Mehsana Rain Photo: મહેસાણામાં માત્ર અઢી ઈંચ વરસાદથી શાળામાં ભરાયા પાણી,બાળકોને બહાર કાઢવા લેવાઈ ફાયરની મદદ

Mehsana Rain: હવામાન વિભાગની આગાહીને પગલે ઉત્તર ગુજરાતના અનેક વિસ્તારોમાં ધોધમાર વરસાદ વરસ્યો પડ્યો હતો. માત્ર અઢી ઈંચ વરસાદમાં જ મહેસાણા રેલમછેલ થયું હતું.

અઢી ઈંચ વરસાદમાં જ મહેસાણા થયું રેલમછેલ

મહેસાણાના ગોપી અને ભમરિયા નાળામાં પાણી ભરાયા હતા. મહેસાણા હાઈવેના અંડરપાસમાં પણ જળભરાવ શરૂ થયો હતો.

આ ઉપરાંત ભારે વરસાદને કારણે મહેસાણાની શાળામાં પાણી ભરાયા હતા. મહેસાણાની કાવેરી શાળામાં પાણી ભરાયા હતા.

મહેસાણાની કાવેરી શાળામાં ભારે વરસાદ બાદ બાળકો ફસાયા હતા.આ બાળકોને બહાર કાઢવા માટે ફાયરની મદદ લેવામાં આવી હતી.

બાળકોને શાળાની દિવાલ કુદાવીને બહાર કાઢવામાં આવ્યા હતા. બાળકો પાણીમાં ફસાતા વાલીઓ ચિંતામાં મુકાયા હતા.

તો બીજી તરફ માત્ર અઢી ઈંચ વરસાદમાં મહેસાણામાં પાણી પાણી થઈ જતા નગરપાલિકાના સત્તાધીશો સામે લોકોમાં રોષ જોવા મળી રહ્યો છે.

સોસાયટીમાં નદી વહેતી હોય તેવા દ્રશ્યો સામે આવ્યા હતા. ખોડિયારનગર, ગ્રીન પાર્ક સોસાયટીમાં પાણી ભરાતા રહીશો મુશ્કેલીમાં મુકાયા હતા.