PHOTOS: વંદે ભારત એક્સપ્રેસ હવે વાદળી-સફેદને બદલે ઓરેન્જ અને ડાર્ક-ગ્રે કલરમાં જોવા મળશે

Vande Bharat Express: આગામી વંદે ભારત ટ્રેનોમાં હવે વાદળી અને સફેદ ડિઝાઇનને બદલે નારંગી અને ઘેરા-ગ્રે રંગોનું મિશ્રણ જોવા મળશે. રેલવે મંત્રી અશ્વિની વૈષ્ણવે નવી તસવીરો શેર કરી છે.

વંદે ભારત એક્સપ્રેસ હવે વાદળી-સફેદને બદલે ઓરેન્જ અને ડાર્ક-ગ્રે કલરમાં જોવા મળશે

દેશની લક્ઝુરિયસ અને આધુનિક સુવિધાઓથી સજ્જ વંદે ભારત ટ્રેનનો રંગ બદલવામાં આવી રહ્યો છે. હવે નવી વંદે ભારત ટ્રેનનો રંગ સફેદ અને વાદળી નહીં, પરંતુ નારંગી-ઘેરો રાખોડી હશે.

વંદે ભારત ટ્રેનનો નવો રંગ અગાઉના રંગ કરતાં વધુ આકર્ષક લાગી રહ્યો છે. ટ્રેનની બાજુમાં વાદળી પટ્ટીને બદલે હવે નારંગી રંગની પટ્ટી દેખાશે.

રેલ્વે મંત્રી અશ્વિની વૈષ્ણવે ICF, ચેન્નાઈથી ટ્રેનસેટની તસવીરો શેર કરી છે, જેમાં ટ્રેનને પ્રસ્થાન માટે તૈયાર કરવામાં આવી રહી છે.

રેલ્વે મંત્રીએ શેર કરેલી તસવીરોમાં જોઈ શકાય છે કે ICF ચેન્નાઈ નવી વંદે ભારત એક્સપ્રેસ ટ્રેનની સમાંતર ઊભી છે.

તાજેતરમાં જ વડાપ્રધાન નરેન્દ્ર મોદીએ ગોરખપુરની મુલાકાત દરમિયાન બે વંદે ભારત ટ્રેનો લોન્ચ કરી હતી.

આમાંથી એક ટ્રેન ગોરખપુર-લખનૌ રૂટ પર દોડી રહી છે, જ્યારે બીજી ટ્રેન જોધપુર-સાબરમતી રૂટ પર દોડી રહી છે.

ઉપરાંત, હવે વંદે ભારત એક્સપ્રેસ ટ્રેનોની કુલ સંખ્યા વધીને 25 રૂટ થઈ છે, જેમાં 50 ટ્રેનો મુસાફરી માટે ચલાવવામાં આવે છે.