PM Modi Wish: સિયાચીન પર તૈનાત દેશની પ્રથમ મહિલા અધિકારીને 'ફાયર એન્ડ ફ્યુરી' કહી વડાપ્રધાનએ બિરદાવી

ભારતના સરહદી વિસ્તાર સિયાચીનમાં તાપમાન -60 ડિગ્રી સુધી ગગડતો હોઈ છે, આવચ્ચે સિયાચીન બોર્ડર પર  કેપ્ટન શિવા ચૌહાણ દેશની સુરક્ષા માટે તૈનાત છે અને એક ટીમનું નેતૃત્વ કરી રહી છે.

 કેપ્ટન શિવા ચૌહાણ

આજે જયારે સમગ્ર ભારતમાં ઠંડીનું મોજું ફરી વળ્યું છે. ત્યારે ભારતના સરહદી વિસ્તાર સિયાચીનમાં પણ તાપમાન -60 ડિગ્રી સુધી ગગડતો હોઈ છે, આ ઠંડીની વચ્ચે સિયાચીન બોર્ડર પર  કેપ્ટન શિવા ચૌહાણ દેશની સુરક્ષા માટે તૈનાત છે અને એક ટીમનું નેતૃત્વ કરી રહી છે.

રાજસ્થાનના ઉદયપુર શહેરમાં રહેતી કેપ્ટન શિવા ચૌહાણને હવે ભારતના લગભગ બધા જ લોકો જાણે છે.  કારણ કે તે સર્વોચ્ચ યુદ્ધક્ષેત્ર સિયાચીન ગ્લેશિયરમાં તૈનાત થનારી પ્રથમ મહિલા કેપ્ટન છે. 2 ડિસેમ્બરના રોજ તેમનું ત્યાં પોસ્ટિંગ સિયાચીન બોર્ડેર પર થયું હતું. હલમાં જ વડાપ્રધાન નરેન્દ્ર મોદીએ શિવા ચૌહાણને અભિનંદન સંદેશ મોકલ્યો છે. એટલું જ નહીં, ઘરના સભ્યોને અનેક જગ્યાએથી અભિનંદનના સંદેશ પણ મળી રહ્યા છે, જે ગર્વની લાગણી આપી રહ્યા છે. દરેકને એ વાતનો ગર્વ છે કે સિયાચીનમાં જ્યાં તાપમાન -60 ડિગ્રી સુધી પણ જાય છે, ત્યાં  શિવા આટલી ઠંડીમાં દેશની રક્ષા માટે તૈનાત છે અને એક ટીમનું નેતૃત્વ કરી રહી છે.

PMએ સોશિયલ મીડિયા પર આ સંદેશ આપ્યો હતો:

વડા પ્રધાન નરેન્દ્ર મોદીએ શુક્રવારે તેમના સોશિયલ મીડિયા સંદેશમાં લખ્યું હતું કે "ફાયર એન્ડ ફ્યુરી સેપર્સના કેપ્ટન શિવા ચૌહાણ પર ગર્વ છે, જે કુમાર પોસ્ટ, સિયાચીનમાં સક્રિય રીતે તૈનાત થનારી પ્રથમ મહિલા અધિકારી બની છે. આ ધ્રૂજતી ઠંડીમાં પોસ્ટ થવી એ ખરેખર સમગ્ર દેશ માટે ગર્વની વાત છે."

ઉત્તરાખંડના સીએમ ધામીએ પણ અભિનંદન પાઠવ્યા હતા:

પીએમ મોદી સિવાય ઉત્તરાખંડના સીએમ પુષ્કર સિંહ ધામીએ પણ પીએમ મોદીની પોસ્ટ પર મેસેજ મોકલ્યો છે. તેમાં લખવામાં આવ્યું હતું કે સમગ્ર ભારતને વિશ્વના સૌથી ઊંચા યુદ્ધક્ષેત્ર સિયાચીનમાં તૈનાત થનાર પ્રથમ મહિલા કેપ્ટન શિવા ચૌહાણ પર ગર્વ છે. વડાપ્રધાન મોદીજી, તમારા નેતૃત્વમાં આજે ભારતીય સેના આધુનિક રીતે વધુ શક્તિશાળી બની રહી છે, જે કોઈપણ સંજોગોમાં દુશ્મન સેનાને જડબાતોડ જવાબ આપવા તૈયાર છે, જય હિન્દ! આ સિવાય હજારો લોકોએ શિવને પોતાના અભિનંદન પાઠવ્યા છે.
શિવની 2020માં સેનામાં પસંદગી થઈ હતી

કેપ્ટન શિવા સિવિલ એન્જિનિયર છે. તે ઉદયપુરના સેક્ટર 11માં રહે છે અને તેણે ઉદયપુરની એક ખાનગી શાળા સેન્ટ એન્થોનીમાંથી તેણે સ્કૂલિંગ કર્યું છે. આ પછી તેણે વર્ષ 2015માં ટેકનો એનજેઆર ઇન્સ્ટિટ્યૂટ કોલેજ ઓફ એન્જિનિયરિંગમાં પ્રવેશ કર્યો. તેમની શાખા સિવિલ એન્જિનિયરિંગ હતી. ચાર વર્ષમાં દરેક કાર્યક્રમમાં ભાગ લીધો. શિવા મિસ ફ્રેશર હતી અને 87% સાથે કોલેજ ટોપર પણ બની હતી. તે સાંસ્કૃતિક પ્રવૃત્તિઓમાં પણ હંમેશા આગળ રહેતી હતી, જેમાં ઘણા ઉત્કૃષ્ટ ડાન્સ પરફોર્મન્સ પણ આપવામાં આવ્યા હતા. કોલેજ પછી તેણે સર્વિસ સિલેકશન બોર્ડની પરીક્ષા આપી જેમાં શિવા પણ ટોપ કર્યું. આ પછી, વર્ષ 2020 માં, સેનાની પસંદગી થઈ. તેણે જાન્યુઆરી 2022માં ચેન્નાઈમાં ટ્રેનિંગ લીધી હતી અને હવે તેની પહેલી પોસ્ટિંગ સિયાચીનમાં થઈ છે જ્યાં શિવ એક ટીમના લીડર છે. દુઃખની વાત એ છે કે પિતાનું વર્ષ 2011માં નિધન થયું હતું, ત્યારપછી માતા અંજલિ અને શિવાએ પોતે જવાબદારી સંભાળી હતી. શિવાની એક મોટી બહેન છે જે આરજેએસની તૈયારી કરી રહી છે.