Rain: છેલ્લા 24 કલાકમાં રાજ્યમાં 31 તાલુકામાં વરસાદ, સૌથી વધુ વિસાવદરમાં અઢી ઈંચ વરસાદ ખાબક્યો
છેલ્લા 24 કલાકમાં રાજ્યમાં 31 તાલુકામાં વરસાદ વરસ્યો હતો. જેમાં સૌથી વધુ અઢી ઈંચ વરસાદ વિસાવદરમાં ખાબક્યો હતો
છેલ્લા 24 કલાકમાં રાજ્યમાં 31 તાલુકામાં વરસાદ વરસ્યો હતો. જેમાં સૌથી વધુ અઢી ઈંચ વરસાદ વિસાવદરમાં ખાબક્યો હતો. રાજ્યમાં છેલ્લા બે કલાકમાં 22 તાલુકામાં વરસાદ વરસ્યો હતો. સવારે 6થી 8 વાગ્યા સુધીમાં 22 તાલુકામાં વરસાદ વરસ્યો હતો. ભરૂચના અંકલેશ્વરમાં બે ઈંચ વરસાદ વરસ્યો હતો. સુરતના ઉમરપાડામાં દોઢ ઈંચ, ભરૂચના ઝઘડિયા અને હાંસોટમાં સવા-સવા ઈંચ વરસાદ વરસ્યો હતો. ભરૂચ શહેરમાં બે કલાકમાં પોણો ઈંચ વરસાદ વરસ્યો હતો. બે કલાકમાં સુરત શહેર, બારડોલીમાં પોણો પોણો ઈંચ વરસાદ વરસ્યો હતો. તાપીના સોનગઢ અને ડોલવણમાં અડધો ઈંચ સુધીનો વરસાદ વરસ્યો હતો.
રાજ્યમાં 31 તાલુકામાં વરસાદ વરસ્યો
છેલ્લા 24 કલાકમાં રાજ્યમાં 31 તાલુકામાં વરસાદ વરસ્યો હતો. સૌથી વધુ અઢી ઈંચ વરસાદ વિસાવદરમાં ખાબક્યો હતો. કોટડાસાંગાણીમાં બે ઈંચ, કુંકાવાવ-વડિયામાં પોણા બે ઈંચ, ગોંડલમાં પોણા બે ઈંચ, જામકંડોરણામાં દોઢ ઈંચ, બગસરામાં દોઢ ઈંચ, લીલીયામાં સવા ઈંચ, સાગબારામાં સવા ઈંચ, કુકરમુંડામાં એક ઈંચ, શંખેશ્વરમાં પોણો ઈંચ, બરવાળામાં અડધો ઈંચ, જેતપુરમાં અડધો ઈંચ, ખેડબ્રહ્મામાં અડધો ઈંચ વરસાદ વરસ્યો હતો.
સુરત શહેર અને જિલ્લામાં વરસાદ
સુરત શહેર અને જિલ્લામાં વરસાદની શરૂઆત થઈ છે.સુરત શહેરના અનેક વિસ્તારમાં ભારે પવન સાથે વરસાદ વરસ્યો હતો. તો આ તરફ ભારે વરસાદથી ડભોલી હરિદર્શનના ખાડામાં પાણી ભરાયા હતા જેના કારણે લોકોને ભારે હાલાકીનો સામનો કરવો પડી રહ્યો છે. વરસાદે ખેડૂતોની ચિંતા પણ વધારી છે. માવઠાના કારણે ડાંગર સહિતના નાકને નુકસાન જવાની ભીતિ છે.
સુરત શહેરની સાથે ઓલપાડ, કામરેજ, કીમ, કોસંબામાં પણ ભારે પવન સાથે વરસાદ વરસ્યો હતો. જો કે સામાન્ય વરસાદમાં જ માંડવીના તડકેશ્વરમાં પ્રશાસનની પોલ ખૂલી હતી. ગામના પ્રવેશ દ્વાર પર જ વરસાદી પાણી ભરાયા હતા. જેના કારણે રાહદારી અને વાહનચાલકોને હાલાકીનો સામનો કરવો પડી રહ્યો છે. હાઈવે નિર્માણની ધીમી ગતિએ ચાલતી કામગીરીથી પાણી ભરાયાનો સ્થાનિકોનો આરોપ છે. તો આ તરફ કમોસમી વરસાદના કારણે ડાંગર પકવતા ખેડૂતોની હાલત દયનીય બની છે.
તાપી જિલ્લાના કેટલાક વિસ્તારના વાતાવરણમાં પલટો આવ્યો છે. વહેલી સવારના સોનગઢ, વ્યારા સહિતના તાલુકામાં વરસાદ વરસ્યો હતો. વરસાદી માહોલ જામતા અસહ્ય બફારા અને ગરમીમાંથી આંશિક રાહત મળી હતી. સોનગઢ શહેરના કેટલાક વિસ્તારમાં કમોસમી વરસાદ વરસ્યો હતો. માવઠાના કારણે ખેતી પાકોને વ્યાપક નુકસાનીની ભીતિ છે.
ટોપ સ્ટોરી
ટ્રેન્ડિંગ સમાચાર
