UN Blame Israel For Attack: ગાઝામાં મરી રહ્યા છે UNના લોકો! ઇઝરાયલ છે જવાબદાર, સંયુક્ત રાષ્ટ્રે લગાવ્યો મોટો આરોપ
UN Blame Israel For Attack: જોકે, ઇઝરાયલી સરકારે આ દાવાને નકારી કાઢ્યો છે અને પ્રારંભિક તપાસમાં ઇઝરાયલી લશ્કરી ગતિવિધિ સાથે કોઈ સંબંધ હોવાનો ઇનકાર કરવામાં આવ્યો છે.
UN Blame Israel For Attack: સંયુક્ત રાષ્ટ્રએ સોમવારે (24 માર્ચ) જણાવ્યું હતું કે ગયા અઠવાડિયે ગાઝામાં તેની ઇમારતો પર હુમલો "ઇઝરાયલી ટેન્ક" દ્વારા કરવામાં આવ્યો હતો જેમાં એક બલ્ગેરિયન કર્મચારીનું મોત થયું હતું અને છ અન્ય ગંભીર રીતે ઘાયલ થયા હતા. જોકે, ઇઝરાયલી સરકારે આ દાવાને નકારી કાઢ્યો છે અને પ્રારંભિક તપાસમાં ઇઝરાયલી લશ્કરી ગતિવિધિ સાથે કોઈ સંબંધ હોવાનો ઇનકાર કરવામાં આવ્યો છે.
યુએન સેક્રેટરી જનરલના પ્રવક્તા સ્ટીફન ડુજારિકના જણાવ્યા અનુસાર, 19 માર્ચે ડેર અલ બલાહમાં યુએન કમ્પાઉન્ડ પરનો આ હુમલો ઇઝરાયેલી ટેન્કોની મદદથી કરવામાં આવ્યો હતો. આ હુમલામાં યુનાઇટેડ નેશન્સ પ્રોજેક્ટ સર્વિસીસના એક બલ્ગેરિયન કર્મચારીનું મોત થયું હતું અને છ અન્ય ઘાયલ થયા હતા. જાન્યુઆરીમાં યુદ્ધવિરામ પછી ઇઝરાયલે હમાસ સામેના સંઘર્ષમાં ફરી હુમલાઓ શરૂ કર્યા છે. "યુએનના આ કમ્પાઉન્ડનું સ્થાન યુદ્ધમાં સામેલ તમામ પક્ષોને સારી રીતે ખબર હતી. તેમણે એમ પણ કહ્યું કે આ ઘટનાએ સંયુક્ત રાષ્ટ્રની સુરક્ષા પર ગંભીર પ્રશ્નો ઉભા કર્યા છે.
ઇઝરાયલી સરકારનો ઇનકાર
આ મામલે ઇઝરાયલી વિદેશ મંત્રાલયના પ્રવક્તા ઓરેન માર્મોરસ્ટીને એક્સ પર એક નિવેદન બહાર પાડ્યું, જેમાં તેમણે કહ્યું કે ઇઝરાયલે આ ઘટનાની તપાસ શરૂ કરી દીધી છે, પરંતુ પ્રારંભિક તપાસમાં ઇઝરાયલી લશ્કરી ગતિવિધિઓ અને આ ઘટના વચ્ચે કોઈ જોડાણ મળ્યું નથી. ઇઝરાયલી સરકારે આ દાવાને સ્પષ્ટપણે નકારી કાઢ્યો છે કે હુમલો ઇઝરાયલી ટેન્ક દ્વારા કરવામાં આવ્યો હતો.
ગાઝામાં યુએન સ્ટાફની સંખ્યામાં ઘટાડો
વધતા હુમલાઓ અને અસુરક્ષાના વાતાવરણ વચ્ચે સંયુક્ત રાષ્ટ્રે પેલેસ્ટિનિયન ક્ષેત્રમાં તેના આંતરરાષ્ટ્રીય કર્મચારીઓની સંખ્યા અસ્થાયી રૂપે ઘટાડવાનો મુશ્કેલ નિર્ણય લીધો છે. જોકે, સ્ટીફને ભાર મુક્યો હતો કે "યુએન ગાઝાને છોડી રહ્યું નથી."
છેલ્લા કેટલાક અઠવાડિયામાં થઈ રહેલા હુમલાઓને કારણે ગાઝામાં પરિસ્થિતિ ગંભીર બની છે. ઇઝરાયલ અને હમાસ વચ્ચે ચાલી રહેલા આ યુદ્ધમાં નિર્દોષ નાગરિકો તેમજ માનવ અધિકાર સંગઠનો અને આંતરરાષ્ટ્રીય એજન્સીઓને ગંભીર નુકસાન થયું છે. આ તાજેતરની ઘટનાએ સંઘર્ષને વધુ જટિલ બનાવ્યો છે.
ટોપ સ્ટોરી
ટ્રેન્ડિંગ સમાચાર
