સુરત ગ્રામ્યમાંથી 1700 કિલો ગૌમાંસ ઝડપાયું, ભાગવા જતાં ટેમ્પો પલટી ગયો

પોલીસે એફ એસ એલ બોલાવી ચકાસણી કરતા ગૌમાંસ હોવાનું પુરવાર થયું છે. પોલીસે જાગૃત નાગરિકની અને અકસ્માતનો ભોગ બનનાર બંને વ્યક્તિની ફરિયાદ લીધી છે.

સુરતમાં ગૌમાંસ ઝડપાયું (પ્રતિકાત્મક તસવીર)

Surat Beef Case: સુરત ગ્રામ્યમાંથી 1700 કિલો ગૌમંસ ઝડપાયું છે. કીમ ઓલપાડ રોડ પર કદરામાં ગામ પાસે ગૌમાંસ ઝડપાયું છે. પિક અપ ટેમ્પામાં  સુરત શહેર તરફ લઈ જવામાં આવી રહ્યું હતું. જાગૃત નાગરિક દ્વારા ટેમ્પા ચાલકને ટેમ્પો અટકાવવાનું કેહતા ટેમ્પો ચાલક પુર ઝડપે ભાગ્યો હતો. સામેથી આવતા વાહન ને અડફેટે લઈ ગૌમાંસ ભરેલો ટેમ્પો પલટી ગયો હતો. પોલીસે એફ એસ એલ બોલાવી ચકાસણી કરતા ગૌમાંસ હોવાનું પુરવાર થયું છે. પોલીસે જાગૃત નાગરિકની અને અકસ્માતનો ભોગ બનનાર બંને વ્યક્તિની ફરિયાદ લીધી છે. સુરતના સંગ્રામપુર ખાતે રહેતા મોહમ્મદ સૂફીયાન મોહમ્મદ સઈદ બરકતવાલાની ધરપકડ કરી છે. જ્યારે સુરતનાં મીઠી ખાડી વિસ્તારમાં રેહતા રહીમ લેમન નામનાં ઇસમને વોન્ટેડ જાહેર કર્યો છે. પોલીસે 1.73 લાખ ની કિંમત નું ગૌમાંસ, ટેમ્પો, મોબાઈલ તેમજ અન્ય સમાન મળી 3.85 લાખથી વધુનો મુદ્દામાલ કબ્જે કર્યો છે.

ગૌહત્યા કાયદો: ભારતમાં ગાયોના રક્ષણ માટેના કાયદાઓ

ભારતમાં ગાયોને પવિત્ર પ્રાણી માનવામાં આવે છે અને તેમને ઘણી ધાર્મિક અને સાંસ્કૃતિક મહત્વ આપવામાં આવે છે. આના કારણે, ગાયોના રક્ષણ માટે ઘણા કાયદાઓ બનાવવામાં આવ્યા છે.

મુખ્ય કાયદાઓ:

• પ્રાણી ક્રૂરતા નિવારણ કાયદો, 1960: આ કાયદો પ્રાણીઓ પર ક્રૂરતાને ગુનો ગણે છે, જેમાં ગાયોનો સમાવેશ થાય છે. ગાયને ઇજા પહોંચાડવી, મારવી, અથવા ગેરકાયદેસર રીતે પરિવહન કરવું ગુનો છે.
• ગુજરાત ગૌસંરક્ષણ કાયદો, 1959: આ કાયદો ગુજરાત રાજ્યમાં ગાયોના રક્ષણ માટે ખાસ કાયદો છે. તે ગાયોના વેચાણ, પરિવહન અને કતલ પર પ્રતિબંધ મૂકે છે.
• અન્ય રાજ્યોના કાયદા: ઘણા અન્ય ભારતીય રાજ્યોમાં પણ ગાયોના રક્ષણ માટે પોતાના કાયદાઓ છે.

કાયદાના ઉલ્લંઘનના દંડ:

ગૌહત્યા કાયદાના ઉલ્લંઘન માટે દંડ રાજ્યો અનુસાર બદલાય છે. સામાન્ય રીતે, દંડમાં દંડ અને/અથવા જેલની સજાનો સમાવેશ થઈ શકે છે. કેટલાક ગંભીર કિસ્સાઓમાં, આજીવન કેદની સજા પણ થઈ શકે છે.

ગૌહત્યા કાયદાઓ ભારતમાં ગાયોના રક્ષણમાં મદદ કરવામાં મહત્વપૂર્ણ ભૂમિકા ભજવે છે. જો કે, આ કાયદાઓનો અમલ હંમેશા સરળ નથી હોતો અને ગેરકાયદેસર ગૌહત્યાના કિસ્સાઓ હજુ પણ થાય છે.