એક્ટ્રેસ રકુલ પ્રીત સિંહ પ્રેમી જેકી સાથે માલદીવમાં માણી રહી છે વેકેશન, જુઓ તસવીરો

માર્ચમાં_આટલા_દિવસ_બંધ_રહેશે_બેંક_(3)

મુંબઇ : એક્ટ્રેસ રકુલ પ્રીત સિંહ પ્રેમી જેકી ભગનાની સાથે માલદીવમાં રજા માણી રહી છે. રકુલે માલદીવની તસવીરો ઇન્સ્ટાગ્રામ પર શેર કરી છે

રકુલે ઇન્સ્ટાગ્રામ પર માલદીવ વેકેશનની તસવીરો શેર કરી છે, આ તસવીરમાં રફુલ પ્રીત સિંહ ખૂબ જ સુંદર લાગી રહી છે. રકુલે પીળા રંગનો ડ્રેસ પહેર્યો છે. તે સમુદ્ર કિનારે એક પોઇન્ટ પર ઉભા રહીને પોઝ આપી રહી છે.

સોશિયલ મીડિયા પર આ ફોટો શેર કરતાં તેણે કેપ્શનમાં લખ્યું કે ' હું સમુદ્ર પાસે ઉધાર લીધેલા રંગોમાં સ્વપ્ન નિહાળું છું. અત્યાર સુધીમાં લગભગ ત્રણ લાખ લોકોએ આ તસવીરને લાઇક કરી છે. રફુલ બોયફ્રેન્ડ જેકી ભગનાની સાથે થોડા દિવસ પહેલા જ તાજમહાલ જોવા પણ પહોંચી હતી.

તાજેતરમાં રકુલ પ્રીત સિંહ અને જેકી ભગનાની માલદીવ ગયા હતા. તેઓએ ગયા વર્ષે રકુલના 31માં જન્મદિવસ પર સોશિયલ મીડિયા પોસ્ટ દ્વારા તેમના સંબંધોની જાણ કરી હતી. બંને ઘણીવાર સાથે ક્વોલિટી ટાઈમ વિતાવતા જોવા મળે છે.

તાજેતરમાં અભિનેત્રીએ ખુલાસો કર્યો હતો કે તે થોડા સમયથી જેકી ભગનાનીને ડેટ કરી રહી છે. અગાઉ અભિનેત્રીએ કહ્યું હતું કે તે સિંગલ છે. રકુલ પ્રીતે ખુલાસો કર્યો કે જેકી અને તેણીમાં ખૂબ જ સમાનતા છે તેઓ કામને સમાન રીતે પ્રાથમિકતા આપે છે.

રકુલ પ્રીત સિંહ પાસે સાત જેટલી મોટા બજેટની ફિલ્મો છે. તે 'એટેક'માં જ્હોન અબ્રાહમ અને જેકલીન ફર્નાન્ડિસ સાથે કામ કરશે. સિદ્ધાર્થ મલ્હોત્રા સાથે 'થેંક ગોડ', આયુષ્માન ખુરાના સાથે 'ડૉક્ટર જી', અજય દેવગણ અને અમિતાભ બચ્ચન સાથે 'રનવે 34', અક્ષય કુમાર સાથે 'મિશન સિન્ડ્રેલા' અને સુમીત વ્યાસ સાથે 'છત્રીવાલી' માં જોવા મળશે.