Gujarat Saurashtra weather update: કાળઝાળ ગરમીને લઇ હવામાન વિભાગે શું કરી મોટી આગાહી, જાણો

કોરોનાના ભયની વચ્ચે લોકો ગરમી વધવાના કારણે લૂ લાગવી, શરદી, હીટ સ્ટ્રોક, ટાઈફોઈડ, ઓરી, ફૂડ પોઇઝનિંગ જેવા રોગોનો પણ શિકાર થઈ શકે છે. જેના લીધે ગરમીનો પારો વધવાથી લોકોને અનેક મુશ્કેલીઓનો સામનો કરવો પડી શકે છે. જ્યારે ગરમી પડતા જ લોકો બપોરના સમયે ઘરથી બહાર નીકળવાનું ટાળી રહ્યા છે.

ગુજરાત સહિત સૌરાષ્ટ્રવાસીઓ માટે મહત્વના સમાચાર સામે આવી રહ્યા છે. બે દિવસ સૌરાષ્ટ્રવાસીઓને ગરમીમાંથી આંશિક રાહત મળશે. તેની સાથે એ પણ સમાચાર છે કે, 2 અને 3 એપ્રિલના સૌરાષ્ટ્ર કચ્છમાં ફરી હિટવેવની આગાહી કરવામાં આવી છે. જ્યારે દરિયાઈ વિસ્તાર માં હીટ વેવની આગાહી કરવામાં આવી છે. અમદાવાદ  શહેરમાં મહત્તમ તાપમાન 40 ડીગ્રીની આસપાસ રહેશે.

કોરોનાના ભયની વચ્ચે લોકો ગરમી વધવાના કારણે લૂ લાગવી, શરદી, હીટ સ્ટ્રોક, ટાઈફોઈડ, ઓરી, ફૂડ પોઇઝનિંગ જેવા રોગોનો પણ શિકાર થઈ શકે છે. જેના લીધે ગરમીનો પારો વધવાથી લોકોને અનેક મુશ્કેલીઓનો સામનો કરવો પડી શકે છે. જ્યારે ગરમી પડતા જ લોકો બપોરના સમયે ઘરથી બહાર નીકળવાનું ટાળી રહ્યા છે.

નોંધનીય છે કે, હવામાન ખાતા અને આરોગ્ય તંત્ર દ્વારા અગાઉ જણાવવામાં આવ્યું હતું કે, હિટવેવથી બચવા લોકોએ પર્યાપ્ત માત્રમાં પાણી પીવું, ભારે તળેલા ખોરાકને બદલે સાદો ખોરાક લેવો, સુતરાઉના હલકાં કપડા પહેરવા, વુધ્ધો અને બાળકો, બીમારોએ તડકામાં બહાર નીકળવાનું ટાળવું અને લોકોએ પણ બહાર નીકળવું પડે તો માથા પર ટોપી, રૂમાલ વગેરથી અવશ્ય રાખવા વગેરે પગલા લેવાની અપીલ કરવામાં આવી છે.

હીટવેવની અસરથી અમદાવાદ સહિત રાજ્યભરમાં ગરમીનું મોજુ ફરી વળ્યું છે. અમદાવાદનું મહત્તમ તાપમાન રવિવારે 41.7 ડિગ્રીએ પહોંચી ગયું હતું. આગામી બે દિવસ અમદાવાદ સહિત રાજ્યના અન્ય શહેરોમાં ગરમીનું જોર વધવા સાથે પારો 42 ડિગ્રીની આસપાસ રહેવાની આગાહી કરવામાં આવી છે. દરિયાકાંઠાના વિસ્તારોને બાદ કરતા મોટાભાગના શહેરોમાં ગરમીનો પારો 40 ડિગ્રીથી વધુ રહ્યો હતો. 11 શહેરમાં તો ગરમી 41 ડિગ્રીને પાર કરી ગઈ હતી. આગામી ત્રણ દિવસ દરમિયાન સૌરાષ્ટ્ર, કચ્છ અને ઉત્તર ગુજરાતમાં હીટવેવ ચાલુ રહેવાની આગાહી છે. 2 અને 3 એપ્રિલના સૌરાષ્ટ્ર કચ્છમાં ફરી હિટવેવની આગાહી કરવામાં આવી છે. જ્યારે દરિયાઈ વિસ્તાર માં હીટ વેવની આગાહી કરવામાં આવી છે.