ટ્રમ્પ સરકારે 85,000 વીઝા કર્યા રદ, વિદ્યાર્થીઓને થઈ અસર, જાણો શું છે સૌથી મોટું કારણ?

યુએસ સ્ટેટ ડિપાર્ટમેન્ટના એક અધિકારીએ જણાવ્યું હતું કે 8,000થી વધુ વિદ્યાર્થીઓના વિઝા રદ કરવામાં આવ્યા હતા

રાષ્ટ્રપતિ ડોનાલ્ડ ટ્રમ્પ

અમેરિકામાં ડોનાલ્ડ ટ્રમ્પ વહીવટીતંત્રે આ વર્ષે 85,000 વીઝા રદ કર્યા છે. આ કાર્યવાહી ઇમિગ્રેશન અમલીકરણને મજબૂત બનાવવા અને રાષ્ટ્રીય સુરક્ષા તપાસમાં સુધારો કરવાના પ્રયાસનો એક ભાગ હોવાનું કહેવાય છે. રદ કરાયેલા વીઝામાં 8,000થી વધુ સ્ટુડન્ટ વીઝાનો સમાવેશ થાય છે, જે ગયા વર્ષ કરતા બમણા છે. ડોનાલ્ડ ટ્રમ્પે જાન્યુઆરીમાં રાષ્ટ્રપતિ બન્યા પછી ઇમિગ્રેશન મુદ્દાઓ પર સતત કડક વલણ અપનાવ્યું છે.

85,000 visa revocations since January.

President Trump and Secretary Rubio adhere to one simple mandate, and they won't stop anytime soon⤵️ pic.twitter.com/fbNYw9wj71

— Department of State (@StateDept) December 9, 2025

યુએસ સ્ટેટ ડિપાર્ટમેન્ટે મંગળવારે ઇન્સ્ટાગ્રામ પર લખ્યું હતું કે, "જાન્યુઆરીથી 85,000 વીઝા રદ કરવામાં આવ્યા છે. રાષ્ટ્રપતિ ટ્રમ્પ અને વિદેશમંત્રી રુબિયો એક સરળ આદેશનું પાલન કરી રહ્યા છે અને તે જલદી બંધ થશે નહીં.  પોસ્ટમાં ટ્રમ્પની તસવીર સાથે "મેક અમેરિકા સેફ અગેઈન" સૂત્ર લખવામાં આવ્યું છે.  છે. આ પગલું અમેરિકાને સુરક્ષિત બનાવવા માટે લેવામાં આવ્યું છે.

કોના વીઝા રદ કરવામાં આવ્યા?

સીએનએનના અહેવાલ મુજબ, યુએસ સ્ટેટ ડિપાર્ટમેન્ટના એક અધિકારીએ જણાવ્યું હતું કે 8,000થી વધુ વિદ્યાર્થીઓના વિઝા રદ કરવામાં આવ્યા હતા, જે ગત વર્ષ કરતા બમણા છે. અધિકારીએ જણાવ્યું હતું કે વીઝા રદ કરવાના સૌથી સામાન્ય કારણો DUI (દારૂ પીને ગાડી ચલાવવી), હુમલો અને ચોરી હતા. આ ગુનાઓ વીઝા રદ કરવાના અડધા ભાગ માટે જવાબદાર હતા.

વીઝા રદ કરવાના કારણોમાં ઓવરસ્ટેઇંગ, ગુનાહિત ચિંતાઓ અને આતંકવાદને સમર્થન સામેલ . સીએનએનએ એ પણ અહેવાલ આપ્યો છે કે વહીવટીતંત્રે ગાઝા પર વિદ્યાર્થીઓના વિરોધમાં સામેલ આંતરરાષ્ટ્રીય વિદ્યાર્થીઓને નિશાન બનાવ્યા છે. વીઝા ચકાસણી કડક કરવામાં આવી છે, આ વિદ્યાર્થીઓને યહૂદી વિરોધી ગણાવ્યા છે.

વીઝા રદ કરવાની પ્રક્રિયા ઝડપી બનાવો

વીઝા રદ કરવાની પ્રક્રિયામાં વધારો ત્યારે થયો છે જ્યારે ટ્રમ્પ વહીવટીતંત્ર માન્ય વીઝા ધરાવતા 55 મિલિયન વિદેશી નાગરિકો માટે તેની સતત ચકાસણી નીતિનો વિસ્તાર કરી રહ્યું છે. આનો અર્થ એ છે કે જો નવી માહિતી બહાર આવે તો કોઈપણ સમયે વીઝા રદ કરી શકાય છે. ટ્રમ્પ વહીવટીતંત્રે પહેલાથી જ 19 દેશોના પ્રવાસ પ્રતિબંધો લાદી દીધા છે.

ડોનાલ્ડ ટ્રમ્પ વહીવટીતંત્રે અન્ય ઇમિગ્રેશન માર્ગો પણ બંધ કરવાનો પ્રયાસ કર્યો છે. USIS એ કહ્યું છે કે તે "ચિંતા ધરાવતા દેશો" ના લોકોની ગ્રીન કાર્ડ અરજીઓની ફરીથી તપાસ કરશે. એજન્સીએ તમામ શરણાર્થી અરજીઓ પરના નિર્ણયોને પણ અસ્થાયી રૂપે અટકાવી દીધા છે. યુએસ સૈન્યને મદદ કરનારા અફઘાન લોકો માટે વીઝા સ્થગિત કરવામાં આવ્યા છે.