સોનાની દાણચોરી કેસમાં કર્ણાટક સરકારની મોટી કાર્યવાહી, જાણો અભિનેત્રી રાણ્યાના DGP પિતા સામે શું લીધા એક્શન
Gold Smuggling Case: કર્ણાટક સરકારે સોનાની દાણચોરી કેસમાં ધરપકડ કરાયેલી કન્નડ અભિનેત્રી રાણ્યા રાવના પિતા સામે પણ કાર્યવાહી શરૂ કરી છે. જોકે, રાણ્યા રાવ કહે છે કે તેના પર ખોટો કેસ દાખલ કરવામાં આવ્યો હતો.
Gold Smuggling Case: સોનાની દાણચોરી કેસમાં ધરપકડ કરાયેલી અભિનેત્રી રાણ્યા રાવના ડીજીપી પિતા રામચંદ્ર રાવ તપાસના દાયરામાં આવ્યા છે. કર્ણાટક સરકાર દ્વારા શરૂ કરાયેલી તપાસ બાદ તેમને ફરજિયાત રજા પર મોકલી દેવામાં આવ્યા છે. રાણ્યા રાવે 6 માર્ચ, 2025 ના રોજ બેંગલુરુમાં DRI ના એડિશનલ ડાયરેક્ટર જનરલને લખેલા પત્રમાં દાવો કર્યો હતો કે તેમના પર ખોટો કેસ દાખલ કરવામાં આવ્યો છે.
રાણ્યા રાવે DRI પર પ્રશ્નો ઉઠાવ્યા
રાણ્યા રાવની 3 માર્ચે બેંગલુરુ એરપોર્ટ પર દુબઈથી પરત ફરતી વખતે 12.56 કરોડ રૂપિયાના 14.2 કિલો સોના સાથે ધરપકડ કરવામાં આવી હતી. રાણ્યા રાવે બેંગલુરુમાં ડીઆરઆઈના એડિશનલ ડાયરેક્ટર જનરલને પત્ર લખીને દાવો કર્યો હતો કે તેમના પર ખોટો કેસ દાખલ કરવામાં આવ્યો છે. તેમણે આરોપ લગાવ્યો કે ડિરેક્ટોરેટ ઓફ રેવન્યુ ઇન્ટેલિજન્સ (DRI) ના અધિકારીઓએ તેમને માર માર્યો અને કેટલાક ખાલી અને પહેલાથી લખેલા કાગળો પર સહી કરવા દબાણ કર્યું.
અભિનેત્રીએ તેના પર હુમલો કરવાનો આરોપ લગાવ્યો
અભિનેત્રીએ દાવો કર્યો હતો કે તેને કસ્ટડીમાં લેવામાં આવી ત્યારથી કોર્ટમાં રજૂ કરવામાં આવી ત્યાં સુધી તેને 10 થી 15 વખત થપ્પડ મારવામાં આવી હતી. "વારંવાર માર મારવા અને થપ્પડ મારવા છતાં, મેં તેમના (ડીઆરઆઈ અધિકારીઓ) દ્વારા તૈયાર કરાયેલા નિવેદન પર સહી કરવાનો ઇનકાર કર્યો હતો," તેણીએ આરોપ લગાવ્યો. "એક અધિકારીએ મને કહ્યું કે જો હું સહી નહીં કરું, તો તેઓ મારા પિતાનું નામ અને ઓળખ જાહેર કરશે, જોકે અમને ખબર હતી કે તેઓ સામેલ નથી".
કોર્ટે રાણ્યા રાવની જામીન અરજી ફગાવી દીધી
રાણ્યા રાવ હાલમાં જેલમાં છે અને શુક્રવારે બેંગલુરુની એક ખાસ કોર્ટે તેની જામીન અરજી ફગાવી દીધી હોવાથી તેને હાલ ત્યાં જ રહેવું પડશે. ડીઆરઆઈએ અગાઉ કોર્ટને જણાવ્યું હતું કે રાણ્યા રાવ સાથે સંકળાયેલ સોનાની દાણચોરીનો કેસ આંતરરાષ્ટ્રીય મહત્વનો છે અને તેમાં હવાલા કનેક્શન પણ છે. આ કારણે તે રાષ્ટ્રીય સુરક્ષા સાથે જોડાયેલો મામલો બની ગયો છે. તેમણે કહ્યું કે આ દાણચોરી ગેંગની ભૂમિકાની તપાસ કરવી જરૂરી છે.
કર્ણાટક સરકારે ૧૦ માર્ચ ૨૦૨૫ ના રોજ રામચંદ્ર રાવની સાવકી પુત્રીની સોનાની દાણચોરીની પ્રવૃત્તિમાં ભૂમિકાની તપાસ કરવા માટે અધિક મુખ્ય સચિવ ગૌરવ ગુપ્તાની નિમણૂક કરી. રાજ્ય સરકારે એરપોર્ટ પર પોલીસ અધિકારીઓની બેદરકારીની CID તપાસનો પણ આદેશ આપ્યો છે.
ટોપ સ્ટોરી
ટ્રેન્ડિંગ સમાચાર
