Crime News: નવસારીમાં 15 વર્ષની સગીરા સાથે દુષ્કર્મ, મિત્ર એક્ટિવા પર રાત્રે અવાવરૂં જગ્યાએ લઇ ગ્યો ને....
Crime News: વડોદરા અને સુરત બાદ વધુ એક દુષ્કર્મની ઘટના સામે આવી છે. દક્ષિણ ગુજરાતના નવસારીમાં ગઇકાલે એક દુષ્કર્મની ઘટના ઘટી છે
Crime News: વડોદરા અને સુરત બાદ વધુ એક દુષ્કર્મની ઘટના સામે આવી છે. દક્ષિણ ગુજરાતના નવસારીમાં ગઇકાલે એક દુષ્કર્મની ઘટના ઘટી છે, જેમાં 15 વર્ષીય સગીરા સાથે યુવકે મિત્રતા કેળવી દુષ્કર્મ આચર્યુ હોવાનું સામે આવ્યુ છે. આ મામલે હાલમાં વિજલપોર પોલીસ સ્ટેશનમાં પૉક્સો એક્ટ હેઠળ ગુનો નોંધવામાં આવ્યો છે.
નવસારીમાં હાલમાં બનેલી ઘટનાથી પોલીસ તંત્ર એલર્ટ મૉડમાં આવી ગયું હતું અને ગણતરીના કલાકોમાં જ દુષ્કર્મના આરોપીને ઝડપી પાડ્યો હતો. વિજલપોર પોલીસ સ્ટેશનમાં નોંધાયેલી ફરિયાદ અનુસાર, ઘટનાની વિગતો એવી છે કે, ગઇકાલે રાત્રીના સમયે 15 વર્ષીય સગીરાને આરોપી યુવક રોહિત દેશનાભાઈ પેંડાઘર તેની એક્ટિવા પર બેસાડીને અવાવરૂ જગ્યાએ લઇ ગયો હતો. જ્યાં સગીરા પર દુષ્કર્મ આચરીને તેને તેના ઘર પાસે ઉતારીને ભાગી ગયો હતો. આ ઘટના બાદ પીડિત સગીરાએ પોતાના પરિવારને જાણ કરતાં પરિવારે વિજલપોર પોલીસ સ્ટેશનમાં ફરિયાદ નોંધાવી હતી. આરોપી યુવક રોહિત દેશનાભાઈ પેંડાઘર અને પીડિતા વચ્ચે પ્રેમ સંબંધો હતા, પોલીસે પૉક્સો એક્ટ હેઠળ આરોપી રોહિત દેશનાભાઇ પેંડાઘર વિરૂદ્દ ફરિયાદ નોંધીને ધરપકડ કરી લીધી હતી. તપાસમાં પોલીસે એફએસએલની મદદ પણ લીધી છે.
મહિલા શિક્ષિકાએ સંબંધ બાંધવાની ના પાડી તો ધોરણ-10ના વિદ્યાર્થીએ અશ્લીલ વીડિયો વાયરલ કર્યો, 4 આરોપીઓની ધરપકડ
ઉત્તર પ્રદેશના આગ્રામાં એક ચોંકાવનારી ઘટનામાં પોલીસે જણાવ્યું કે એક શિક્ષિકાનો અશ્લીલ વીડિયો વાયરલ કરવા અને તેને બ્લેકમેઇલ કરવાના આરોપમાં ચાર વિદ્યાર્થીઓને ન્યાયિક કસ્ટડીમાં લેવામાં આવ્યા છે. મથુરાની એક શાળામાં કાર્યરત મહિલા શિક્ષિકા આગ્રાના 10મા ધોરણના એક વિદ્યાર્થીને વધારાના પાઠ શીખવી રહી હતી, જે પોતાના અભ્યાસમાં સંઘર્ષ કરી રહ્યો હતો. અમર ઉજાલાના અહેવાલ અનુસાર, ધીરે ધીરે વિદ્યાર્થીએ મહિલા શિક્ષિકા સાથે નજીકના સંબંધો બનાવ્યા હતા અને છુપી રીતે પોતાના ફોન પર તેનો એક અશ્લીલ વીડિયો રેકોર્ડ કર્યો હતો. પછી તે વીડિયોનો ઉપયોગ કરીને જબરદસ્તીથી જાતીય સંબંધો બનાવવા માટે બ્લેકમેઇલ કરવા લાગ્યો. જ્યારે શિક્ષિકાએ પોતાને તેનાથી દૂર કરી લીધી અને તેનો નંબર બ્લોક કરી દીધો, ત્યારે વિદ્યાર્થીએ પોતાના ગામમાં પોતાના ત્રણ મિત્રોને અશ્લીલ વીડિયો મોકલીને મામલાને વધુ વણસાવ્યો. આ મિત્રોએ વીડિયોને આગળ શેર કર્યો, તેને વોટ્સએપ પર ફેલાવ્યો. એટલું જ નહીં વાયરલ કરવા માટે એક ઇન્સ્ટાગ્રામ પેજ પણ બનાવી દીધું. શરમિંદા થઈને શિક્ષિકાએ આત્મહત્યા કરવાનો વિચાર કર્યો, પરંતુ અંતે મિશન શક્તિ અભિયાન કેન્દ્રથી મદદ માંગી. સમર્થન મળ્યા પછી, તેણે મદદ માટે પોલીસનો સંપર્ક કર્યો.
આ પણ વાંચો
Surat: સુરતમાં વધુ એક દુષ્કર્મ, માતા-પિતાની ગેરહાજરીનો લાભ ઉઠાવી સંબંધીએ જ બાળકીને પીંખી નાંખી
ટ્રેન્ડિંગ સમાચાર
ટોપ સ્ટોરી
