દક્ષિણ ગુજરાતના આ જિલ્લામાં કોરોનાથી થયું પ્રથમ મોત, જાણો વિગત

મુંબઈથી નવસારી આવેલા 90 વર્ષીય વૃદ્ધાને કોરોના પોઝિટિવ આવતાં તેની સારવાર ચાલી રહી હતી, જોકે, સારવાર દરમિયાન તેમનું મોત થયું છે.

પ્રતિકાત્મક તસવીર.

નવસારીઃ ગુજરાતમાં કોરોનાથી સતત મોત થઈ રહ્યા છે. ત્યારે નવસારી જિલ્લામાં કોરોનાથી પ્રથમ મોત થયું છે. મુંબઈથી નવસારી આવેલા 90 વર્ષીય વૃદ્ધાને કોરોના પોઝિટિવ આવતાં તેની સારવાર ચાલી રહી હતી, જોકે, સારવાર દરમિયાન તેમનું મોત થયું છે. નવસારીના સ્ટેશન વિસ્તારમાં રહેતા વૃદ્ધાનું સારવાર દરમ્યાન મોત થયું છે. શહેરમાં મોત ને લઈને ચિંતાનું મોજું ફરી વળ્યું છે. ગુજરાતમાં ગઈ કાલ સાંજે પાંચ વાગ્યા સુધીમાં કુલ 1092 લોકોના મોત થયા છે. જેમાં અમદાવાદમાં સૌથી વધુ 888 લોકોના મોત થયા છે. ગઈ કાલે ગુજરાતમાં 415 કેસ નોંધાયા હતા. જેમાંથી અમદાવાદમાં 279, સુરતમાં 58, વડોદરામાં 32, ગાંધીનગરમાં 15, મહેસાણામાં 5, ભાવનગરમાં 4, ભરુચમાં 4, દાહોદમાં 4, ખેડામાં 3, પંચમહાલ, કચ્છ અને સુરેન્દ્રનગરમાં 2-2, જ્યારે બનાસકાંઠા, પાટણ, નર્મદા, વલસાડ અને નવસારીમાં એક-એક કેસ નોંધાયા છે. ગુજરાતમાં ગઈ કાલે 29 લોકોના કોરોનાને કારણે દુઃખદ નિધન થયાં છે, જેમાં અમદાવાદમાં 24, અરવલ્લીમાં 2 અને સુરત, મહેસાણા અને જૂનાગઢમાં એક-એક વ્યક્તિનું મોત થયું છે. ગુજરાતમાં છેલ્લા કેટલાક દિવસથી કોરોનાના કેસો સતત વધી રહ્યા છે. ત્યારે અમદાવાદ અને ગુજરાત માટે સૌથી મોટા સમાચાર સામે આવ્યા છે. વાત એવી છે કે, રાજ્યમાં એક્ટીવ દર્દીઓના પ્રમાણમાં નોંધપાત્ર ઘટાડો નોંધાયો છે. 15 દિવસ પહેલા 53.19 ટકાની સામે હવે એક્ટિવ દર્દીઓ ઘટીને 26.35 ટકા થયા છે. ગુજરાતમાં હાલ, 4631 એક્ટિવ કેસ છે. જ્યારે અમદાવાદમાં 3158 એક્ટિવ કેસ છે. ગુજરાત માટે મોટી રાહતના સમાચાર એ પણ છે કે, અત્યાર સુધીમાં ગઈ કાલે સૌથી વધારે 1114 દર્દીઓએ કોરોનાને મ્હાત આપી છે. એવી જ રીતે અમદાવાદમાં પણ સૌથી વધુ 1019 દર્દીઓએ કોરોનાને મ્હાત આપી છે. આમ ગઈ કાલે અમદાવાદ પછી સુરતમાં 32, સાબરકાંઠામાં 20, વડોદરામાં 9, કચ્છમાં 7, દાહોદમાં 4, ખેડામાં 4, આણંદમાં 3, અરવલ્લીમાં 3, મહેસાણામાં 3, ગાંધીનગરમાં 2, ગીરસોમનાથમાં 2, રાજકોટમાં 2, તાપીમાં 2, જૂનાગઢમાં 1 અને પાટણમાં એક દર્દીએ કોરોનાને મ્હાત આપી છે.