Rajkot: રાજકોટમાં ઉત્તરાયણ પહેલા ચાઈનીઝ દોરી ઝડપાઈ, પોલીસે બે લોકોની કરી ધરપકડ
પોલીસે મોબાઈલ ફોન, કાર, ચાઇનીઝ દોરી સહિત 3,63,000 રૂપિયાનો મુદ્દામાલ કબ્જે કર્યો છે.
Chinese Thread: ઉત્તરાયણને આડે હવે એક મહિના જેટલો સમય બાકી છે ત્યારે પ્રતિબંધ હોવા છતાં ચાઈનીસ દોરીનો ભરપુર વેપલો થઈ રહ્યો છે. રાજકોટમાં ઉત્તરાયણ તહેવાર પૂર્ણ ચાઈનીઝ દોરી ઝડપાઈ છે. ક્રાઈમ બરાન્ચે શહેરમાં 146 નંગ ચાઈનઝ દોરી ઝડપી પાડી છે. પોલીસે મોબાઈલ ફોન, કાર, ચાઇનીઝ દોરી સહિત 3,63,000 રૂપિયાનો મુદ્દામાલ કબ્જે કર્યો છે. ક્રાઈમ બ્રાન્ચે ચાઈનીઝ દોરી વેચવાના ગુનામાં કૌશલ મસરાણી અને નીરજ મસરાણીની ધરપકડ કરી છે.
આખા દેશમાં ચાઈનીઝ માંઝા પર પ્રતિબંધ છે, તેમ છતાં દેશભરમાં છુપી રીતે તેનું વેચાણ થઈ રહ્યું છે. દર વર્ષે આ ચાઈનીઝ માંઝા હજારો પક્ષીઓ અને ઘણા લોકોના મૃત્યુનું કારણ બને છે. જો કે, નેશનલ ક્રાઈમ રેકોર્ડ બ્યુરો (NCRB) પાસે આને લગતો અલગ ડેટા નથી.
વાસ્તવમાં, આ મેટલ કોટેડ માંઝાનો ઉપયોગ સમગ્ર ગુજરાતમાં ઉત્તરાયણ આસપાસ ખૂબ વધી જાય છે. તેથી, એકવાર આ કોટેડ માંઝા કોઈના ગળા સુધી પહોંચે છે, તે તેમના જીવને જોખમમાં મૂકે છે. આ ધાતુના કોટેડ માંઝાને ચાઈનીઝ માંઝા કહેવામાં આવે છે.
ભારતમાં, ચાઈનીઝ માંઝાને કિલર માંઝા પણ કહેવામાં આવે છે કારણ કે તે એકવાર કોઈની ગરદન અથવા પક્ષીની પાંખને સ્પર્શ કરે છે, તે તેને કાપી નાખે છે. ચાઈનીઝ માંજામાં 5 પ્રકારના રસાયણો અને અનેક ધાતુઓનો ઉપયોગ થાય છે. ચાઈનીઝ માંઝાને નાયલોનની દોરીમાં મેટાલિક પાવડર મિક્સ કરીને બનાવવામાં આવે છે. નાયલોન દોરાને કાચ અને લોખંડ પીસવાથી પોલીશ કરવામાં આવે છે.
ચીનાજી માંઝા (દોરા) પ્લાસ્ટિક જેવો દેખાય છે અને ખેંચી શકાય તેવું છે. જ્યારે તમે તેને ખેંચો છો, ત્યારે તે તૂટી જવાને બદલે વિસ્તરે છે. તેને કાપવું મુશ્કેલ છે. એટલે બાળકો કે પતંગ ઉડાવનારા લોકોને ગમે છે. અત્યાર સુધી આ માંઝા ચીનથી આવતો હતો. જ્યારે હવે આ માંઝા ભારતમાં પણ બનવા લાગી છે.
આ ચાઈનીઝ માંઝા ચોમાસામાં પણ બગડતો નથી. આ ધાતુથી ભરેલા માંજાથી વીજળી પડવાનું પણ જોખમ રહેલું છે. વીજ કંપનીના જણાવ્યા અનુસાર જો આ ચાઈનીઝ માંઝા દ્વારા 66 કે 35 KVની લાઈન ટ્રીપ થઈ જાય તો લગભગ 2500 ઘરોમાં વીજ પુરવઠો બંધ થવાનું જોખમ વધી જાય છે. જ્યારે આ ચાઈનીઝ માંઝા રેલવે લાઈન પર પડે છે ત્યારે પણ પુરવઠામાં ઘણી વિક્ષેપ પડે છે.
ટોપ સ્ટોરી
ટ્રેન્ડિંગ સમાચાર
