RRR Star Cast Fees: RRR ફિલ્મની સ્ટાર કાસ્ટ પર થયો પૈસાનો વરસાદ, જાણો કોને મળી સૌથી વધારે ફી

RRR Star Cast Fees: 'બાહુબલી' જેવી શાનદાર ફિલ્મ બનાવનાર એસએસ રાજામૌલી ફરી એકવાર મોટા પડદા પર પોતાનો જાદુ ફેલાવવા માટે તૈયાર છે. તેમની ફિલ્મ RRR નવા વર્ષમાં 7મી જાન્યુઆરીએ રિલીઝ થઈ રહી છે. આ ફિલ્મના ટ્રેલરે સોશિયલ મીડિયા પર ધૂમ મચાવી દીધી છે. દર્શકો આ ફિલ્મની ઘણા સમયથી રાહ જોઈ રહ્યા છે.

રાજામૌલીની ફિલ્મ RRR મોટી ફિલ્મ છે, તેથી તેની સ્ટારકાસ્ટ પણ એટલી જ શાનદાર છે. આ ફિલ્મમાં સાઉથના સુપરસ્ટાર એક્ટર રામ ચરણ, જુનિયર એનટીઆર, એક્ટ્રેસ આલિયા ભટ્ટ અને અજય દેવગન જેવા સ્ટાર્સ મહત્વની ભૂમિકામાં છે. જાણો આ ફિલ્મ માટે આ સ્ટાર્સને કેટલી ફી મળી છે.

RRR ફિલ્મમાં અભિનેતા અજય દેવગન પણ મહત્વની ભૂમિકા ભજવી રહ્યો છે. આ પહેલીવાર છે જ્યારે અભિનેતા સાઉથની કોઈ ફિલ્મમાં જોવા મળશે. મીડિયા રિપોર્ટ્સ અનુસાર આ ફિલ્મ માટે તેને 25 કરોડ રૂપિયા આપવામાં આવ્યા છે.

અભિનેત્રી આલિયા ભટ્ટ રાજામૌલીની ફિલ્મ RRRમાં સીતાનું પાત્ર ભજવી રહી છે. આ ફિલ્મ માટે તેને 9 કરોડ રૂપિયાની ફી આપવામાં આવી છે.

આ ફિલ્મમાં એક્ટર જુનિયર એનટીઆર કોમારામ ભીમની ભૂમિકામાં છે. આ ફિલ્મ માટે તેને 45 કરોડ રૂપિયાની ફી આપવામાં આવી છે.

આ ફિલ્મમાં એક્ટર રામચરણ મુખ્ય ભૂમિકામાં છે. આમાં તે અલ્લુરી સીતારામ રાજુનો રોલ કરી રહ્યો છે. મીડિયા રિપોર્ટ્સ અનુસાર, આ ફિલ્મ માટે તેને 45 કરોડ રૂપિયા પણ મળ્યા છે.