આગામી 3 કલાક ગુજરાતના 6 જિલ્લાઓ માટે ભારે, ગાજવીજ સાથે વરસાદ ભુક્કા બોલાવશે, જાણો શું છે આગાહી

Gujarat weather alert: રાજ્યના 11 જિલ્લાઓમાં હળવા વરસાદના સંકેત; હવામાન વિભાગનું 'નાઉકાસ્ટ' જાહેર, લોકોને સાવચેત રહેવા અપીલ.

Gujarat rainfall update: ગુજરાત હવામાન વિભાગે રાજ્યમાં આગામી 3 કલાક માટે વરસાદનું 'નાઉકાસ્ટ' જાહેર કર્યું છે, જેમાં ભારેથી લઈ હળવા વરસાદની શક્યતાઓ વ્યક્ત કરવામાં આવી છે.

રાજ્યના વિવિધ ભાગોમાં ગાજવીજ અને ભારે પવન સાથે વરસાદ વરસવાની સંભાવના છે.

હવામાન વિભાગની આગાહી મુજબ, આગામી 3 કલાકમાં દાહોદ, દ્વારકા, પોરબંદર, જામનગર, પંચમહાલ અને રાજકોટ જિલ્લાઓમાં ગાજવીજ અને ભારે પવન (41 થી 61 કિલોમીટર પ્રતિ કલાકે) સાથે ભારે વરસાદ વરસી શકે છે.

આ ઉપરાંત, મોરબી, જૂનાગઢ, નર્મદા, ગાંધીનગર, અરવલ્લી, ખેડા, અમદાવાદ, આણંદ, મહીસાગર, વડોદરા, છોટાઉદેપુર, સુરેન્દ્રનગર, અમરેલી, ભાવનગર, ગીર સોમનાથ, બોટાદ, કચ્છ અને દીવ જેવા જિલ્લાઓ અને સંઘ પ્રદેશમાં ગાજવીજ સાથે મધ્યમ વરસાદ થવાની સંભાવના છે.

જ્યારે, ભરૂચ, ડાંગ, નવસારી, વલસાડ, તાપી, દમણ, દાદરા નગર હવેલી, બનાસકાંઠા, પાટણ, મહેસાણા, સાબરકાંઠા અને સુરત જેવા જિલ્લાઓમાં હળવા વરસાદની આગાહી કરવામાં આવી છે.

હવામાન વિભાગે લોકોને વીજળીના કડાકા અને ભારે પવનથી સાવચેત રહેવા તેમજ જરૂર ન હોય તો ઘરની બહાર ન નીકળવા અપીલ કરી છે.