હવે રેશન કાર્ડ ધારકોને ઓછા મળશે ચોખા, સરકારે એક નવેમ્બરથી લાગુ કરી દીધો આ નવો નિયમ
Ration Card Rule Changed: સરકારે રેશન કાર્ડ ધારકો માટે એક નવેમ્બરથી નિયમમાં ફેરફાર કરી દીધો છે. હવે રેશન કાર્ડ ધારકોને ઓછી માત્રામાં ચોખા આપવામાં આવશે. જાણો કેમ લીધું સરકારે આ પગલું.
Ration Card Rule Changed: ભારત સરકાર દેશના નાગરિકો માટે ઘણી યોજનાઓ ચલાવે છે. સરકારની યોજનાઓનો લાભ દેશના કરોડો લોકોને મળે છે. સરકારની વધુ યોજનાઓ દેશના ગરીબ જરૂરિયાતમંદ લોકો માટે હોય છે. ભારતમાં હજુ પણ ઘણા લોકો એવા છે જે પોતાના માટે બે ટંકના ખાવાની વ્યવસ્થા નથી કરી શકતા. આવા લોકોને ભારત સરકાર ખૂબ ઓછી કિંમતે રેશન પૂરું પાડે છે.
ભારત સરકાર આ માટે લોકોને રેશન કાર્ડ જારી કરે છે. જેના પર લોકોને ઓછી કિંમતે રેશન મળે છે. પરંતુ હવે સરકારે રેશન કાર્ડ ધારકો માટે એક નવેમ્બરથી નિયમમાં ફેરફાર કરી દીધો છે. હવે રેશન કાર્ડ ધારકોને માત્રામાં ચોખા આપવામાં આવશે. જાણો કેમ લીધું સરકારે આ પગલું.
હવે ઓછા મળશે ચોખા
ભારત સરકારે 1 નવેમ્બરથી રેશન કાર્ડ ધારકો માટે નિયમોમાં ફેરફાર કરી દીધો છે. નવો નિયમ ચોખા અને ઘઉં માટે લાગુ થયો છે. પહેલાં જ્યાં રેશન કાર્ડ પર અલગ-અલગ માત્રામાં રેશન મળતું હતું. પહેલાં 3 કિલો ચોખા મળતા હતા અને 2 કિલો ઘઉં મળતા હતા. પરંતુ હવે સરકારે આ નિયમમાં ફેરફાર કરીને ચોખા અને ઘઉંની માત્રા સરખી કરી દીધી છે.
એટલે કે હવે રેશન કાર્ડ ધારકોને રેશન કાર્ડ પર બે કિલોની જગ્યાએ અઢી કિલો ઘઉં અને 3 કિલોની જગ્યાએ અઢી કિલો ચોખા આપવામાં આવશે. સરકારે અંત્યોદય કાર્ડ પર મળતા 35 કિલો અનાજમાં પણ ફેરફાર કરી દીધો છે. પહેલાં જ્યાં અંત્યોદય કાર્ડમાં 14 કિલો ઘઉં અને 30 કિલો ચોખા આપવામાં આવતા હતા ત્યાં હવે 18 કિલો ચોખા અને 17 કિલો ઘઉં આપવામાં આવશે. આ નવો નિયમ 1 નવેમ્બરથી લાગુ થઈ ચૂક્યો છે.
1 ડિસેમ્બર સુધી આ કામ પણ છે જરૂરી
ભારત સરકારે બધા રેશન કાર્ડ ધારકોને ઘણા સમય પહેલાં જ ઈ-કેવાયસી પૂર્ણ કરાવવા માટે આદેશ જારી કર્યો હતો. સરકારે પહેલાં ઈ-કેવાયસી કરાવવાની છેલ્લી તારીખ 1 સપ્ટેમ્બર નક્કી કરી હતી. પરંતુ ત્યારે પણ ઘણા રેશન કાર્ડ ધારકોએ ઈ-કેવાયસી પૂર્ણ નહોતી કરાવી. ત્યારબાદ સરકારે તેને એક મહિના માટે લંબાવી હતી. પરંતુ 1 નવેમ્બર સુધી પણ ઘણા રેશન કાર્ડ ધારકોની ઈ-કેવાયસી પૂરી નહોતી થઈ. હવે ભારત સરકારે ઈ-કેવાયસી કરાવવાની તારીખ 31 ડિસેમ્બર સુધી વધારી દીધી છે. 31 ડિસેમ્બર સુધી ઈ-કેવાયસી પૂર્ણ ન કરાવનારાઓના રેશન કાર્ડ રદ કરી દેવામાં આવશે.
આ પણ વાંચોઃ
ટોપ સ્ટોરી
ટ્રેન્ડિંગ સમાચાર
