ગુજરાતના કયા શહેરમાં કોરોનાનું સંક્રમણ અટકાવવા 8 દિવસ દુકાનો સ્વયંભૂ બંધ રાખવાનો લેવાયો નિર્ણય?

ખેડબ્રહ્મામાં આગામી 14 સપ્ટેમ્બરથી 21 સપ્ટેમ્બર સુધી બજાર બંધ રાખવાનો વેપારી એસોસિએશને નિર્ણય લીધો છે. જોકે, દૂધ પાર્લર, મેડિકલ, હોસ્પિટલ અને સરકારી કચેરીઓ ખુલ્લી રહેશે.

પ્રતિકાત્મક તસવીર.

ખેડબ્રહ્માઃ ગુજરાતમાં કોરોનાના કેસો સતત વધી રહ્યા છે. છેલ્લા કેટલાક દિવસોથી રાજ્યમાં દૈનિક કેસો 1300ને પાર થઈ ગયા છે. ત્યારે સાબરકાંઠાના ખેડબ્રહ્મા શહેરમાં કોરોનાનું સંક્રમણ અટકાવવા માટે બજાર સ્વયંભૂ બંધ રાખવાનો નિર્ણય લેવામાં આવ્યો છે. આગામી 14 સપ્ટેમ્બરથી 21 સપ્ટેમ્બર સુધી બજાર બંધ રાખવાનો વેપારી એસોસિએશને નિર્ણય લીધો છે. જોકે, દૂધ પાર્લર, મેડિકલ, હોસ્પિટલ અને સરકારી કચેરીઓ ખુલ્લી રહેશે. નોંધનીય છે કે, રાજકોટમાં પણ કોરોનાનું સંક્રમણ વધતા સોની બજાર આઠ દિવસ બંધ રાખવાનો નિર્ણય લેવામાં આવ્યો છે. ગઈ કાલે એક જ દિવસમાં 1344 કેસ નોંધાયા હતા. તો 16 લોકોના કોરોનાથી મોત થયા છે. જ્યારે તેની સામે 1240 દર્દીઓેએ કોરોનાને મ્હાત આપી હતી. આ સાથે રાજ્યમાં કોરોનાથી સાજા થવાનો દર 82.43 ટકા થઈ ગયો છે. અત્યાર સુધીમાં કુલ 91,470 લોકોએ કોરોનાને મ્હાત આપી છે. તેમજ અત્યારે રાજ્યમાં કુલ કેસો 1,10,971 છે, જ્યારે એક્ટિવ કેસો 16,318 છે. ગઈ કાલે સૌથી વધુ સુરતકોર્પોરેશનમાં 174, અમદાવાદ કોર્પરેશનમાં 153, સુરતમાં 101, રાજકોટ કોર્પોરેશનમાં 99, જામનગર કોર્પોરેશનમાં 98, વડોદરા કોર્પોરેશનમાં 93, રાજકોટમાં 51, વડોદરામાં 39, પાટણમાં 30, મોરબીમાં 29, પંચમહાલમાં 29, ભાવનગર કોર્પોરેશનમાં 28, અમરેલીમાં 26, ભરુચમાં 25, કચ્છમાં 25, મહેસાણામાં 24, ગાંધીનગરમાં 22, સુરેન્દ્રનગરમાં 22, અમદાવાદમાં 21, બનાસકાંઠામાં 19, ગાંધીનગર કોર્પોરેશનમાં 18, જામનગરમાં 18, ભાવનગરમાં 17, આણંદમાં 16, જૂનાગઢમાં 16, મહીસાગરમાં 16, ગીર સોમનાથમાં 13, સાબરકાંઠામાં 13, નર્મદામમાં 10, ખેડામાં 9, તાપીમાં 9, બોટાદ 8, નવસારીમાં 8, છોટાઉદેપુરમાં 8, અરવલ્લીમાં 6, દેવભૂમિ દ્વારકામાં 5, વલસાડમાં 4, પોરબંદરમાં 2 અને ડાંગમાં 1 કેસ નોંધાયો હતો.