Rajkot Rain: રાજકોટમાં અસહ્ય ગરમી બાદ વરસાદનું ધમાકેદાર આગમન, જિલ્લામાં પણ વરસાદી માહોલ જામ્યો

રાજકોટ શહેરના યાત્રિક રોડ, રેસકોર્સ રિંગ રોડ, 150 ફૂટ રિંગ રોડ, રૈયા રોડ, જિલ્લા પંચાયત ચોક, સિવિલ હોસ્પિટલ ચોક, ત્રિકોણબાગ સહિતના વિસ્તારોમાં વરસાદ વરસ્યો છે.

રાજકોટ શહેરમાં વરસાદ

રાજકોટ: રાજકોટ શહેરમાં અસહ્ય ગરમી અને બફારા બાદ વરસાદનું ધમાકેદાર આગમન થયું છે. રાજકોટ શહેરના યાત્રિક રોડ, રેસકોર્સ રિંગ રોડ, 150 ફૂટ રિંગ રોડ, રૈયા રોડ, જિલ્લા પંચાયત ચોક, સિવિલ હોસ્પિટલ ચોક, ત્રિકોણબાગ સહિતના વિસ્તારોમાં વરસાદ વરસ્યો છે. લાંબા સમય બાદ રાજકોટ શહેરમાં વરસાદ વરસતા લોકોને ગરમીથી રાહત મળી છે. 

ધોરાજીમાં વરસાદ 

રાજકોટ જિલ્લાના ધોરાજીમાં વરસાદનું આગમન થયું છે. બપોરે અસહ્ય ઉકળાટ અને  ગરમી બાદ વાતાવરણમાં પલટો આવ્યો હતો. આકાશમાં કાળા ડીંબાંગ વાદળો ઘેરાયા હતા. ધોરાજીમા વરસાદનું આગમન થયું છે. વિજળીના કડાકા ભાડકા સાથે ધોધમાર વરસાદ વરસતા મુખ્ય રસ્તાઓ વરસાદી પાણી પાણી થયા હતા.  બાળકોએ વરસાદમાં ન્હાવાની મજા માણી હતી.  ધોરાજીમા વરસાદને લઈને વાતાવરણમાં ઠંટક પ્રસર છે. 

જેતપુર તાલુકમાં વરસાદ

જેતપુર ગ્રામ્ય પંથક લાંબા વિરામ બાદ મેઘરાજાની એન્ટ્રી થઈ છે.  જેતપુર ગ્રામ્ય પંથકમાં બપોર બાદ બાદ વાતાવરણમાં પલટો આવ્યો હતો.  પેઢલા,  મંડલીકપૂર,  ગુંદાળા સહિતના ગ્રામ્ય વિસ્તારમાં વરસાદી ઝાપટુ પડ્યું હતું.  ગ્રામ્ય વિસ્તારમાં વરસાદ પડતા વાતાવરણમાં ઠંક પ્રસરી હતી. 

જસદણ ગ્રામ્ય પંથકમાં ધોધમાર વરસાદ

રાજકોટ જિલ્લાના જસદણ ગ્રામ્ય પંથકમાં ધોધમાર વરસાદ વરસી રહ્યો છે.  પવન અને ગાજવીજ સાથે ધોધમાર વરસાદ શરુ થયો છે.  આટકોટ,ગરણી,ગુંદાળા,  જંગવડ, સાણથલી, વીરનગરમાં ધોધમાર વરસાદ વરસ્યો છે. 

આટકોટ અને સાણથલી ગામે ધોધમાર વરસાદ વરસતા રોડ ઉપર અને ખેતરોમાં પાણી વહેતા થયાં હતા.  સાણથલી ગામે એક કલાકમાં ધોધમાર એક ઇંચ વરસાદ ખાબક્યો હતો.  આજે સવારથી અસહ્ય ગરમીના બફારા બાદ ધોધમાર વરસાદ વરસતા લોકોને ગરમીથી રાહત મળી છ. 

સારા વરસાદના પગલે ખેડૂતોમાં ખુશીનો માહોલ છે.  વાવણી લાયક વરસાદ પડ્યો છે. રાજકોટ જિલ્લામાં હજી પડધરી અને જસદણ પંથકના અમુક ગામડાઓમાં જ વાવણી લાયક વરસાદ વરસ્યો છે.   

ગોંડલ તાલુકામાં વરસાદ 

રાજકોટ ગોંડલના ગ્રામ્ય વિસ્તારોમાં વરસાદી માહોલ યથાવત છે. ગોંડલના સીમ વિસ્તારમાં  મોટા ઉમવાળા, નાના ઉમવાળા, અનિડા ગામ સહિતના ગ્રામ્ય વિસ્તારોમાં વરસાદ વરસ્યો છે.  ભારે પવન સાથે મેઘરાજાનું ધમાકેદાર આગમન થયું છે.  અમુક ગામડાઓમાં વાવણી લાયક વરસાદ થયો છે. 

ભારે વરસાદની હવામાન વિભાગે આગાહી કરી

રાજ્યના 11 જિલ્લાઓમાં આજે હળવાથી ભારે વરસાદની હવામાન વિભાગે આગાહી કરી હતી. હવામાન વિભાગે આગાહી કરી હતી કે ગીર સોમનાથ, નવસારી, ડાંગ, વલસાડમાં ભારે વરસાદ વરસી શકે છે. તો જૂનાગઢ અમરેલી, ભાવનગર, ભરૂચ, નર્મદા, સુરત અને તાપીમાં હળવાથી મધ્યમ વરસાદની શક્યતા છે. સંઘ પ્રદેશ દમણ અને દાદરાનગર હવેલીમાં પણ ભારે વરસાદ વરસી શકે છે. તો દીવમાં છૂટાછવાયા વરસાદની હવામાન વિભાગે આગાહી કરી હતી.