Surat: ભાવનગરમાં રહેતી પ્રેમિકાએ નોંધાવી ફરિયાદ, યુવકે મિત્રના ઘરે જઈ ખાધો ગળાફાંસો, જાણો વિગતે

Surat Crime News: સુરતના  પુણાગામ ખાતે રહેતા યુવાને વરાછા ખાતે રહેતા તેના મિત્રના ઘરે જઈ ગળા ફાંસો ખાઈ આત્મહત્યા કરતા ચકચાર મચી ગઈ હતી.

મૃતકની ફાઈલ તસવીર

Surat News: સુરતના વરાછા વિસ્તારમાં ચોંકાવનારી ઘટના સામે આવી છે. ભાવનગર ખાતે રહેતી પ્રેમિકાએ પોલીસ ફરિયાદ નોંધાવતા સુરતમાં યુવકે ગળાફાંસો ખાધો હતો. પુત્રના મોબાઈલ ઉપર આત્મહત્યા કરવા જાઉં છું નો મેસેજ કરી મિત્રના ઘરે યુવકે ગળાફાંસો ખાધો હતો.

શું છે મામલો

સુરતના  પુણાગામ ખાતે રહેતા યુવાને વરાછા ખાતે રહેતા તેના મિત્રના ઘરે જઈ ગળા ફાંસો ખાઈ આત્મહત્યા કરતા ચકચાર મચી ગઈ હતી. જોકે ભાવનગર ખાતે રહેતી પરિણીતા પ્રમિકાએ તેની વિરુદ્ધમાં પોલીસ ફરિયાદ નોધાવતા ટેન્શનમાં તેને આ પગલું ભર્યું હતું. પુણાગામમાં સિલ્વર ચોક પાસે રહેતો 41 વર્ષીય પ્રફુલ કોલડિયાએ ગુરુવારે સાંજે વરાછા ખાતે ભગીરથ સોસાયટીમાં રહેતો તેનો રત્નકલાકાર મિત્રના ઘરે જઈને પંખાના હુક સાથે ચાદર બાંધી ગળે ફાંસો ખાઇ જીવન ટુંકાવ્યું હતું. બાદમાં  મિત્ર  ઘરે આવ્યો ત્યારે પ્રફુલને ફાંસો ખાધેલી હાલતમાં લાશ જોઈ ચોકી ઉઠયો હતો.

 પોલીસે જણાવ્યું હતું કે પ્રફુલ મુળ અમરેલી જીલ્લામાં જાફરાબાદ વતની હતો. જોકે તેનો ભાવનગર ખાતે રહેતી કોઈ પરણીત મહિલા સાથે પ્રેમ સબંધ હતો. જોકે પરણીત પ્રેમિકાએે તેની વિરુધ્ધ ભાવનગરમાં મહુવામાં પોલીસ સ્ટેશનમાં ફરીયાદ નોંધાવેલી હતી.જેથી અઠવાડી પહેલા તે પોલીસ સુરત ખાતે તેના ઘરે આવીને નોટીસ આપીને જતા રહ્યા હતા. આવા સંજોગોમાં તે માનસિક તાણ અને સમાજમાં બદનામ કરવાથી તેણે આ પગલુ ભર્યુ હતુ. જોકે તેણે મોબાઈલ ઉપર વિડીયો બનાવ્યો હતો કે હુ મરી જાઉં છું. બાદમાં તેણે આપઘાત કર્યો હતો. મૃતકને બે સંતાન છે. તે કાર લે-વેચ ધંધા સાથે સંકળાયેલો હતો. આ અંગે વરાછા પોલીસે તપાસ હાથ ધરી છે.

મૃતકે વીડિયો બનાવી પોલીસ પર લગાવ્યો તોડબાજીનો આરોપ

મૃતકનું મરતા પહેલાનું વીડિયો નિવેદન સામે આવ્યું છે. જેમાં પોલીસ સામે 10 લાખનો તોડ કરતા હોવાનો આક્ષેપ કર્યો છે. વીડિયોમાં મૃતકે કહ્યું, મહુવા રૂરલ પોલીસના પીએસઆઈ યાદવે એવું કહ્યું કે 10 લાખ રૂપિયા રૂરલ પોલીસને આપી દે તો તારો કેસ રફેદફે કરી દઉ અને તને ટેબલ જામીન આપી દઉ. 10 લાખ રૂપિયા નહી આપે તો 6 થી 7 વર્ષ જેલમાં નાંખી દઈશ. સોમવારે તારે હાજર થવાનું છે ને તેમ કહી તું કારે કહી ગાળો કાઢવા લાગ્યા હતા.