Rhea Chakraborty: ના ફિલ્મો, ના ટીવી શો... તો પછી રિયા ચક્રવર્તી ક્યાંથી કરે છે લાખોની કમાણી?

Rhea Chakraborty Birthday: બોલિવૂડ એક્ટ્રેસ રિયા ચક્રવર્તીએ એક જૂલાઇના રોજ તેનો જન્મદિવસ ઉજવ્યો હતો. આ અવસર પર અમે તમને અભિનેત્રીની લક્ઝરી લાઈફ, આવકના સ્ત્રોત અને નેટવર્થ વિશે જણાવવા જઈ રહ્યા છીએ.

ફોટોઃ abp live

Rhea Chakraborty Birthday: બોલિવૂડ એક્ટ્રેસ રિયા ચક્રવર્તીએ એક જૂલાઇના રોજ તેનો જન્મદિવસ ઉજવ્યો હતો. આ અવસર પર અમે તમને અભિનેત્રીની લક્ઝરી લાઈફ, આવકના સ્ત્રોત અને નેટવર્થ વિશે જણાવવા જઈ રહ્યા છીએ. બોલિવૂડ અભિનેત્રી રિયા ચક્રવર્તી 1લી જૂલાઈએ 32 વર્ષની થઈ ગઈ છે.

વાસ્તવમાં રિયા ચક્રવર્તીના બોયફ્રેન્ડ અને એક્ટર સુશાંત સિંહ રાજપૂતના મૃત્યુ પછી અભિનેત્રીના જીવનમાં ઘણી ઉથલપાથલ આવી ગઈ છે. જેની તેની કારકિર્દી પર ભારે અસર પડી અને અભિનેત્રીને કામ મળતું બંધ થઈ ગયું.

સુશાંતના મૃત્યુ બાદ અભિનેત્રી પર ઘણા ગંભીર આરોપો લાગ્યા હતા. જેના કારણે તેને જેલ પણ જવું પડ્યું હતું. જો કે, હવે તે જામીન પર બહાર છે અને તેનું જીવન ધીમે ધીમે પાટા પર આવી રહ્યું છે.

ફિલ્મ 'મેરે ડૅડ કી મારુતિ'થી પોતાની એક્ટિંગ કરિયરની શરૂઆત કરનાર રિયા ચક્રવર્તીએ અત્યાર સુધી પોતાના કરિયરમાં 'જલેબી', 'હાફ ગર્લફ્રેન્ડ', 'બેંક ચોર' અને 'સોનાલી કેબલ' જેવી ફિલ્મોમાં કામ કર્યું છે. પરંતુ આમાંથી એક પણ ફિલ્મ બોક્સ ઓફિસ પર કમાલ કરી શકી નથી.

રિયા ચક્રવર્તી છેલ્લે અમિતાભ બચ્ચન અને ઈમરાન હાશ્મી સાથે ફિલ્મ 'ચેહરે'માં જોવા મળી હતી. આ પછી તે મોટા પડદા પર જોવા ન મળી, તેની લક્ઝરી લાઈફ જોઈને લોકોના મનમાં આ સવાલ ઉઠે છે કે અભિનેત્રી ક્યાંથી કમાણી કરે છે. આવી સ્થિતિમાં અમે અહીં રિયા ચક્રવર્તીની આવકનો સ્ત્રોત જણાવવા જઈ રહ્યા છીએ.

રિયા ચક્રવર્તી ભલે ફિલ્મોમાં ઓછી જોવા મળે પરંતુ બ્રાન્ડ એન્ડોર્સમેન્ટ અને સ્ટેજ શો તેની આવકના મુખ્ય સ્ત્રોત છે. જેના કારણે અભિનેત્રી લાખો રૂપિયા કમાય છે.

મીડિયા રિપોર્ટ્સ અનુસાર, રિયાની વાર્ષિક આવક લગભગ 30 લાખ રૂપિયા છે અને તેની કુલ નેટવર્થ લગભગ 11 કરોડ રૂપિયા છે. આ સિવાય અભિનેત્રી એક ફિલ્મ માટે 30 લાખ રૂપિયા ફી લે છે.

રિયાને મોંઘી કારનો પણ ખૂબ શોખ છે. અભિનેત્રી પાસે ટોયોટા ઈનોવા અને જીપ કમ્પાસ એસયુવી જેવી કાર છે.