સુરતમાં સ્પામાં કામ કરતી થાઈલેન્ડની યુવતીની હત્યા આ યુવતીએ કરી, રીક્ષાવાળાને શું આપ્યું કે ભાંડો ફૂટી ગયો ?

પોલીસે મૃતક વનિડાની સોનાની ચેન ઉપરાંત 2 આઇફોન પણ કબ્જે લીધા હતા. પોલીસ પૂછપરછમાં આઇડાએ 2 આઇફોન પૈકી 1 આઇફોન પોતાના રિક્ષાવાળાને ગિફ્ટમાં આપી દીધો હતો.

સુરતઃ શહેરના ચકચારી થાઈ યુવતીના હત્યા કેસમાં અત્યાર સુધીનો સૌથી મોટો ધડાકો થયો છે. થાઈ યુવતી વનિડા ઉર્ફે મીમ્મીની હત્યા બીજા કોઇએ નહીં, પરંતુ તેના જ શહેરની અને થેરાપિસ્ટ યુવતી આઇડાએ કરી છે. આઇડાએ વનિડાની હત્યા લૂંટને ઇરાદે કરી હતી. આઇડા પાસેથી વનિડાના 2 મોબાઈલ, સોનાની ચેન અને રોકડા રૂપિયા મળી આવ્યા હતા. લૂંટના ઇરાદે આઇડાએ વનિડા સાથે તેના રૂમમાં ઝીંગા-દારૂની પાર્ટી કર્યા બાદ ઠંડે કલેજે હત્યા કરી દીધી હતી. પોલીસે મૃતક વનિડાની સોનાની ચેન ઉપરાંત 2 આઇફોન પણ કબ્જે લીધા હતા. પોલીસ પૂછપરછમાં જણાવ્યું હતું કે, આઇડાએ 2 આઇફોન પૈકી 1 આઇફોન પોતાના રિક્ષાવાળાને ગિફ્ટમાં આપી દીધો હતો. આ રિક્ષાવાળો રોજ તેણીને સ્પાથી ઘરે અને ઘરેથી સ્પામાં લઇ જતો હતો. બીજો ફોન ધાબડા અને તકિયામાં છુપાવી તેને વ્યવસ્થિત પેક કરી એક પ્લાસ્ટીકની બેગમાં મુકી રીક્ષા ચાલકને આપી હતી. એડાએ રીક્ષા ચાલકને કહ્યું હતું કે તેમાં નકામો કચરો છે અને કચરાપેટીમાં નાંખી દેજે. પરંતુ રીક્ષા ચાલક બેગ ઘરે લઇ ગયો આ બેગ પણ પોલીસે કબ્જે કરી તેમાંથી મોબાઇલ ફોન રીકવર કર્યો છે. પોલીસ કમિશ્નરે જણાવ્યું હતું કે, મૃતક વનિડા ટુરિસ્ટ વિઝા પર આવી હતી. વનિડાની હત્યા પછી 1 સોનાની ચેન અને 2 મોબાઈલ ગાયબ હતા. ઘટના સ્થળના સીસીટીવી ચેક કરાયા હતા. પેનલ pm કરાવાયું હતું. એટલું જ નહીં, Fslની ટીમની મદદ પણ લેવામાં આવી હતી. સીસીટીવી અને ટેક્નિકલ સર્વેલન્સથી કેસ ઉકેલાયો છે. વનિડાની મહિલા મિત્રની શકમંદ હાજરી જણાઈ આવી હતી. તેમણે ઉમેર્યું કે, પોલીસને મળેલા પુરાવા ના આધારે ગત 11મી તારીખે હત્યાનો ગુન્હો નોંધાયો હતો. ઉચ્ચ પોલીસ અધિકારીઓ તપાસ મા જોતરાયા હતા. આ કેસ સોલ્વ કરવામાં Dcp વિધિ ચૌધરી અને પીઆઇ સાલુંકેએ મહેનત કરી છે. વનિડાની મિત્ર આઇડા પાસેથી સોનાની ચેન અને મોબાઈલ મળી આવ્યા છે. વનિડાની મિત્ર આઇડાએ હત્યા કરી છે. આ ગુન્હો ડિટેકટ થયો છે. હત્યારી આઇડા મૃતકના ઘરે ગઈ હતી. ત્યાં હુક્કો પીધો હતો. તેમજ આ પછી આરોપી આઇડાએ મોઢું દબાવી હત્યા કરી અને ત્યારબાદ સળગાવી નાખી. આરોપી આઇડાના વિઝા પુરા થતા હતા ત્યારે રૂપિયાની જરૂર હતી. મૃતક વનિડાનું મોઢું દબાવી ત્યાર બાદ લાઈટરથી રૂના ગાદલાને આગ ચાંપવામાં આવી હતી. આરોપી આઇડા અને મૃતક વનિડાએ નશો કર્યો હતો. પહેલા દિવસથી જ સીસીટીવીના આધારે આરોપી નજરમાં હતી.