Sunroof Challan: સનરૂફ વાળી કારોમાંથી માથુ બહાર કાઢવાનો પોલીસ કેટલો આપી શકે છે મેમો ? આ છે નિયમ

ઘણા લોકોને કારમાં લેટેસ્ટ ટેક્નોલોજી ગમે છે, તો કેટલાક લોકો સનરૂફના શોખીન હોય છે

(તસવીર- એબીપી અસ્મિતા ન્યૂઝ)

Sunroof Challan: ઘણા લોકો સનરૂફવાળી કારના શોખીન હોય છે, સામાન્ય રીતે સનરૂફવાળી કારની કિંમત 50 હજાર રૂપિયાથી લઈને 1 લાખ રૂપિયા સુધીની હોય છે. જ્યારે તેનો ઉપયોગ કરવા બદલ તમને દંડ થઈ શકે છે. કાર ખરીદતા પહેલા લોકો ઘણી બાબતોનું ધ્યાન રાખે છે, કારમાં ઉપલબ્ધ સુવિધાઓ અનુસાર કાર ખરીદવામાં આવે છે.

ઘણા લોકોને કારમાં લેટેસ્ટ ટેક્નોલોજી ગમે છે, તો કેટલાક લોકો સનરૂફના શોખીન હોય છે. એટલા માટે તેઓ હજારો વધારાના રૂપિયા ખર્ચીને સનરૂફવાળી કાર ખરીદે છે.

સનરૂફવાળી કાર ખરીદ્યા પછી લોકો તેનો ખૂબ ઉપયોગ કરે છે, શહેરોમાં પણ તમે ઘણા લોકોને સનરૂફની બહાર નીકળીને પવનની મજા લેતા જોયા હશે.

જો તમે પણ આવું કરવાનું વિચારી રહ્યા છો તો સાવધાન થઈ જાવ, કારણ કે સનરૂફની મજા તમારા માટે મોંઘી સાબિત થઈ શકે છે.

જો તમે સનરૂફથી બહાર નીકળો છો, તો પોલીસ તમને રોકી શકે છે અને તમને ચલણ આપી શકે છે. કારણ કે આ ટ્રાફિક નિયમોનું ઉલ્લંઘન છે.

ટાઈમ્સ ઓફ ઈન્ડિયાના એક અહેવાલ મુજબ, સનરૂફમાંથી માથું બહાર કાઢવા બદલ મોટર વ્હીકલ એક્ટની કલમ 177 હેઠળ ચલણ આપવામાં આવી છે. 100 થી 300 રૂપિયાનું ચલણ થઈ શકે છે.

એટલા માટે જો તમારી પાસે પણ સનરૂફવાળી કાર છે, તો તેનો ઉપયોગ સાવધાની સાથે કરો, કારણ કે શક્ય છે કે તમને રસ્તામાં ચલણ આપવામાં આવે.