VADODARA : નેશનલ હાઇવે નંબર 48 પર હિટ એન્ડ રનની ઘટના, એક શ્રમિક સાથે બાળકનું ઘટના સ્થળે કમકમાટીભર્યું મોત
મૃત પામેલ બાળક, શ્રમિકને 108 મારફતે કરજણ સામુહિક આરોગ્ય કેન્દ્ર ખાતે, જ્યારે બીજા શ્રમિકને સારવાર અર્થે વડોદરા SSG હોસ્પિટલ ખસેડવામાં આવ્યો છે.
VADODARA : નેશનલ હાઇવે નંબર 48 પર હિટ એન્ડ રનની ઘટના ઘટી છે. નેશનલ હાઇવે નંબર 48 પર વડોદરા ભરૂચના ટ્રેક પર વાહનચાલકે 3 લોકોને અડફેટે લીધા હતા. આ ઘટનામાં એક શ્રમિક સહીત એક બાળકનું ઘટનાસ્થળે કમકમાટીભર્યું મોત નીપજ્યું છે. મૃત પામેલ બાળક, શ્રમિકને 108 મારફતે કરજણ સામુહિક આરોગ્ય કેન્દ્ર ખાતે, જ્યારે બીજા શ્રમિકને સારવાર અર્થે વડોદરા SSG હોસ્પિટલ ખસેડવામાં આવ્યો છે.
આ શ્રમિકો કંડારી ગામે ભંડારામાં જમવા જતા હતા તે દરમિયાન ઘટના ઘટી હોવાનું કહેવામાં આવી રહ્યું છે. કરજણના કંડારી ગામે ખેડૂતને ત્યાં ખેતીકામ કરતા શ્રમિક તેમજ બીજા ખેડૂતને ત્યાં ખેતીકામ કરતા શ્રમિક પોતાના બાળક સાથે ભંડારામાં જમવા માટે ચાલીને જતા હતા. કંડારી ગામે બંને શ્રમિકો અલગ અલગ ખેડૂતને ત્યાં ખેતી કામ કરતા હતા. હિટ એન્ડ રનની આ ઘટનામાં કરજણના પાછીયાપુરા ગામનો ખેતીકામ અર્થે કંડારી ગામે રહેતા શ્રમિકનું ઘટના સ્થળે મોત થયું છે. કરજણ પોલીસ ઘટના સ્થળે દોડી વધુ તપાસ હાથ ધરી છે.
માંગલેજ ચોકડી પાસે અકસ્માતમાં બે લોકોના મોત
9 એપ્રિલે કરજણ નેશનલ હાઇવે નં. 48 પર માંગલેજ ચોકડી પાસે વડોદરા ભરૂચના ટ્રેક પર કાર ચાલકે રાહદારીને અડફેટે લીધો છે. પુરઝડપે આવતા કારચાલકે કરજણના માંગલેજ ગામના વ્યક્તિને અડફેટે લેતા તેનું ઘટનાસ્થળે જ કમાટીભર્યું મોત થયું છે. અકસ્માત બાદ કાર ચાલક કાર મુકી ફરાર થઈ ગયો હતો. કારનો નંબર GJ 06 FQ 0051 હોવાની વાત સામે આવી છે. તો બીજી તરફ કરજણ પોલીસે અકસ્માતનો ગુનો નોંધી વધૂ તપાસ હાથ ધરી છે.
સુરતમાં ભેસાણ ચોંકડી નજીક અકસ્માતમાં પિતા-પુત્રીનું મોત
શહેરની ભેસાણ ચોકડી પાસે બાઇક પર જઈ રહેલા પિતા-પુત્રીને ટ્રકે ટક્કર મારતાં દીકરીનું મોત નીપજ્યું છે. મૃતક પ્રગતિની ધોરણ 10ની પરીક્ષા ચાલી રહી હતી અને આજે અંગ્રેજીનું છેલ્લું પેપર હતું, ત્યારે અકસ્માતમાં વિદ્યાર્થિનીનું મોત થતાં ભારે ચકચાર મચી ગઈ છે. બાઇક સવાર પિતા-પુત્રીને ટ્રકે અડફેટે લેતા લોકોમાં રોષ ફાટી નીકળ્યો છે. મૃતક પ્રગતિના પિતા ક્રિભકોમાં કોન્ટ્રાકટ સુપર વાઇઝર છે. બે સંતાનોમાં મોટી દીકરીનું નિધન થયું છે. પરિવારમાં શોકનો માહોલ છે.
ટ્રેન્ડિંગ સમાચાર
ટોપ સ્ટોરી
