Har Ghar Tiranga: અમિત શાહે દિલ્હીમાં તેમના નિવાસ સ્થાને ફરકાવ્યો તિરંગો, લોકોને કરી આ અપીલ

Har Ghar Tiranga: કેન્દ્રીય ગૃહ પ્રધાન અમિત શાહે આજથી શરૂ થઈ રહેલા 'હર ઘર તિરંગા' અભિયાનના ભાગરૂપે શનિવારે સવારે 8 વાગ્યે રાષ્ટ્રીય રાજધાનીમાં તેમના નિવાસસ્થાને રાષ્ટ્રધ્વજ ફરકાવ્યો હતો.

અમિત શાહ

શાહે દેશવાસીઓને આઝાદી કા અમૃત મહોત્સવ દરમિયાન તેમના ઘરેથી ત્રિરંગો લહેરાવીને વડા પ્રધાન નરેન્દ્ર મોદી દ્વારા શરૂ કરાયેલ 'હર ઘર તિરંગા' અભિયાનમાં જોડાવા માટે આહ્વાન કર્યું હતું.

અમિત શાહની સાથે તેમના પત્ની પણ હાજર રહ્યા હતા. આઝાદી કા અમૃત મહોત્સવના નેજા હેઠળ, ભારતની આઝાદીના 75મા વર્ષની ઉજવણીમાં લોકોને ત્રિરંગો ઘરે લાવવા અને તેને ફરકાવવા પ્રોત્સાહિત કરવા માટે 'હર ઘર તિરંગા' અભિયાન આજથી શરૂ થયું છે.