Weather Update: આવતીકાલે કમોસમી વરસાદ અને વાવાઝોડાને લઈ હવામાન વિભાગની મોટી આગાહી
દેશના વિવિધ ભાગોમાં ફરી એકવાર હવામાન બદલાયું છે. કેટલીક જગ્યાએ વરસાદના કારણે ગરમીથી રાહત મળી છે, તો કેટલીક જગ્યાએ જોરદાર વાવાઝોડાએ સમસ્યાઓ વધારી છે.
દેશના વિવિધ ભાગોમાં ફરી એકવાર હવામાન બદલાયું છે. કેટલીક જગ્યાએ વરસાદના કારણે ગરમીથી રાહત મળી છે, તો કેટલીક જગ્યાએ જોરદાર વાવાઝોડાએ સમસ્યાઓ વધારી છે. આ દરમિયાન, ભારતીય હવામાન વિભાગ (IMD) એ આવતીકાલે, 5 મે, 2025 ના રોજ ઘણા રાજ્યોમાં યલો એલર્ટ જારી કર્યું છે અને લોકોને સતર્ક રહેવાની સલાહ આપી છે.
IMD અનુસાર, રાજધાની દિલ્હી અને NCRના લોકોને આવતીકાલે હળવાથી મધ્યમ વરસાદનો સામનો કરવો પડી શકે છે. હવામાન વિભાગનું કહેવું છે કે આકાશ વાદળછાયું રહેશે અને ભારે પવન ફૂંકાશે. પવનની ગતિ 40 થી 50 કિમી/કલાકની હોઈ શકે છે.
મહત્તમ તાપમાન 36°C અને લઘુત્તમ તાપમાન 24°C રહેવાની ધારણા છે. ધૂળના તોફાન અને વીજળી પડવાની શક્યતાને ધ્યાનમાં રાખીને સાવધાની રાખવાની જરૂર છે. છેલ્લા બે દિવસની અચાનક જ વાતાવરણમાં પલટો આવ્યો છે.
હરિયાણા અને પંજાબમાં આવતીકાલનું હવામાન ?
હરિયાણા અને પંજાબમાં પણ હવામાનનો બદલાવ જોવા મળશે. વાવાઝોડા સાથે હળવો વરસાદ થવાની શક્યતા છે. 50-60 કિમી/કલાકની ઝડપે પવન ફૂંકાઈ શકે છે.
રાજસ્થાનમાં કાલે હવામાન કેવું રહેશે ?
રાજસ્થાનમાં પશ્ચિમી વિક્ષોભની અસર ચાલુ છે. જોધપુર, બિકાનેર અને જયપુરમાં હળવો વરસાદ અને ભારે પવન ફૂંકાઈ શકે છે. કેટલાક વિસ્તારોમાં તાપમાન 42°C સુધી પહોંચી શકે છે. ગરમીથી ચોક્કસ થોડી રાહત મળશે, પરંતુ ધૂળનું તોફાન મુશ્કેલી વધારી શકે છે.
ઉત્તરપ્રદેશમાં આવતીકાલનું હવામાન ?
ઉત્તર પ્રદેશમાં હવામાન બે ભાગમાં વહેંચાયેલું રહેશે. વારાણસી, પ્રયાગરાજ અને આઝમગઢ જેવા પૂર્વીય જિલ્લાઓમાં વરસાદ સાથે 50-60 કિમી પ્રતિ કલાકની ઝડપે પવન ફૂંકાઈ શકે છે. તેથી, આ જિલ્લાઓમાં યલો ચેતવણી જારી કરવામાં આવી છે. જ્યારે પશ્ચિમ યુપીમાં, મેરઠ અને આગ્રા જેવા વિસ્તારોમાં ધૂળની આંધી અને ગરમ પવનોની અસર જોવા મળશે. અહીં તાપમાન 38 ડિગ્રી સેલ્સિયસ સુધી પહોંચી શકે છે.
બિહાર અને ઝારખંડમાં આવતીકાલનું હવામાન ?
બિહારના પટના, ગયા અને ભાગલપુરમાં ગાજવીજ અને ભારે પવન સાથે વરસાદની આગાહી છે. ઝારખંડના રાંચી અને જમશેદપુરમાં પણ આવી જ સ્થિતિ સર્જાઈ શકે છે. તાપમાન 39°C ની આસપાસ પહોંચી શકે છે.
કાલે મધ્યપ્રદેશમાં હવામાન કેવું રહેશે ?
મધ્યપ્રદેશના ભોપાલ અને ઇન્દોરમાં ભારે ગરમી પડી રહી છે. જોકે, જબલપુર અને સાગરમાં થોડો વરસાદ રાહત આપી શકે છે.
આવતીકાલે મહારાષ્ટ્રમાં હવામાન કેવું રહેશે ?
મુંબઈ અને પુણેમાં વાદળો રહેશે, પરંતુ વરસાદની કોઈ શક્યતા નથી. અકોલા જેવા વિસ્તારોમાં તાપમાન 44 ડિગ્રી સેલ્સિયસ સુધી જઈ શકે છે. વિદર્ભ અને મરાઠવાડાના કેટલાક ભાગોમાં ગાજવીજ સાથે હળવો વરસાદ પડી શકે છે.
ગુજરાતમાં કેવું રહેશે હવામાન?
ગુજરાતમાં પણ હવામાન વિભાગ દ્વારા વરસાદને લઈ આગાહી કરવામાં આવી છે. સૌરાષ્ટ્ર કચ્છ બનાસકાંઠા અને સાબરકાંઠામાં વરસાદની આગાહી વ્યક્ત કરવામાં આવી છે.
ટોપ સ્ટોરી
ટ્રેન્ડિંગ સમાચાર
