ગુજરાત કોંગ્રેસમાં મોટી ઉથલપાથલના એંધાણ, કોંગ્રેસે નિમ્યા ૪૩ AICC અને ૧૮૩ PCC નિરીક્ષકો, જુઓ યાદી

૪૩ AICC અને ૧૮૩ પ્રદેશ કોંગ્રેસના નિરીક્ષકોની નિમણૂક, ૧૫ એપ્રિલે મોડાસામાં તમામ ઓબ્ઝર્વરની બેઠક.

અમદાવાદ: કોંગ્રેસના રાષ્ટ્રીય અધ્યક્ષે જિલ્લા પ્રમુખોની પસંદગી પ્રક્રિયાને વધુ સુવ્યવસ્થિત બનાવવા માટે એક વિશાળ ટીમની જાહેરાત કરી છે.

આ ટીમમાં રાષ્ટ્રીય અને પ્રદેશ સ્તરના અનેક નિરીક્ષકોનો સમાવેશ કરવામાં આવ્યો છે, જે જિલ્લા સ્તરે નવા પ્રમુખોની નિમણૂક માટે દેખરેખ રાખશે.

રાષ્ટ્રીય કોંગ્રેસ દ્વારા જિલ્લા પ્રમુખોની નિમણૂક માટે ૪૩ ઓલ ઇન્ડિયા કોંગ્રેસ કમિટી (AICC)ના નિરીક્ષકોની નિમણૂક કરવામાં આવી છે.

આ ઉપરાંત, ૭ સપોર્ટેડ ઓબ્ઝર્વર પણ આ પ્રક્રિયામાં સહાયક ભૂમિકા ભજવશે. પ્રદેશ કોંગ્રેસ કમિટી (PCC)ના ૧૮૩ નિરીક્ષકો પણ આ પસંદગી પ્રક્રિયામાં સાથે રહેશે.

પસંદગી પ્રક્રિયાને સરળ બનાવવા માટે પ્રદેશના ૪ નિરીક્ષકો અને ૧ AICC નિરીક્ષકનું એક ગ્રુપ બનાવવામાં આવશે.

આ ગ્રુપ દરેક જિલ્લા અને શહેરના સંભવિત ઉમેદવારોની ચકાસણી કરશે અને તેમની યોગ્યતાના આધારે પ્રમુખોની પસંદગી કરશે.

આ તમામ નિરીક્ષકોની એક ખાસ બેઠક આગામી ૧૫મી એપ્રિલે મોડાસા ખાતે બપોરે ૩ વાગ્યે યોજાશે.

આ બેઠકમાં જિલ્લા અને શહેર પ્રમુખોની પસંદગી અંગે વિસ્તૃત ચર્ચા અને મંથન કરવામાં આવશે.

કોંગ્રેસ પક્ષ આ નિમણૂકો દ્વારા ગુજરાતમાં પક્ષના સંગઠનને વધુ મજબૂત બનાવવા પર ધ્યાન કેન્દ્રિત કરી રહ્યું છે.

જિલ્લા પ્રમુખોની પસંદગી માટે કોંગ્રેસના રાષ્ટ્રીય અધ્યક્ષે ટીમ જાહેર કરી

જિલ્લા પ્રમુખોની પસંદગી માટે કોંગ્રેસના રાષ્ટ્રીય અધ્યક્ષે ટીમ જાહેર કરી