Israel: ઈરાનમાં ઈઝરાયેલની મોટી કાર્યવાહી,હમાસ ચીફ ઈસ્માઈલ હાનિયાને કર્યો ઠાર
Israel Hamas War: ઈરાનના ઈસ્લામિક રિવોલ્યુશનરી ગાર્ડ કોર્પ્સ (આઈઆરજીસી) એ પણ એક નિવેદનમાં હુમલાની પુષ્ટિ કરી છે.
Israel Hamas War: ઇઝરાયેલે ઇરાન સામે મોટી કાર્યવાહી કરી છે. ઇઝરાયેલે હુમલામાં હમાસના ચીફ ઈસ્માઈલ હાનિયાને માર્યો હતો. ઈરાનના ઈસ્લામિક રિવોલ્યુશનરી ગાર્ડ કોર્પ્સ (આઈઆરજીસી) એ એક નિવેદનમાં પુષ્ટિ કરી છે કે હમાસના વડા ઈસ્માઈલ હાનિયા અને તેમના એક ગાર્ડને તેહરાનમાં તેમના નિવાસસ્થાનને નિશાન બનાવ્યા બાદ માર્યા ગયા હતા.
Hamas Political Bureau Chief Ismail Haniyeh killed in Tehran: Islamic Revolutionary Guard Corps confirms
— ANI Digital (@ani_digital) July 31, 2024
Read @ANI Story | https://t.co/WNM8oiMoI2#Hamas #Iran #IRGC #IsmailHaniyeh pic.twitter.com/kHh9uLlC8C
પીટીઆઈના અહેવાલ મુજબ ઈરાનના ઈસ્લામિક રિવોલ્યુશનરી ગાર્ડ કોર્પ્સ (આઈઆરજીસી)એ આ વાતની પુષ્ટિ કરી છે. તેહરાનમાં તેના નિવાસસ્થાને થયેલા હુમલામાં હમાસના નેતા ઈસ્માઈલ હાનિયા અને તેના ગાર્ડ માર્યા ગયા હોવાના અહેવાલ છે. IRGCએ કહ્યું કે હુમલો બુધવારે સવારે થયો હતો અને તેની તપાસ ચાલી રહી છે. IRGCએ આ અંગે દુઃખ વ્યક્ત કર્યું છે. હમાસે હાનિયાના મૃત્યુ માટે ઈઝરાયેલને જવાબદાર ગણાવ્યું હતું. ઈરાનના નવા રાષ્ટ્રપતિના શપથ ગ્રહણ સમારોહમાં હાનિયાની હાજરી અને મંગળવારે ઈરાનના સર્વોચ્ચ નેતા સાથેની તેમની મુલાકાત બાદ આ ઘટના બની હતી.
હુમલામાં માર્યા ગયાના એક દિવસ પહેલા મંગળવારે ઈસ્માઈલ હાનિયા ઈરાનના નવા રાષ્ટ્રપતિના શપથ ગ્રહણ સમારોહમાં સામેલ થયા હતા. આ દરમિયાન હાનિયાએ ઈરાનના સર્વોચ્ચ નેતા આયાતુલ્લા અલી ખમેની સાથે પણ મુલાકાત કરી હતી.
તાજેતરમાં (એપ્રિલ 2024), હાનિયાના ત્રણ પુત્રોને પણ ઇઝરાયલી સુરક્ષા દળોએ ઠાર કર્યા હતા. ઈઝરાયેલે ગાઝા પટ્ટી પર હવાઈ હુમલામાં હાનિયાના ત્રણ પુત્રોને મારી નાખ્યા હતા. ઈઝરાયેલની સેના IDFએ જણાવ્યું હતું કે હાનિયાના ત્રણ પુત્રો આમિર, હાઝેમ અને મોહમ્મદ ગાઝામાં આતંકવાદી ગતિવિધિઓ કરવા જઈ રહ્યા હતા, આ દરમિયાન ત્રણેય હવાઈ હુમલામાં આવ્યા હતા.
7મી ઓક્ટોબરે શું થયું હતું?
તમને જણાવી દઈએ કે ઈઝરાયેલ અને હમાસ વચ્ચે 7 ઓક્ટોબર 2023થી યુદ્ધ ચાલી રહ્યું છે. ત્યારબાદ હમાસે ઈઝરાયેલ પર હુમલો કર્યો, જેમાં 1200 લોકો માર્યા ગયા. હમાસે 250 નાગરિકોને પણ બંધક બનાવ્યા હતા. દાવો કરવામાં આવે છે કે 150 બંધકો હજુ પણ હમાસની કસ્ટડીમાં છે. તે જ સમયે, હમાસનો દાવો છે કે ઇઝરાયેલના હુમલામાં અત્યાર સુધીમાં 39 હજારથી વધુ પેલેસ્ટિનિયન નાગરિકોના મોત થયા છે. ઈઝરાયેલનું કહેવું છે કે તેણે આ ઓપરેશનમાં હમાસ અને તેના સહયોગીઓના 14 હજારથી વધુ લડવૈયાઓને માર્યા છે.
ટ્રેન્ડિંગ સમાચાર
ટોપ સ્ટોરી
