EUએ રશિયાને આપ્યો વધુ એક ઝટકો, ટેક્સ હેવનના બ્લેકલિસ્ટમાં કર્યું સામેલ

નોંધનીય છે કે 2017માં યુરોપિયન યુનિયને ટેક્સ હેવન દેશોની યાદી બનાવી હતી

ફોટોઃ રોયટર્સ

24 ફેબ્રુઆરીએ રશિયા અને યુક્રેન યુદ્ધને એક વર્ષ પૂર્ણ થવા જઈ રહ્યું છે. કોઈપણ ઉશ્કેરણી વગર યુક્રેન પર રશિયાની આ આક્રમક કાર્યવાહી બાદ રશિયા આખી દુનિયામાં અલગ પડી ગયું હતું. અમેરિકા સહિત યુરોપિયન દેશોએ રશિયા પર અનેક પ્રકારના પ્રતિબંધો લગાવ્યા છે. હવે યુરોપિયન યુનિયન (EU) એ રશિયાને ટેક્સ હેવન બ્લેકલિસ્ટ લિસ્ટમાં મૂક્યું છે.

અગાઉ, EU નાણા પ્રધાનોએ કહ્યું હતું કે રશિયા, કોસ્ટા રિકા, બ્રિટિશ વર્જિન આઇલેન્ડ્સ અને માર્શલ આઇલેન્ડ્સને EU ટેક્સ હેવન દેશોની યાદીમાં સામેલ કરવામાં આવશે. EU નાણા પ્રધાનોની બેઠક માટે તૈયાર કરાયેલા ડ્રાફ્ટ નિષ્કર્ષમાં કહેવામાં આવ્યું છે કે રશિયાની ટેક્સ સિસ્ટમ ખૂબ જ ખરાબ છે અને તેણે અત્યાર સુધી તેને ઠીક કરવાનો કોઈ પ્રયાસ કર્યો નથી.

નોંધનીય છે કે 2017માં યુરોપિયન યુનિયને ટેક્સ હેવન દેશોની યાદી બનાવી હતી, જેમાં અત્યાર સુધીમાં 16 દેશોનો સમાવેશ કરવામાં આવ્યો છે. તેમાં અમેરિકન સમોઆ, એન્ગ્વિલા, બહામાસ, બ્રિટિશ વર્જિન આઇલેન્ડ્સ, કોસ્ટા રિકા, ફિજી, ગુઆમ, માર્શલ આઇલેન્ડ્સ, પલાઉ, પનામા, રશિયા, સમોઆ, ત્રિનિદાદ એન્ડ ટોબેગો, તુર્ક એન્ડ કેકોસ આઇલેન્ડ્સ, યુએસ વર્જિન આઇલેન્ડ્સ અને વાનુઅતુનો સમાવેશ થાય છે.

ટેક્સ હેવન દેશ શું છે?

ટેક્સ હેવન એવા દેશો છે જ્યાં વિદેશી રોકાણકારો તેમના પૈસા રાખે છે અને ઓછા દરે ટેક્સ ચૂકવે છે અથવા એક રૂપિયો પણ ટેક્સ ચૂકવતા નથી. ઘણી કંપનીઓ અથવા ઉદ્યોગપતિઓ તેમના નાણાં ટેક્સ હેવન કન્ટ્રીમાં અથવા તેના દ્વારા ટ્રાન્સફર કરીને ઊંચા ટેક્સવાળા દેશોમાં ટેક્સ ભરવાનું ટાળે છે. ટેક્સ હેવન તરીકે ઓળખાતા આ દેશો આવી ટેક્સ પોલિસી બનાવે છે, જે વિદેશી રોકાણકારો માટે અનુકૂળ હોય છે.

Turkiye-Syria Earthquake: 8 દિવસ બાદ કાટમાળમાંથી 5 લોકોને બચાવાયા, અત્યાર સુધીમાં 37000થી વધુ લોકોના મોત

Turkiye-Syria Earthquake News: સદીના સૌથી ભયાનક ભૂકંપ બાદ તુર્કી અને સીરિયામાં જીવ બચાવવાનો સંઘર્ષ ચાલી રહ્યો છે, પરંતુ આ બધાની વચ્ચે કેટલાક એવા સમાચાર પણ આવી રહ્યા છે જે આશાનું કિરણ જગાડી રહ્યા છે. તુર્કીના ભૂકંપના આઠ દિવસ બાદ મંગળવારે (14 ફેબ્રુઆરી) અસરગ્રસ્ત વિસ્તારોના કાટમાળમાંથી ઓછામાં ઓછા પાંચ લોકોને જીવતા બચાવી લેવામાં આવ્યા છે, સ્થાનિક મીડિયાએ અહેવાલ આપ્યો છે.

204 કલાક પછી કાટમાળમાંથી બહાર કાઢવામાં આવ્યા

તુર્કીના મીડિયાએ જણાવ્યું હતું કે, ઉત્તર-પશ્ચિમ સીરિયાના કેટલાક ભાગોમાં ભૂકંપ આવ્યાના લગભગ 204 કલાક પછી, દક્ષિણના શહેર હટાયમાં એક મહિલા અને એક પુરુષને કાટમાળમાંથી બહાર કાઢવામાં આવ્યા છે. અગાઉ, પ્રસારણકર્તા સીએનએન તુર્કના જણાવ્યા અનુસાર, ગયા સોમવારે દક્ષિણ તુર્કીમાં ભૂકંપ આવ્યાના લગભગ 198 કલાક પછી મુહમ્મદ કાફર નામના 18 વર્ષના છોકરાને ઇમારતના કાટમાળમાંથી બચાવી લેવામાં આવ્યો હતો.