Watch: લલિત મોદી અને વિજય માલ્યાનો લંડન પાર્ટીનો વીડિયો વાયરલ, ઇન્ટરનેટ પર લગાવી આગ
Lalit Modi-Vijay Malya Video: લલિત મોદી અને વિજય માલ્યાનો લંડનનો એક વીડિયો વાયરલ થઈ રહ્યો છે, જેમાં તેઓ એકબીજા સાથે ખૂબ મસ્તી કરતા જોવા મળે છે.
Lalit Modi-Vijay Malya Video: લંડનમાં લલિત મોદી અને વિજય માલ્યાનો એક વીડિયો ઇન્ટરનેટ પર વાયરલ થઈ રહ્યો છે, જેમાં બંને એકબીજા સાથે ગીત ગાતા જોવા મળે છે. આ ઉપરાંત, તેઓ કરાઓકે ગાતા અને હસતા જોવા મળે છે. બંને લોકો ફ્રેન્ક સિનાત્રાનું પ્રખ્યાત ગીત "And now, the end is near" ગાતા જોવા મળે છે. આ વીડિયો લલિત મોદીએ પોતે સોશિયલ મીડિયા પર શેર કર્યો હતો, જેના પછી તે ઇન્ટરનેટ પર વાયરલ થયો હતો. આ પાર્ટીમાં 310 થી વધુ મહેમાનો હાજર રહ્યા હતા, જેમાં આંતરરાષ્ટ્રીય મહેમાનો અને ક્રિકેટર ક્રિસ ગેઇલનો પણ સમાવેશ થાય છે.
View this post on Instagram
લલિત મોદી, જે 2010 માં IPL માં નાણાકીય ગેરરીતિઓના આરોપો બાદ ભારત છોડીને ભાગી ગયો હતો. તે FEMA અને મની લોન્ડરિંગ કેસમાં ભારતમાં વોન્ટેડ છે. વિજય માલ્યા 2016 માં ભારત છોડીને ગયો હતો. તેની કંપની કિંગફિશર એરલાઇન્સ પડી ભાગી છે. તેના પર બેંક છેતરપિંડી અને 900 કરોડ રૂપિયાના IDBI લોનનો આરોપ છે. ભારતે બંનેના પ્રત્યાર્પણની માંગ કરી છે, પરંતુ તેઓ હજુ પણ બ્રિટનમાં કાનૂની આશ્રય ભોગવી રહ્યા છે. તેમને ભારતમાં ભાગેડુ આર્થિક ગુનેગાર જાહેર કરવામાં આવ્યા છે.
બ્રિટનમાં કાનૂની લડાઈ ચાલુ છે, પરંતુ 'જીવનશૈલી' પર કોઈ અસર પડી નથી
તાજેતરમાં, બ્રિટનની હાઈકોર્ટે નાદારીના આદેશ સામે માલ્યાની અપીલ ફગાવી દીધી હતી. મોદીએ કહ્યું હતું કે તેમની સામેના કેસ રાજકીય રીતે પ્રેરિત છે. વિજય માલ્યાએ સોશિયલ મીડિયા પર દાવો કર્યો હતો કે મારી 14,131 કરોડ રૂપિયાની મિલકત જપ્ત કરવામાં આવી છે, જે મારા પર બાકી દેવા કરતાં ઘણી વધારે છે. આનો લલિત મોદીનો જવાબ હતો કે આ પણ પસાર થઈ જશે. તમને જણાવી દઈએ કે, વિજય માલ્યાના પ્રત્યાર્પણ અંગે ભારત સરકાર છેલ્લા ઘણા સમયથી કાયદાકીય લડાઈ લડતી રહી છેે. પરંતુ તેમ છતા હજુ સુધી ભાગેડુ વિજય માલ્યાને ભારત લાવવામાં સફળતા મળી નથી. તો બીજી તરફ લલીત મોદી પણ કાયદાકીય જાળમાં ફસાયેલ છે.
ટોપ સ્ટોરી
ટ્રેન્ડિંગ સમાચાર
