'તડપ' કો-સ્ટાર્સ તારા સુતારિયા અને અહાન શેટ્ટી અમદાવાદમાં, ફિલ્મના પ્રચાર દરમિયાન ગુજરાતી થાળીનો આનંદ માણ્યો

અહાન શેટ્ટી અને તારા સુતારિયા સ્ટારર 'તડપ' જ્યારથી નિર્માતાઓએ ફિલ્મના ટ્રેલરને રિલિઝ કર્યું છે ત્યારથી તે તહેલકો મચાવી રહ્યું છે. બંને સ્ટાર્સ હાલમાં તેમની રોમેન્ટિક એક્શન થ્રિલર ફિલ્મના પ્રમોશનમાં વ્યસ્ત છે. આ ફિલ્મ 3 ડિસેમ્બર, 2021ના રોજ સિલ્વર સ્ક્રીન પર આવશે.

ફિલ્મ 'તડપ'ની રિલીઝ ડેટ નજીક આવતા જ દર્શકોમાં ઉત્સુકતા એક અલગ જ સ્તરે પહોંચી ગઈ છે. જ્યારે અહાન શેટ્ટી આ ફિલ્મથી ડેબ્યૂ કરી રહ્યો છે, તો બીજી તરફ, લોકો તારા અને અહાનની નવી જોડીને સ્ક્રીન પર એકસાથે જોવા માટે ઉત્સાહિત છે. આવી સ્થિતિમાં ફિલ્મની લીડ જોડી અહાન શેટ્ટી અને તારા સુતારિયાએ ફિલ્મનું જોરશોરથી પ્રમોશન શરૂ કરી દીધું છે. અને આ અનુસંધાનમાં તેઓ અમદાવાદમાં પ્રચાર કર્યો છે. આ મુલાકાત દરમિયાન અહાન અને તારા મીડિયા સાથે વાત કરી અને પ્રખ્યાત ગુજરાતી થાળીનો આનંદ માણ્યો હતો.

'સ્ટુડન્ટ ઑફ ધ યર'થી બૉલીવુડમાં પદાર્પણ કરનાર અભિનેત્રી તારા સુતરીયાએ સેલ્ફી માટે પોઝ આપ્યો હતો. અહાન શેટ્ટી અને તારા સુતારિયા અભિનીત, સાજિદ નડિયાદવાલા દ્વારા નિર્મિત, રજત અરોરા દ્વારા લખાયેલ અને મિલન લુથરિયા દ્વારા દિગ્દર્શિત, નડિયાદવાલા ગ્રાન્ડસન એન્ટરટેઈનમેન્ટ પ્રોડક્શન તડપ 3 ડિસેમ્બર 2021ના રોજ સિનેમાઘરોમાં આવશે.

અહાન શેટ્ટી અને તારા સુતારિયા સ્ટારર 'તડપ' ને લઈ ટ્રેડ પંડિતો અપેક્ષા રાખે છે કે તેમની અત્યંત અપેક્ષિત ફિલ્મ બોક્સ ઓફિસ પર સારું પ્રદર્શન કરશે.