મોદીના શપથઃ વિદેશી રાષ્ટ્રાધ્યક્ષો, સેલિબ્રિટીઝ સહિત 8000 મહેમાનો થશે સામેલ, ડિનરમાં ફિશ અને ચિકન

આજનો શપથ ગ્રહણ સમારોહ રાષ્ટ્રપતિ ભવનના એ જ સ્થળ પર થશે જ્યાં 2014માં યોજાયો હતો. 2014માં પીએમ મોદીના શપથ સમારોહમાં 5 હજારથી વધારે લોકો સામેલ થયા હતા.

નવી દિલ્હીઃ નરેન્દ્ર મોદી આજે બીજી વખત પોતાના નવા મંત્રીમંડળના સાથીઓ સાથે સાંજે સાત કલાકે પ્રધાનમંત્રી પદના શપથ લેશે. આ મોટા સમારોહ માટે મોટા પાયે તૈયારી કરવામાં આવી છે. સમારોહમાં લગભગ આઠ હજાર દેશી-વિદેશી મહેમાનો આવવાની સંભાવના છે. આ મહેમાનોમાં બિમ્સટેક ગ્રુપના દેશોના રાષ્ટ્રાધ્યક્ષોની સાથે, તમામ એમ્બેસેડર, ડિપ્લોમેટ, સેલિબ્રિટી, 100થી વધારે એનઆરઆઈ અને રાજ્યોના મુખ્યમંત્રી સામેલ છે. પશ્ચિમ બંગાળ અને ઓડિશાના મુખ્યમંત્રી મમતા બેનર્જી અને નવીન પટનાયક આ સમારોહમાં સામેલ નહીં થાય. આજનો શપથ ગ્રહણ સમારોહ રાષ્ટ્રપતિ ભવનના એ જ સ્થળ પર થશે જ્યાં 2014માં યોજાયો હતો. 2014માં પીએમ મોદીના શપથ સમારોહમાં 5 હજારથી વધારે લોકો સામેલ થયા હતા. ત્યારે પ્રધાનમંત્રી મોદીએ સાર્ક ગ્રુપના દેશોને પોતાના શપથ સમારોહમાં બોલાવ્યા હતા. આ વખતે રાષ્ટ્રપતિના પ્રેસ સેક્રેટરીએ કહ્યું કે, 8 હજાર લોકો શપથ સમારોહમાં સામેલ થશે. શપથ સમારોહમાં આવનાર મહેમાનોને રાષ્ટ્રપતિ ભવન તરફતી હાઈ ટી આપવામાં આવશે. તેમાં સમોસા, પનીરના ખાદ્ય પદાર્થ સાથે સ્વીટ પણ રહેશે. ત્યાર બાદ બિમ્સટેક ગ્રુપના દેશોના રાષ્ટ્રાધ્યક્ષોને રાષ્ટ્રપતિ રામનાથ કોવિંદ રાત્રે પ્રાઈવેટ ડિનરમાં આમંત્રિત કરશે. રાષ્ટ્રપતિના આ ડિનરમાં પીએમ મોદી પણ કેટલાક અધિકારીઓ સાથે સામેલ થશે. રાષ્ટ્રપતિ દ્વારા આપવામાં આવનાર પ્રાઈવેટ ડિનરમાં કુલ 35 વિશિષ્ટ અતિથિ સામેલ થશે. તેમના ભોજનમાં વેજ અને નોન વેજ બન્ને પ્રકારનું ભોજન પીરસવામાં આવશે. ફિશ અને ચિકનની વ્યવસ્થા નોન વેજવાળા લોકો માટે રહેશે અને પાલક અને અન્ય પ્રકારની શાકભાજીની વ્યવસ્થા વેજ લોકો માટે રહેશે.