બગડતી જઇ રહી છે, આ બધાની વચ્ચે કેટલાય દેશો ભારતની મદદ કરી રહ્યાં છે, વિદેશોમાંથી ભારતને મેડિકલ સંબંધિત વસ્તુઓ મોકલી રહ્યાં છે. જોકે, આને લઇને હવે દેશમાં રાજકારણ થઇ રહ્યું હોય તેવુ દેખાઇ રહ્યું છે. આ વાતને લઇને કોંગ્રેસ નેતા રાહુલ ગાંધીએ સીધી મોદી સરકારને આડેહાથે લીધી છે. રાહલુ ગાંધીએ મોદી સરકારને એક પછી એક પાંચ સવાલો કરીને ઘેરી લીધી છે.
રાહુલે કેન્દ્ર સરકારને વિદેશોમાંથી મળી રહેલી સહાયતાને લઇને સવાલ પુછતા કહ્યું- છેવટે આમાં કોણ ફાયદો ઉઠાવી રહ્યું છે? કોંગ્રેસના પૂર્વ અધ્યક્ષે કેન્દ્ર સરકારને પાંચ સવાલો પુછ્યા છે.
રાહુલ ગાંધીએ બુધવારે ટ્વીટ કરતા કહ્યું-
1- વિદેશી કૉવિડ સહાયતાને લઇને સવાલો- ભારતે કેટલી વિદેશી મદદ મેળવી છે?
2- ક્યાં છે તે?
3- કોણ આને ફાયદો ઉઠાવી રહ્યું છે?
4- કઇ રીતે રાજ્યોમાં આની વહેંચણી કરવામાં આવી?
5- કેમ નથી આમાં પારદર્શિતા?
આ પહેલા, કોંગ્રેસના પૂર્વ અધ્યક્ષ રાહુલ ગાંધીએ દેશમાં કોરોના વાયરસ સંક્રમણની ગંભીર સ્થિતિને લઇને બુધવારે સરકાર પર નિશાન સાધ્યુ અને આરોપ લગાવ્યો હતો કે લોકોને રસી અને રોજગાર ઉપલબ્ધ કરવવામાં મોદી સરકાર નિષ્ફળ રહી છે. તેમને ટ્વીટ કર્યુ- ના વેક્સિન, ના રોજગાર, જનતા ઝીલે કોરોનાનો માર, બિલકુલ ફેઇલ મોદી સરકાર...
દેશમાં કોરોનાની સ્થિતિ.....
દેશમાં કોરોનાએ કેર વર્તાવ્યો છે. બીજીવાર એક દિવસમાં 4 લાખથી વધુ કેસ સામે આવ્યા છે. સ્વાસ્થ્ય મંત્રાલયે જાહેર કરેલા આંકડા પ્રમાણે, છેલ્લા 24 કલાકમાં 412,262 નવા કરોનાના કેસો નોંધાયા છે, અને 3980 સંક્રમિતોનો જીવ ગયો છે. જોકે 3,29,113 લોકો કોરોનાથી ઠીક પણ થયા છે. આ પહેલા 30 એપ્રિલે દેશમાં કોરોનાના 401,993 નવા કેસ એક દિવસમાં નોંધાયા હતા.
તાજા સ્થિતિ.....
કુલ કોરોના કેસ- 2 કરોડ 10 લાખ 77 હજાર 410
કુલ ડિસ્ચાર્જ- 1 કરોડ 72 લાખ 80 હજાર 844
કુલ એક્ટિવ કેસ- 35 લાખ 66 હજાર 398
કુલ મોત- 2 લાખ 30 હજાર 168
ટ્રેન્ડિંગ સમાચાર
ટોપ સ્ટોરી
