મેનેજરે રૂમમાં બંધ કરી, ઘરેથી ભાગી ગઇ હતી, Bigg Boss ની આ સ્પર્ધકે કર્યો છે ખૂબ સંઘર્ષ

બિગ બોસ ઓટીટી સીઝન 2માં દેખાતી મનીષા રાનીના સંઘર્ષની કહાણી પણ ખૂબ જ ઈમોશનલ છે. બિગ બોસ ઓટીટી સીઝન 2 થી મનીષા રાનીને ખૂબ લોકપ્રિયતા મળી છે. મનીષા આ શોની સૌથી લોકપ્રિય સ્પર્ધકોમાંથી એક બની ગઈ છે.

ફોટોઃ ઇન્સ્ટાગ્રામ

બિગ બોસ ઓટીટી સીઝન 2માં દેખાતી મનીષા રાનીના સંઘર્ષની કહાણી પણ ખૂબ જ ઈમોશનલ છે. બિગ બોસ ઓટીટી સીઝન 2 થી મનીષા રાનીને ખૂબ લોકપ્રિયતા મળી છે. મનીષા આ શોની સૌથી લોકપ્રિય સ્પર્ધકોમાંથી એક બની ગઈ છે.

મનીષાને અહી સુધી પહોંચવા માટે ખૂબ જ સંઘર્ષ કર્યો છે. મનીષાને અનેક અડચણો પાર કરવી પડી હતી. જ્યારે મનીષા પાંચમા ધોરણમાં હતી ત્યારે મનીષાના માતા-પિતાના છૂટાછેડાની તેના પર ઊંડી અસર પડી હતી.

માતા-પિતાના છૂટાછેડા બાદ મનીષાની કસ્ટડી તેના પિતા મનોજ કુમારને આપવામાં આવી હતી. મનીષાના પિતા હંમેશા તેમની પુત્રીની ખૂબ કાળજી લેતા હતા. મનીષાને શરૂઆતથી જ ડાન્સ કરવાનો ખૂબ શોખ છે.

જ્યારે મનીષા બારમા ધોરણમાં હતી ત્યારે તે ડાન્સિંગ રિયાલિટી શો ડાન્સ ઈન્ડિયા ડાન્સમાં ભાગ લેવા માંગતી હતી. પરંતુ, મનીષાના પિતાએ તેને મોકલવાની ના પાડી દીધી હતી.

થોડા સમય પછી મનીષાએ તેના પિતાને પ્રોફેશનલ ડાન્સર બનવા માટે કોલકાતા મોકલવા કહ્યું. પરંતુ અભિનેત્રીના પિતાએ તેને પરવાનગી આપી ન હતી. મનીષાએ પિતાની વાત ન સાંભળતા ઘરેથી ભાગી જવાનું નક્કી કર્યું.

જ્યારે મનીષા ઘરેથી એકલી કોલકાતા પહોંચી ત્યારે તેની પાસે બિલકુલ પૈસા નહોતા. પોતાનું ગુજરાન ચલાવવા માટે મનીષા પાર્ટીઓમાં વેઈટર તરીકે કામ કરતી હતી.

થોડા સમય પછી મનીષાને બેક ગ્રાઉન્ડ ડાન્સરની નોકરી મળી ગઈ. પરંતુ, મનીષા આ કામથી ખુશ નહોતી. જ્યારે મનીષાએ ભાગવાનો પ્રયાસ કર્યો ત્યારે તેના બોસે તેને રૂમમાં બંધ કરી દીધી હતી. કોઈક રીતે બચીને મનીષા બિહાર પાછી આવી ગઇ હતી. મનીષાએ ટિક ટોક પર વીડિયો શેર કરવાનું શરૂ કર્યું. તેમના કામથી તેમને ઘણી લાઈવ ઈવેન્ટ્સ અને ફંક્શન્સમાં પરફોર્મ કરવાની તક મળી હતી.

મનીષા રાનીને સિરિયલ ગુડિયા હમારી સભી પે ભારીમાં કામ કરવાની તક મળી હતી. હવે મનીષા રાનીને બિગ બોસ શોથી એક અલગ ઓળખ મળી છે. આ સાથે મનીષાના ફોલોઅર્સની સંખ્યા પણ ઘણી વધી ગઈ છે.

તમામ તસવીરો ઇન્સ્ટાગ્રામ પરથી લેવામાં આવી છે.