Heat stroke: કાળઝાળ ગરમીમાં 'હીટસ્ટ્રોક'થી બચવા માટે કરો આ ઉપાય, થશે સ્વાસ્થ્ય લાભ

Heat stroke: કાળઝાળ ગરમીમાં 'હીટસ્ટ્રોક'થી બચવા માટે કરો આ ઉપાય, થશે લાભ

પ્રતિકાત્મક તસવીર

દેશના ઘણા વિસ્તારોમાં પારો સતત વધી રહ્યો છે અને લોકો ગરમી અને હીટ-સ્ટ્રોકથી બચવા માટે ઘણી રીતો અપનાવી રહ્યા છે. ઘણા લોકો હીટ-સ્ટ્રોક વિશે નથી જાણતા. અહીં અમે તમને હીટસ્ટ્રોકના લક્ષણો અને તેનાથી બચવા શું કરવું તેના વિશે જણાવીશું.

અતિશય ગરમીના કારણે સનસ્ટ્રોકની સમસ્યા પણ થઈ શકે છે. આવી સ્થિતિમાં, ઉનાળામાં સ્વાસ્થ્યનું વિશેષ ધ્યાન રાખવાની જરૂર છે. ગરમીમાં બહાર નિકળતા પહેલા શરીરની કાળજી રાખવી ખૂબ જ જરુરી બની જાય છે.

એક્સપર્ટના જણાવ્યા અનુસાર, હીટસ્ટ્રોકથી બચવા માટે પુષ્કળ પાણી પીવું જોઈએ. ભલે તમને તરસ ન લાગે. જો કે, તીવ્ર સૂર્યપ્રકાશમાંથી સીધા ઘરે આવ્યા પછી પાણી ન પીવું જોઈએ. થોડીવાર રોકાઈને પાણી પી શકો છો.

સૂર્યપ્રકાશમાં ઘરની બહાર નીકળવાનું ટાળવું જોઈએ. જો જરૂરી હોય તો, ઠંડા પીણાં પીવો, જેમાં ફળોનો રસ, નારિયેળ પાણીનો સમાવેશ થાય છે. ડ્રાઇવિંગ કરતી વખતે તમારે સૂર્યપ્રકાશના સંપર્કમાં આવવાનું પણ ટાળવું જોઈએ.

ઉનાળામાં વૃદ્ધો અને બાળકોની કાળજી લેવી ખૂબ જ જરૂરી છે. તેનાથી બચવા માટે તમારે દરરોજ ઓછામાં ઓછું 7 થી 8 ગ્લાસ પાણી પીવું જોઈએ. ઘણી વખત લોકો એક દિવસમાં એટલું પાણી પી શકતા નથી. પરંતુ શરીરને હાઇડ્રેટ રાખવા માટે પાણી પીવું જરૂરી છે.

આ સિવાય વૃદ્ધ લોકોએ આવા ફળોનું સેવન કરવું જોઈએ જેમાં પાણીનું પ્રમાણ વધુ હોય. તમે તરબૂચ અને દ્રાક્ષ જેવા ફળોનું સેવન કરી શકો છો. આ સિવાય વૃદ્ધ લોકોએ તેમના આહારમાં લીલા શાકભાજી, સ્વસ્થ અને સંતુલિત આહાર લેવો જોઈએ.