Train : ટ્રેનમાં ટાઈમપાસ કરનારાઓ સાવધાન! આવશે રડવાનો વારો
જો તમે હવે તમારી ટ્રેનમાં આરક્ષિત સીટ પર મોડા પહોંચો છો, તો તમારા માટે મુશ્કેલ થઈ શકે છે. હવેથી TTE તમારી હાજરી નોંધાવવા માટે માત્ર 10 જ મિનિટની રાહ જોશે.
Indian Railways Ticket : લગભગ તમામ લોકોએ ટ્રેનમાં મુસાફરી કરી હશે. તેથી તમે રેલવેના મોટાભાગના નિયમોથી પણ વાકેફ હશો. પરંતુ ઘણી વખત ઘણી બાબતો વિશે જાણ્યા પછી પણ આપણે આવી ભૂલો કરી બેસીએ છીએ. જેના કારણે અમારે TTEને દંડ ભરવો પડશે. જો તમે હવે તમારી ટ્રેનમાં આરક્ષિત સીટ પર મોડા પહોંચો છો, તો તમારા માટે મુશ્કેલ થઈ શકે છે. હવેથી TTE તમારી હાજરી નોંધાવવા માટે માત્ર 10 જ મિનિટની રાહ જોશે.
જો કે લોકો ટ્રેન પકડવા માટે સમય પહેલા સ્ટેશનો પર પહોંચી જાય છે, પરંતુ તેમ છતાં ઘણી વખત કેટલાક કારણોસર તેમની ટ્રેન ચૂકી જાય છે. આ સ્થિતિમાં સવાલ એ ઉઠે છે કે, શું હવે તેમની સીટ અન્ય કોઈને આપવામાં આવશે. જો કોઈ કારણસર તમારી ટ્રેન ચૂકી જાય તો તમારું રિઝર્વેશન તરત જ રદ કરવામાં આવતું નથી. એટલે કે, તમે આગલા સ્ટેશન પર પહોંચીને તમારી સીટનો દાવો કરી શકો છો. જો કે, આવું અમુક સ્ટેશનો સુધી જ થાય છે. આવો જાણીએ શું છે રેલવેના નિયમો…
ટ્રેન શરૂ થયાની 10 મિનિટમાં સીટ પર પહોંચી જાવ
મીડિયા રિપોર્ટ્સ અનુસાર, પહેલા TTE એક કે બે સ્ટેશનો પછી પણ મુસાફરોની હાજરીને ચિહ્નિત કરતી હતી, પરંતુ હવે એવું થશે નહીં. TTE પેસેન્જરને માત્ર 10 મિનિટનો જ સમય આપશે. હવે ચેકિંગ સ્ટાફ હેન્ડ હેલ્ડ ટર્મિનલ દ્વારા ટિકિટ ચેક કરે છે અને તેમાં પેસેન્જરના આગમન કે ગેરહાજરી વિશે માહિતી આપવાની હોય છે. અગાઉ આ સિસ્ટમ કાગળ પર રહેતી હતી, જેમાં TTE આગલા સ્ટેશન સુધી રાહ જોતા હતાં.
કરી શકે છે ક્લેમ
જો તમારી ટ્રેન ચૂકી જાય તો TTEને તમારી સીટ બીજા કોઈને ફાળવવાનો અધિકાર છે. જો કે, એવું નથી કે તમે આ સીટ પર દાવો ના કરી શકો. જો તમને લાગતું હોય કે, આગલું સ્ટેશન બહુ દૂર નથી અને તમે અન્ય કોઈપણ માધ્યમથી ટ્રેન પહેલા ત્યાં પહોંચી શકો છો, તો તમે ત્યાં જઈને તમારી સીટનો દાવો કરી શકો છો. રેલવે કન્ફર્મ ટિકિટ પર આગામી 2 સ્ટેશનો માટે તમારી સીટ રિઝર્વ રાખે છે. જો કે, ત્યાર બાદ TTE તમારી સીટ અન્ય વેઇટિંગ ટિકિટ પેસેન્જરને આપી શકે છે.
ટ્રેન્ડિંગ સમાચાર
ટોપ સ્ટોરી
