વરસાદ ગયો નથી! આગામી 4 દિવસ વીજળીના કડાકા ભડાકા સાથે ભારે વરસાદ તૂટી પડશે, જાણો હવામાન વિભાગની આગાહી

Gujarat Weather: ગુજરાતમાં આગામી ૪ દિવસ હવામાનનો મિજાજ બદલાશે: વીજળીના કડાકા સાથે વરસાદની આગાહી, આજે સૌરાષ્ટ્ર અને કચ્છમાં ભારે વરસાદની શક્યતા, ૫૨ ૬૦ કિમીની ઝડપે પવન ફૂંકાશે.

Gujarat Rain Alert: ગુજરાતમાં ઉનાળાની આકરા ગરમી વચ્ચે હવામાન વિભાગ દ્વારા આગામી દિવસો માટે વરસાદ અને વાવાઝોડાની આગાહી કરવામાં આવી છે. રાજ્યમાં આગામી ચાર દિવસ દરમિયાન વાતાવરણમાં પલટો આવવાની શક્યતા છે, જેમાં વીજળીના કડાકા ભડાકા સાથે વરસાદ પડી શકે છે.

હવામાન વિભાગ દ્વારા કરવામાં આવેલી નવી આગાહી મુજબ, ગુજરાત રાજ્યમાં આગામી ચાર દિવસ દરમિયાન વાતાવરણમાં ફેરફાર જોવા મળશે. સાયકલોનિક સર્ક્યુલેશન સિસ્ટમ સક્રિય થવાને કારણે રાજ્યમાં કમોસમી વરસાદ (માવઠાં) ની સંભાવના છે.

આજે સૌરાષ્ટ્ર અને કચ્છ સહિત આ જિલ્લાઓમાં ભારે વરસાદ: આજે, ૮ મે, ૨૦૨૫ ના રોજ સૌરાષ્ટ્ર અને કચ્છ સહિત રાજ્યના કેટલાક વિસ્તારોમાં ભારે વરસાદ પડવાની આગાહી કરવામાં આવી છે. ખાસ કરીને, જૂનાગઢ, અમરેલી, ભાવનગર (સૌરાષ્ટ્ર), સુરત, નવસારી, વલસાડ (દક્ષિણ ગુજરાત), સાબરકાંઠા અને અરવલ્લી (ઉત્તર ગુજરાત) જેવા જિલ્લાઓમાં ભારે વરસાદની શક્યતા વ્યક્ત કરવામાં આવી છે.