ખાનગી શાળાઓની મનમાની પર સુપ્રીમ કોર્ટની રોક, હવે FRCએ નિયત કરેલી ફીથી વધુ નહિ વસૂલી શકે

ખાનગી શાળાની તરફેણમાં હાઈકોર્ટે આ પહેલા  ચુકાદા બાગ તેને સુપ્રીમ કોર્ટમાં પડકારાયો હતો. સુપ્રીમ કોર્ટે વચગાળાનો સ્ટે આપવા આદેશ કર્યો છે અને અવલોકન રજૂ કરતા કહ્યું છે કે, ખાનગી શાળા  FRCએ નિયત કરેલી ફી કરતા વધુ ફી નહીં વસૂલી શકે

સુપ્રીમ કોર્ટનું અવલોકન

Source : X

નવી દિલ્લી:વધુ ફી લેવા અંગે સુપ્રીમ કોર્ટનું અવલોકન  કર્યું છે. હવે FRCએ નિયત કરેલી ફી કરતા શાળા  વધુ ફી નહીં વસૂલી  શકે. ઉલ્લેખનિય છે કે,  નિયત કરતા વધારાની ફી વસૂલતી હતી ખાનગી શાળાઓ તેના  પર સુપ્રીમ કોર્ટે અવલોકન રજૂ કર્યું છે.  ખાનગી શાળાની તરફેણમાં હાઈકોર્ટે આ પહેલા  ચુકાદો આપ્યો હતો. બાદ હાઈકોર્ટના ચુકાદાને સુપ્રીમ કોર્ટમાં પડકારાયો હતો. સુપ્રીમ કોર્ટે વચગાળાનો સ્ટે આપવા આદેશ કર્યો છે અને અવલોકન રજૂ કરતા કહ્યું છે કે, ખાનગી શાળા  FRCએ નિયત કરેલી ફી કરતા વધુ ફી નહીં વસૂલી શકે

ગુજરાતની પ્રી-પ્રાઇમરી શાળાઓમાં પ્રવેશ માટે વયમર્યાદા બદલાઈ

ગુજરાત સરકારે રાષ્ટ્રીય શિક્ષણ નીતિ-2020 ના અમલીકરણના ભાગરૂપે પ્રી-પ્રાઇમરી શાળાઓ (ખાનગી શાળાઓ) માં પ્રવેશ માટે વયમર્યાદામાં મહત્વપૂર્ણ ફેરફાર કર્યા છે. હવે બાળકોના પ્રવેશ માટે જુનિયર કે.જી., સિનિયર કે.જી. અને બાલવાટિકા માટે ચોક્કસ વયના નિયમો લાગુ કરવામાં આવ્યા છે. આ ઉપરાંત, તમામ ખાનગી પ્રી-પ્રાઇમરી શાળાઓ માટે ફરજિયાત નોંધણી કરાવવાનો અને વાલી શિક્ષણ મંડળ (PTA) ની રચના કરવાનો નિયમ પણ લાગુ કરવામાં આવ્યો છે. આ નવા નિયમોનો હેતુ શિક્ષણ પ્રણાલીમાં સુધાર લાવવાનો અને એકસૂત્રતા જાળવવાનો છે.

ગુજરાત સરકારના શિક્ષણ વિભાગે પ્રી-પ્રાઇમરી શાળાઓમાં પ્રવેશ માટે નવી વયમર્યાદા જાહેર કરી છે. આ નવા નિયમ મુજબ, 4 વર્ષ પૂર્ણ ન કરનાર બાળકને જુનિયર કે.જી., 4 વર્ષ પૂર્ણ કરનાર બાળકને સિનિયર કે.જી., અને 5 વર્ષ પૂર્ણ કરનાર બાળકને બાલવાટિકામાં પ્રવેશ મળશે. આ ઉપરાંત, તમામ ખાનગી પ્રી-પ્રાઇમરી શાળાઓ માટે ₹10,000 રજિસ્ટ્રેશન ફી ભરીને ઓનલાઈન ફરજિયાત નોંધણી કરાવવી પડશે. દરેક શાળાએ 12 સભ્યોનું વાલી શિક્ષણ મંડળ (PTA) બનાવવું અને ત્રિમાસિક બેઠકો યોજવી પણ ફરજિયાત છે.

ગુજરાત સરકારે શિક્ષણ ક્ષેત્રમાં સુધાર લાવવા માટે એક મોટો નિર્ણય લીધો છે. રાષ્ટ્રીય શિક્ષણ નીતિ-2020 ના સરળ અમલીકરણ માટે રચાયેલી શાળા શિક્ષણ ટાસ્ક ફોર્સ સમિતિની ભલામણોના આધારે, પ્રી-પ્રાઇમરી શાળાઓ માટે નવા અને મહત્વપૂર્ણ નિયમો જાહેર કરવામાં આવ્યા છે. આ નિયમો ખાસ કરીને બાળકોના પ્રવેશ માટેની વયમર્યાદા અને શાળાઓના સંચાલનને સ્પર્શે છે.

પ્રી-પ્રાઇમરી પ્રવેશ માટે નવી વયમર્યાદા

શિક્ષણ વિભાગ દ્વારા જાહેર કરવામાં આવેલા નવા નિયમો મુજબ, જુનિયર કે.જી., સિનિયર કે.જી. અને બાલવાટિકામાં પ્રવેશ માટેની વયમર્યાદામાં ફેરફાર કરવામાં આવ્યો છે.

• જુનિયર કે.જી.: જે બાળકોએ 4 વર્ષ પૂર્ણ કર્યા નથી, તેમને જુનિયર કે.જી.માં પ્રવેશ મળશે.
• સિનિયર કે.જી.: 4 વર્ષ પૂર્ણ કર્યા હોય, પરંતુ 5 વર્ષથી ઓછી ઉંમરના બાળકોને સિનિયર કે.જી.માં પ્રવેશ મળશે.
• બાલવાટિકા: જે બાળકોએ 5 વર્ષ પૂર્ણ કર્યા હોય, પણ 6 વર્ષ પૂર્ણ ન થયા હોય, તેમને બાલવાટિકામાં પ્રવેશ મળશે.

આ નિયમો બાળકોના શિક્ષણનો પાયો મજબૂત બને તે માટે સુનિશ્ચિત કરવામાં આવ્યા છે.

શિક્ષણ વિભાગના અન્ય મહત્વના નિયમો:

આ વયમર્યાદા ઉપરાંત, શિક્ષણ વિભાગે અન્ય પણ કેટલાક નિયમો જાહેર કર્યા છે, જેનું પાલન કરવું તમામ ખાનગી પ્રી-પ્રાઇમરી શાળાઓ માટે ફરજિયાત છે:

• PTA ની રચના: દરેક શાળાએ શૈક્ષણિક વર્ષની શરૂઆતમાં વાલી શિક્ષણ મંડળ (PTA) ની રચના કરવી પડશે. આ મંડળમાં કુલ 12 સભ્યો હશે, જેમાં ઓછામાં ઓછા 75% સભ્યો વાલીઓ અને શિક્ષકો હશે. આ મંડળની ત્રિમાસિક બેઠક યોજવી અને તેનો રિપોર્ટ તૈયાર કરવો પણ ફરજિયાત છે.
• ફરજિયાત નોંધણી: ગુજરાતમાં આવેલી તમામ હાલની અને નવી શરૂ થનારી બિન-અનુદાનિત પૂર્વ-પ્રાથમિક શાળાઓએ ફરજિયાત નોંધણી કરાવવી પડશે. આ માટે, dpe-preprimaryreg.gujarat.gov.in વેબસાઇટ પરથી ઓનલાઈન અરજી કરીને અને ₹10,000 ની રજિસ્ટ્રેશન ફી ભરીને નોંધણીનું પ્રમાણપત્ર મેળવી શકાશે.