Rajkot: રાજકોટ ડો. બાબા સાહેબ યૂનિવર્સિટીના ઇન્ચાર્જ રજિસ્ટારની કરાઇ હકાલપટ્ટી

ડિપ્લોમા હેલ્થ સેનેટરી ઇન્સ્પેક્ટરના કોર્ષની યુજીસીની માન્યતા ન હતી, અને આ મુદ્દે વિવાદ થયો હતો,

તસવીર

Rajkot: રાજકોટમાં આવેલી ડૉ. બાબા સાહેબ યૂનિવર્સિટીમાં ચાલી રહેલા વિવાદ પર મોટુ અપડેટ સામે આવ્યું છે. યૂનિવર્સિટીના ઇન્ચાર્જ રજિસ્ટારની હકાલપટ્ટી કરી દેવામાં આવી છે. ડિપ્લોમા હેલ્થ સેનેટરી ઇન્સ્પેક્ટરના કોર્ષની યુજીસીની માન્યતા ન હતી, અને આ મુદ્દે વિવાદ થયો હતો, એસ.આઈના કોર્ષને લઈને ભારે વિવાદ થયો હતો, જે પછી આ એક્શન લેવામાં આવી હોવાની વાત સામે આવી છે. આંબેડકર યૂનિવર્સિટીમાં ઇન્ચાર્જ રજિસ્ટાર ડૉ. ભાવિન ત્રિવેદીના હાલમાં હટાવી દેવામાં આવ્યા છે.

 

'જો કોઇ હિન્દુ દીકરાનો કે સાધુ સંતનો વિરોધ કરશે તો જોયા જેવી થાશે' - બાબા બાગેશ્વર મુદ્દે કરણી સેના મેદાનમાં

Rajkot: બાબા બાગેશ્વર મુદ્દે કરણી સેના મેદાનમાં આવી છે, છેલ્લા કેટલાક દિવસોથી બાબા બાગેશ્વરની દિવ્ય દરબારને લઇને ચાલી રહેલા વિવાદ વચ્ચે હવે કરણી સેનાએ ઝંપલાવ્યુ છે. કરણી સેનાએ બાબા બાગેશ્વરનો ખુલ્લેઆમ બચાવ કર્યો છે, અને તેમની સુરક્ષામાં ખડે પગે રહેવાની રણનીતિ ગોઠવી છે.

રાજકોટમાં બાબા બાગેશ્વરને લઈને રાજપૂત કરણી સેના હવે મેદાનમાં આવી ગઇ છે. કરણી સેનાના સૌરાષ્ટ્રના પ્રમુખ કૃષ્ણસિંહ જાડેજાએ નિવેદન આપ્યુ છે કે, જો કોઈ હિન્દુના દીકરાનો કે સાધુ સંતનો વિરોધ કરશે તો જોયા જેવી થશે, આગામી 1લી અને 2જી જૂનના રોજ બાબા બાગેશ્વર રાજકોટ આવશે ત્યારે કરણી સેના ખડે પગે રહેશે. કરણી સેનાએ કહ્યું - અમે પણ સનાતન ધર્મમાં માનીએ છીએ, અને જો બાબા ધીરેન્દ્ર શાસ્ત્રીનો વિરોધ કરવામાં આવશે તો જોયા જેવી થશે. કરણી સેનાએ તેમના કાર્યક્રમને લઈને રણનીતિ ગોઠવી છે. તેમને કહ્યું કે, હિન્દુના દીકરાનો કોઈ વિરોધ કરશે તો જોયા જેવી થશે. 

Bageshwar Sarkar : રાજકોટમાં ધીરેન્દ્ર શાસ્ત્રીને પડકાર ફેંકનાર પુરુષોત્તમ પીપળીયાને ધમકી મળવાની થઈ શરૂઆત, જાણો વિગત

Bageshwar Sarkar : રાજકોટમાં બાગેશ્વર ધામ સરકારના ધીરેન્દ્ર શાસ્ત્રીને પડકાર ફેંકનારા પુરુષોત્તમ પીપળીયાને ધમકી મળવાની શરૂઆત થઈ છે. અજાણ્યા મોબાઈલ નંબર પરથી ઘરનું એડ્રેસ પૂછી ધમકી આપવામાં આવી છે. ધમકી મળ્યા બાદ તેમણે કહ્યું, સોશિયલ મીડિયાના માધ્યમથી ધમકી આપવામાં આવી રહી છે. અંધશ્રદ્ધા ન ફેલાય તે જ મારો ઉદ્દેશ છે, અત્યાર સુધીમાં પાંચથી છ વખત ધમકીભર્યા ફોન આવ્યા છે. બાબા મને સમય આપશે તો હું ચોક્કસ મળીશ, બાબા સનાતન ધર્મનો પ્રચાર કરે છે તેનો મારો વિરોધ નથી. સનાતન ધર્મના પ્રચાર માટે મંજૂરી મળવી જોઈએ, મારો વિરોધ સનાતન ધર્મનો નથી માત્ર ધતિંગનો છે. હું પોલીસ પ્રોટેક્શન નથી માંગતો.