વિશ્વમાં તૂટ્યો કોરોનાનો રેકોર્ડ, 24 કલાકમાં આવ્યા અત્યાર સુધીના સૌથી વધારે 2.78 લાખ કેસ, મોતનો આંકડો પણ વધ્યો

અત્યાર સુધીમાં 93 લાખથી વધારે લોકો આ બીમારીથી સાજા થયા છે. વિશ્વભરમાં અત્યાર સુધીમાં 53 લાખ એક્ટિવ કેસ છે જેની સારવાર ચાલી રહી છે.

Coronavirus: વિશ્વમાં કોરોના વાયરસે નવો રેકોર્ડ બનાવ્યો છે. વિશ્વમાં વિતેલા 24 કલાકમાં 2.78 લાખ નવા કેસ સામે આવ્યા છે, આ અત્યાર સુધીનો સૌથી મોટો આંકડો છે. જ્યારે 24 કલાકમાં 7107 લોકોના મોત થયા છે. એક જ દિવસમાં આટલા મોત ત્રણ મહિના બાદ જોવા મળ્યા છે. કોરોના કેસના આંકડા પર નજર કરીએ તો વેબસાઇટ વર્લોડમીટર અનુસાર વિશ્વમાં અત્યાર સુધી કુલ એક કરોડ 53 લાખથી વધારે કેસ સામે આવી ચૂક્યા છે. જ્યારે મરનારા લોકોની સંખ્યા 6.29 લાખે પહોંચી ગઈ છે. જ્યારે આ બીમારીથી લોકો સાજા પણ થઈ રહ્યા છે. અત્યાર સુધીમાં 93 લાખથી વધારે લોકો આ બીમારીથી સાજા થયા છે. વિશ્વભરમાં અત્યાર સુધીમાં 53 લાખ એક્ટિવ કેસ છે જેની સારવાર ચાલી રહી છે. વિશ્વમાં કેટલા કેસ, કેટલા મોત અમેરિકા: કેસ- 4,099,884, મોત- 146,136 બ્રાઝીલ: કેસ- 2,231,871, મોત- 82,890 ભારત: કેસ- 1,239,684, મોત- 29,890 રશિયા: કેસ- 789,190, મોત- 12,745 સાઉથ આફ્રીકાઃ કેસ- 394,948, મોત- 5,940 પેરૂ: કેસ- 366,550, મોત- 17,455 મેક્સિકો: કેસ- 356,255, મોત- 40,400 ચિલી:  કેસ- 336,402, મોત- 8,722 સ્પેન: કેસ- 314,631, મોત- 28,426 યૂકે: કેસ- 296,377, મોત- 45,501

18 દેશોમાં બે લાખથી વધારે કેસ વિશ્વના 18 દેશોમાં કોરોના સંક્રમિતોની સંખ્યા 2 લાખને પાર કરી ગઈ છે. તેમાં ઇરાન, પાકિસ્તાન, તુર્કી, સાઉદી અકબ, ઇટલી, જર્મની અને બાંગ્લાદેશ પણ સામેલ છે. ભારત વિશ્વમાં સૌથી વધારે કેસના મામલે ત્રીજા નંબર પર છે જ્યારે મોતના મામલે આઠમાં નંબર પર છે.