UNHRC: UN માં ભારતે પાકિસ્તાનનું કર્યું સમર્થન, જાણો ક્યા મુદ્દે આપ્યો સાથ

ખાસ વાત એ છે કે પાકિસ્તાનના પ્રસ્તાવનું સમર્થન કરનારા દેશોમાં ભારત પણ સામેલ છે

Photo: United Nations

Quran Burning in Sweden:  સ્વીડનમાં પવિત્ર કુરાન સળગાવવાની ઘટના પર વિશ્વભરમાંથી આકરી ટીકાઓનો સામનો કરવો પડી રહ્યો છે. દરમિયાન, સંયુક્ત રાષ્ટ્ર માનવાધિકાર પરિષદ (UNHRC) એ પણ આ ઘટનાની નિંદા કરી છે. આ મામલાને ખૂબ જ ગંભીરતાથી લેતા પાકિસ્તાને સંયુક્ત રાષ્ટ્ર માનવાધિકાર પરિષદમાં ધાર્મિક નફરત સંબંધિત પ્રસ્તાવ રજૂ કર્યો છે, જેના પર ઘણા દેશોએ અસહમતિ પણ વ્યક્ત કરી છે. જોકે મોટા ભાગના દેશોએ પણ પાકિસ્તાનના આ પ્રસ્તાવનું સમર્થન કર્યું છે.

🔴BREAKING

The @UN🇺🇳 Human Rights Council adopted draft resolution L.23 (as orally revised) entitled "Countering religious hatred constituting incitement to discrimination, hostility or violence."

Full results of the vote at #HRC53⤵ pic.twitter.com/RqQM7m1dBP

— United Nations Human Rights Council 📍 #HRC53 (@UN_HRC) July 12, 2023

ખાસ વાત એ છે કે પાકિસ્તાનના પ્રસ્તાવનું સમર્થન કરનારા દેશોમાં ભારત પણ સામેલ છે. ભારતે પણ પાકિસ્તાનના આ પ્રસ્તાવને ટેકો આપ્યો છે. આ સાથે બુધવારે ધાર્મિક નફરત સાથે જોડાયેલા આ ડ્રાફ્ટ પ્રસ્તાવને મંજૂરી આપવામાં આવી છે. આ મામલે સંયુક્ત રાષ્ટ્ર માનવાધિકાર પરિષદ (UNHRC) એ કહ્યું હતું કે પાકિસ્તાન દ્વારા 57 ઇસ્લામિક દેશોના સંગઠન OIC  તરફથી એક ડ્રાફ્ટ ઠરાવ રજૂ કરવામાં આવ્યો હતો, જેમાં સ્વીડન સહિત અનેક ઘટનાઓનો ઉલ્લેખ કરવામાં આવ્યો છે. આ તમામ ઘટનાઓની નિંદા કરવામાં આવી છે.

#UPDATE The UN Human Rights Council heads toward a divisive vote on Wednesday over recent Koran burnings, with some Western nations on the 47-member body feeling Pakistan's draft resolution encroaches too far on free speech.https://t.co/qRXVrc1Qdl

— AFP News Agency (@AFP) July 11, 2023

12 દેશોએ આ પ્રસ્તાવનો વિરોધ કર્યો

આર્જેન્ટિના, ચીન, ક્યુબા, ભારત, દક્ષિણ આફ્રિકા, યુક્રેન અને વિયેતનામ સહિત કુલ 28 દેશોએ પાકિસ્તાનના આ પ્રસ્તાવને સમર્થન આપ્યું હતું.  12 દેશોએ આ પ્રસ્તાવનો વિરોધ વ્યક્ત કર્યો હતો. ઠરાવનો વિરોધ કરનારા દેશોની યાદીમાં અમેરિકા, યુકે, ફ્રાન્સ, બેલ્જિયમ, જર્મની, રોમાનિયા, લિથુઆનિયા, કોસ્ટા રિકા અને ફિનલેન્ડ સહિત 12 દેશો છે.

નોંધનીય છે કે  યુએનએચઆરસીમાં કુલ 47 સભ્યો છે. જેમાં OICના માત્ર 19 દેશો છે. જેમણે ખુલ્લેઆમ પ્રસ્તાવનું સમર્થન કર્યું હતું પરંતુ નેપાળ સહિત સાત દેશો એવા હતા જેમણે મતદાનમાં ભાગ લીધો નહોતો.

  શું છે સમગ્ર ઘટના?

નોંધનીય છે કે ગયા મહિને સ્વીડનની રાજધાની સ્ટોકહોમમાં એક વ્યક્તિએ મસ્જિદની સામે પવિત્ર કુરાનનું અપમાન કર્યું હતું. આ વીડિયો સોશિયલ મીડિયા પર ખૂબ જ વાયરલ થયો હતો. તમામ ઇસ્લામિક દેશોની સાથે યુરોપિયન યુનિયન, પોપ ફ્રાન્સિસ અને સ્વીડનની સરકારે આ ઘટનાની નિંદા કરી હતી.