સબ ગોલમાલ હૈ: સરસ્વતી સાધના યોજના હેઠળ વિતરિત સાયકલો ભંગાર થઈ જતા નવો કલર કરીને....

Saraswati Sadhana Yojana: ગુજરાત સરકારની પ્રતિષ્ઠિત સરસ્વતી સાધના યોજના હેઠળ વિદ્યાર્થીઓને આપવામાં આવતી સાયકલોમાં મોટા પાયે ગેરરીતિ થયાની શંકા ઉદ્ભવી છે.

Saraswati Sadhana Yojana Scam: આ યોજના હેઠળ 2023ના શાળા મહોત્સવમાં વિતરણ માટે નિર્ધારિત સાયકલો ભંગાર હાલતમાં હોવાનું જાણવા મળ્યું છે.

આ ભંગાર સાયકલો પર નવું રંગકામ કરીને તેમને નવી જેવી બનાવવાનો પ્રયાસ કરવામાં આવી રહ્યો છે.

આ મામલો ગંભીર બનતા મુખ્યમંત્રી કક્ષાએથી સાયકલોનું વિતરણ અટકાવવાની સૂચના આપવામાં આવી છે.

કેટલાક જિલ્લાઓમાં તો આ સાયકલો હટાવી લેવા માટેના પરિપત્રો પણ જારી કરવામાં આવ્યા છે.

ગાંધીનગરના સેક્ટર 3માં ગાંધીનગર તાલુકાની શાળાઓ માટેની સાયકલો રાખવામાં આવી છે.

આશ્ચર્યજનક રીતે, આ સાયકલો પર નવેસરથી રંગકામ કરવામાં આવી રહ્યું છે, જે અનેક સવાલો ઉભા કરે છે.

આ સમગ્ર પ્રકરણમાં સાયકલ ખરીદનાર સરકારી એજન્સી ગ્રીમકો અને સાયકલ ઉત્પાદક કંપની વચ્ચે કોઈ અયોગ્ય સમજૂતી થઈ હોવાની શંકા વ્યક્ત થઈ રહી છે.