Weather Forecast: યૂપી, બિહાર, દિલ્હી, રાજસ્થાન અને હરિયાણા સહિત આ રાજ્યોમાં પડશે વરસાદ, જાણો હવામાન વિભાગની આગાહી વિશે?
સોમવારે સમગ્ર દેશમાં હવામાનની સ્થિતિ ખૂબ જ ખુશનુમા રહી હતી. વરસાદના ઝાપટાથી દિવસની આકરી ગરમીમાંથી રાહત મળી હતી.
Weather Forecast By IMD: સોમવારે સમગ્ર દેશમાં હવામાનની સ્થિતિ ખૂબ જ ખુશનુમા રહી હતી. વરસાદના ઝાપટાથી દિવસની આકરી ગરમીમાંથી રાહત મળી હતી. આ સાથે જ હવામાન વિભાગ દ્વારા આગામી દિવસો માટે હવામાનને લઈને કરાયેલી આગાહી પણ રાહત આપનારી છે. હવામાન વિભાગે મંગળવારે (2 મે) સમગ્ર દેશમાં ગાજવીજ સાથે વરસાદ પડવાની સંભાવના વ્યક્ત કરી છે. આ સાથે વિભાગે આગામી 5 દિવસમાં મહત્તમ તાપમાનને લઈને રાહતની આગાહી કરી છે. આગામી 5 દિવસમાં મહત્તમ તાપમાન સામાન્યથી નીચે રહેવાની અથવા સામાન્ય રહેવાની સંભાવના છે.
વરસાદી ઝાપટાએ આપી રાહત
રવિવાર (30 એપ્રિલ)ની જેમ સોમવારે પણ હવામાન વરસાદી રહ્યું હતું. દેશમાં ગાજવીજ સાથે વરસાદ પડ્યો હતો. અરુણાચલ પ્રદેશ, પશ્ચિમ બંગાળ અને સિક્કિમ, ઉત્તરાખંડ, વિદર્ભ, છત્તીસગઢ, તેલંગાણા, આસામ અને મેઘાલય, હિમાચલ પ્રદેશમાં ઘણી જગ્યાએ વરસાદ પડ્યો હતો.
બીજી તરફ ઉત્તર પ્રદેશ, રાજસ્થાન, મધ્યપ્રદેશ, ગુજરાત પ્રદેશ, કેરળ, દરિયાકાંઠાના આંધ્ર પ્રદેશ અને યનમ, લક્ષદ્વીપ, હરિયાણા, ચંદીગઢ અને દિલ્હી, ઓડિશા, ઝારખંડ, બિહારના કેટલાક સ્થળોએ વરસાદે પણ ગરમીમાંથી રાહત આપી હતી. બીજી તરફ, તમિલનાડુ, પુડુચેરી અને કરાઈકલ અને પંજાબ, નાગાલેન્ડ, મણિપુર, મિઝોરમ અને ત્રિપુરા, સૌરાષ્ટ્ર અને કચ્છ, મધ્ય મહારાષ્ટ્ર, મરાઠવાડા અને કોંકણ અને ગોવામાં અલગ-અલગ સ્થળોએ ભારે વરસાદ વરસ્યો હતો.
પૂર્વ રાજસ્થાનમાં છૂટાછવાયા સ્થળોએ ભારે વરસાદ થયો હતો. ઉત્તર પ્રદેશ પશ્ચિમ બંગાળ અને સિક્કિમ, ઓડિશા, દરિયાકાંઠાના આંધ્ર પ્રદેશ, રાયલસીમા, કેરળ અને તમિલનાડુ, હિમાચલ પ્રદેશ, ઉત્તરાખંડ, રાજસ્થાન, બિહાર, મધ્ય પ્રદેશ, વિદર્ભ, મધ્ય મહારાષ્ટ્ર અને મરાઠવાડા, ગંગા પશ્ચિમ બંગાળમાં અલગ અલગ સ્થળે વરસાદ પડ્યો હતો.
દિલ્હી-NCRમાં વાદળછાયુ વાતાવરણ અને વરસાદ પડશે
હવામાન વિભાગના જણાવ્યા અનુસાર 2 મેથી 7 મે દરમિયાન દિલ્હીમાં વાદળો અને વરસાદની સંભાવના છે. 2 અને 3 મેના રોજ ગાજવીજ સાથે વરસાદની શક્યતા છે. 4 મેના રોજ સામાન્ય રીતે વાદળછાયું વાતાવરણ અને હળવો વરસાદ પડે તેવી શક્યતા છે. 5, 6 અને 7 મેના રોજ પણ દિલ્હી-NCRમાં વાદળછાયું આકાશ રહેવાની શક્યતા છે. લઘુત્તમ તાપમાન 19 થી 21 ડિગ્રી સેલ્સિયસ અને મહત્તમ તાપમાન 26 થી 35 ડિગ્રી સેલ્સિયસ રહેવાની ધારણા છે.
દેશમાં વરસાદની સ્થિતિ કેવી રહેશે
દેશમાં વરસાદની આ પ્રક્રિયા મંગળવારે (2 મે) પણ ચાલુ રહેવાની શક્યતા છે. હવામાન વિભાગના જણાવ્યા અનુસાર 2 મેના રોજ ભારતમાં વીજળી સાથે મધ્યમથી ભારે પવન અને કરા પડવાની સંભાવના છે. જ્યારે અનેક રાજ્યોમાં વરસાદી માહોલ જોવા મળશે. રાજસ્થાનમાં 4 મેના રોજ સામાન્ય વરસાદની શક્યતા છે. ઉત્તરાખંડમાં 3 મેના રોજ વાવાઝોડા સાથે વરસાદની સંભાવના છે.
બીજી તરફ ઉત્તર પૂર્વ ભારતમાં આગામી 5 દિવસમાં ગાજવીજ સાથે વરસાદની શક્યતા છે. વીજળીના કડાકા અને ભારે પવન સાથે હળવા, મધ્યમ વરસાદની શક્યતા છે. 2 થી 4 મે દરમિયાન અરુણાચલ પ્રદેશ અને આસામ અને મેઘાલયમાં ભારે વરસાદની શક્યતા છે. બીજી તરફ પશ્ચિમ ભારતના વિસ્તારોમાં આગામી 5 દિવસમાં વરસાદની સંભાવના છે. મંગળવાર 2 મેના રોજ મરાઠવાડામાં કરા પડવાની સંભાવના છે.
હવામાન વિભાગની આગાહી મુજબ આગામી 5 દિવસમાં દેશમાં મહત્તમ તાપમાન સામાન્ય અથવા સામાન્ય કરતા નીચે રહેવાની સંભાવના છે. આગામી 5 દિવસમાં દેશના કોઈપણ ભાગમાં હીટ વેવની કોઈ શક્યતા નથી.
ટ્રેન્ડિંગ સમાચાર
ટોપ સ્ટોરી
