પશ્ચિમ બંગાળ વિધાનસભા ચૂંટણીના પરિણામને લઈ મમતા બેનર્જીનું સામે આવ્યું પ્રથમ નિવેદન, જાણો શું બોલ્યા
પશ્ચિમ બંગાળ વિધાનસભા ચૂંટણીના પરિણામો આજે જાહેર થઈ રહ્યા છે. બપોર સુધીના ચૂંટણી પરિણામો અનુસાર, ભાજપ પશ્ચિમ બંગાળમાં પ્રચંડ બહુમતી સાથે સરકાર બનાવવા જઈ રહ્યું છે.
પશ્ચિમ બંગાળ વિધાનસભા ચૂંટણીના પરિણામો આજે જાહેર થઈ રહ્યા છે. બપોર સુધીના ચૂંટણી પરિણામો અનુસાર, ભાજપ પશ્ચિમ બંગાળમાં પ્રચંડ બહુમતી સાથે સરકાર બનાવવા જઈ રહ્યું છે. આ દરમિયાન, તૃણમૂલ કોંગ્રેસ ખૂબ જ મુશ્કેલીમાં છે. બંગાળ ચૂંટણી પરિણામો પર મમતા બેનર્જીનું પહેલું નિવેદન હવે સામે આવ્યું છે. તેમણે ટીએમસી કાર્યકરોને મતગણતરી કેન્દ્રો ન છોડવા વિનંતી કરી છે કારણ કે મતગણતરીના ફક્ત ચાર રાઉન્ડ પૂર્ણ થયા છે. તેમણે દાવો કર્યો છે કે અંતિમ રાઉન્ડ પછી ટીએમસી જીતશે.
મમતા બેનર્જીએ શું કહ્યું?
ભવાનીપુરના ટીએમસી ઉમેદવાર અને પશ્ચિમ બંગાળના મુખ્યમંત્રી મમતા બેનર્જીએ કહ્યું, "કાઉન્ટિંગ એજન્ટો અને ઉમેદવારોએ મતગણતરી કેન્દ્રો છોડવા જોઈએ નહીં. આ ભાજપનો પ્લાન છે. હું ગઈકાલથી કહી રહી છું કે તેમને પહેલા આગળ છે તેમ બતાવવામાં આવશે. તેઓએ ઘણી જગ્યાએ ગણતરી બંધ કરી દીધી છે. કલ્યાણીમાં, એવા મશીનો મળી આવ્યા છે જે મેળ ખાતા નથી. સેન્ટ્રલ ફોર્સ દ્વારા ટીએમસી પર ચારે તરફથી અત્યાચાર કરવામાં આવી રહ્યો છે."
#WATCH | कोलकाता: भवानीपुर से TMC उम्मीदवार व पश्चिम बंगाल की मुख्यमंत्री ममता बनर्जी ने कहा, "काउंटिंग एजेंट और उम्मीदवार काउंटिग सेंटर छोड़कर न आएं। यह भाजपा का प्लान है, मैं कल से ही बोल रही हूं पहले उन्हें आगे दिखाया जाएगा। कई जगह उन्होंने काउंटिंग को बंद कर रखा है। कल्याणी… pic.twitter.com/1Sx3eSTJPS
— ANI_HindiNews (@AHindinews) May 4, 2026
આ પણ વાંચો- West Bengal Election Results: બંગાળમાં શરૂઆતના વલણોમાં BJPને બહુમત, TMCનો ગઢ ધરાશાયી
તમામ ખોટુ બતાવવામાં આવી રહ્યું છે - મમતા બેનર્જી
મમતા બેનર્જીએ કહ્યું, "તેઓએ SIR દ્વારા મત લૂંટવાનો પ્રયાસ કર્યો અને હજુ પણ અમે 100 થી વધુ બેઠકો પર આગળ છીએ, જે બતાવવામાં આવી રહ્યું નથી. ચૂંટણી પંચ સંપૂર્ણપણે પોતાની મરજીથી કામ કરી રહ્યું છે અને તેમની સાથે સેન્ટ્રલ ફોર્સ છે. પોલીસ પણ કેન્દ્રીય દળો સાથે કામ કરી રહી છે. હું પાર્ટીના કાર્યકરોને કહું છું કે નિરાશ થવાની જરૂર નથી; સૂર્યાસ્ત પછી તમે જીતી જશો. મતગણતરીના 2-4 રાઉન્ડ પૂર્ણ થયા છે અને મતગણતરી 14-18 રાઉન્ડ સુધી ચાલુ રહેશે અને આપણે જીતીશું. કોઈએ ડરવાની જરૂર નથી."
ટોપ સ્ટોરી
ટ્રેન્ડિંગ સમાચાર
