![ABP Premium](https://cdn.abplive.com/imagebank/Premium-ad-Icon.png)
PM Modi RRTS Corridor: દેશને મળી પહેલી રેપિડ ટ્રેન, PM મોદીએ આપી લીલીઝંડી, જાણો કેટલી રહેશે સ્પીડ
વડા પ્રધાન કાર્યાલયે જણાવ્યું છે કે દિલ્હી-ગાઝિયાબાદ-મેરઠ કોરિડોર 30,000 કરોડથી વધુના ખર્ચે વિકસાવવામાં આવી રહ્યો છે અને તે ગાઝિયાબાદ, મુરાદનગર અને મોદીનગરના શહેરી કેન્દ્રો દ્વારા દિલ્હીને એક કલાકથી ઓછા સમયમાં મેરઠ સાથે જોડશે.
![PM Modi RRTS Corridor: દેશને મળી પહેલી રેપિડ ટ્રેન, PM મોદીએ આપી લીલીઝંડી, જાણો કેટલી રહેશે સ્પીડ rapid transi system rrts-trains to be known as namo bharat says official sources PM Modi RRTS Corridor: દેશને મળી પહેલી રેપિડ ટ્રેન, PM મોદીએ આપી લીલીઝંડી, જાણો કેટલી રહેશે સ્પીડ](https://feeds.abplive.com/onecms/images/uploaded-images/2023/10/20/ba548044b0f850b2a5f762c13049c98d169779027034881_original.jpg?impolicy=abp_cdn&imwidth=1200&height=675)
PM Modi RRTS Corridor: નવી 'રિજનલ રેપિડ ટ્રાન્ઝિટ સિસ્ટમ' (RRTS) ટ્રેનો 'નમો ભારત' તરીકે ઓળખાશે. કેન્દ્રીય મંત્રી હરદીપ સિંહ પુરીએ ગુરુવારે આ જાહેરાત કરી હતી. આજે વડા પ્રધાન નરેન્દ્ર મોદીએ RRTSને લીલીઝંડી આપી
PM નરેન્દ્ર મોદીએ શુક્રવારે એટલે કે આજે સાહિબાબાદ રેપિડએક્સ સ્ટેશન પર દેશને દિલ્હી-ગાઝિયાબાદ-મેરઠ RRTS કોરિડોર ભેટમાં આપ્યો. તેમણે સાહિબાબાદ અને દુહાઈ ડેપો વચ્ચે દોડતી પ્રથમ રેપિડએક્સ ટ્રેનને પણ લીલી ઝંડી બતાવી હતી. આ રીતે દેશમાં પ્રથમ પ્રાદેશિક રેપિડ ટ્રાન્ઝિટ સિસ્ટમ શરૂ કરવામાં આવી હતી. અહીં લોકોને સંબોધિત કરતા પીએમે કહ્યું કે,’ મેં મારું બાળપણ રેલવે પ્લેટફોર્મ પર વિતાવ્યું છે.”
#WATCH | Sahibabad, Uttar Pradesh | Prime Minister Narendra Modi inaugurates the priority section of Delhi-Ghaziabad-Meerut RRTS Corridor. pic.twitter.com/gkKRs5GNkK
— ANI (@ANI) October 20, 2023
પીએમ મોદીએ કહ્યું કે, નવરાત્રીનો તહેવાર ચાલી રહ્યો છે. તેમાં શુભ કાર્યની પરંપરા છે. હું દિલ્હી-NCR અને સમગ્ર પશ્ચિમ યુપીને અભિનંદન આપું છું. આ RRTS કોરિડોર ભારતના નવા સંકલ્પને પરિપૂર્ણ કરે છે. રાજ્યના વિકાસને કારણે ભારતનો વિકાસ શક્ય બન્યો છે. કેન્દ્રીય મંત્રી હરદીપ સિંહ પુરીએ ગુરુવારે જાહેરાત કરી હતી કે RRTS ટ્રેનોને 'નમો ભારત' તરીકે ઓળખવામાં આવશે. આને લઈને ઘણો વિવાદ થયો હતો અને કોંગ્રેસે પણ નામ પર સવાલો ઉઠાવ્યા હતા.
નમો ભારત ટ્રેનમાં આધુનિકતા અને ઝડપ બંને
યુપીના સાહિબાબાદમાં લોકોને સંબોધતા પીએમ મોદીએ કહ્યું કે આજનો દિવસ દેશ માટે ઐતિહાસિક ક્ષણ છે. આજે ભારતની પ્રથમ ઝડપી રેલ સેવા – નમો ભારત ટ્રેન – શરૂ થઈ છે. તે દેશને સમર્પિત કરવામાં આવી છે. તેમણે કહ્યું કે નમો ભારત ટ્રેનમાં આધુનિકતા અને ઝડપ બંને છે. આ નમો ભારત ટ્રેન નવા ભારતની નવી યાત્રા અને નવા સંકલ્પોને વ્યાખ્યાયિત કરી રહી છે. તેમણે બેંગલુરુમાં 2 મેટ્રો લાઇન સમર્પિત કરવાની પણ માહિતી આપી.
વડાપ્રધાન નરેન્દ્ર મોદીએ RRTSની સવારી કરી
વડાપ્રધાન નરેન્દ્ર મોદીએ સાહિબાબાદથી દુહાઈ ડેપોને જોડતી રેપિડએક્સ ટ્રેન 'નમો ભારત'ના શાળાના બાળકો અને ક્રૂ સાથે વાતચીત કરી. તેમણે શુક્રવારે (20 ઓક્ટોબર 2023) સવારે યુપીના સાહિબાબાદમાં દિલ્હી-ગાઝિયાબાદ-મેરઠ RRTS કોરિડોરના પ્રાથમિકતા વિભાગનું ઉદ્ઘાટન કર્યું અને નમો ભારતને ફ્લેગ ઓફ કર્યું.
ટ્રેન આ ઝડપે દોડશે
બુધવારે (18 ઑક્ટોબર) એક નિવેદનમાં જણાવ્યું હતું કે PM મોદીના વિઝનને અનુરૂપ, RRTS પ્રોજેક્ટને નવા વિશ્વસ્તરીય પરિવહન માળખાનું નિર્માણ કરીને દેશમાં પ્રાદેશિક જોડાણમાં પરિવર્તન લાવવા માટે વિકસાવવામાં આવી રહ્યું છે. RRTS એ સેમી-હાઈ-સ્પીડ અને હાઈ ફ્રીક્વન્સી કોમ્યુટર ટ્રાન્ઝિટ સિસ્ટમ છે, જેમાં ટ્રેન 180 કિલોમીટર પ્રતિ કલાકની ઝડપે દોડી શકશે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)