રાજ્યના ખેડૂતો માટે માઠા સમાચાર, એપ્રિલની શરુઆતમાં જ કમોસમી વરસાદની આગાહી

રાજ્યના ખેડૂતો માટે માઠા સમાચાર, એપ્રિલની શરુઆતમાં જ ત્રણ દિવસ કમોસમી વરસાદની આગાહી

પ્રતિકાત્મક તસવીર

અમદાવાદ: રાજ્યના ખેડૂતો માટે ખૂબ જ માઠા સમાચાર સામે આવ્યા છે. એક એપ્રિલથી ત્રણ દિવસ કેટલાક વિસ્તારોમાં કમોસમી વરસાદની આગાહી કરવામાં આવી છે. 30 કિલોમીટર પ્રતિ કલાકની ઝડપે પવન ફૂંકાઈ શકે છે. વેસ્ટર્ન ડિસ્ટર્બન્સની અસરના કારણે આગામી 1 એપ્રિલથી રાજ્યના વાતાવરણમાં ફેરફાર આવી શકે છે.

હવામાન વિભાગની આગાહી મુજબ વેસ્ટર્ન ડિસ્ટર્બન્સના કારણે 1 એપ્રિલથી દક્ષિણ ભારતમાં કેરળથી કર્ણાટક મધ્યપ્રદેશ, મહારાષ્ટ્રના કેટલાક વિસ્તારમાં વરસાદની પ્રબળ શક્યતા છે જેની અસર ગુજરાતમાં પણ થઇ શકે છે. જેથી ગુજરાતના કેટલાક જિલ્લામાં વાદળછાયા વાતાવરણ સાથે કેટલાક વિસ્તારમાં વરસાદ વરસી શકે છે.